خيل المكارم....
 

السلام عليكم ورحمة الله وبركاته




بالشعر كاني ما ذكرت المناعير...منهو كفو ابذكره في قصيدي؟




قصيده قبليه قلبيه مني لكل ابناء القبيله



[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
انا احمد الله يومنا مسلمينا = نتبع كتاب الله وسنة نبيه

نور(ن) ينورنا وفيه اهتدينا = نُـِزل على محمد لكل البريه

وانا احمد الله يومنا طيبينا = فينا الشجاعه والكرم والحميه

حزنا علي الأمجاد دنيا ودينا = طيب وظفر وايمان والنار حيّه

زعب(ن) هل الحيزا ونعم اليمينا = مكانها اما هنا او هنيه

لا صاحت الحرّه واهي تنتخينا = نفزع ولا نحسب حساب المنيه

على الشهامه والمعزه ربينا = نهوا العلا ولا نحب الدنيه

من دون ذود الجار حنا اشترينا = موت(ن) ولا يوخذ من ابله مطيه

خمسة عشر عام(ن) حساب السنينا = إن زادت شويه او تنقص شويه

لو المكارم خيل حنا امتطينا = ظهورها ورماحنا صيريمه

لو الشهامه بحر فالربع مينا = تارد عليه السفن صبح وعشيه

ايه ونعم غصب(ن) على العايلينا = جتنا بفعل يمين ماهي عطيه

صحيح حنا شوي مير إن فينا = فينا الوفا والجود ميه بميه

منهو نوا في فعلته يبتلينا = نعطيه درس(ن) ما يلاقي سويه

الظيف له حشمه وكبش(ن) سمينا = وللجار حق وللظعيفين فيـّـه

بشر وآخرة البشر ميتينا = وفعولنا كما طويق وطميّـه

سلام يا مروين حد السنينا = لكم سلام(ن) من علي والتحيه[/poem]


وسلامتكم


وسامحونا على القصور

تعليق:

مكانها اما هنا(على الراس ) او هنيه(في القلب) (مع الإشاره عند الإلقاء)


تحياتي....

ابــــــــــــــــــ ــــــداع بلا حدود


فن بمعنى الكلمه

صح لسانك يبو غنيم

والله لا يهينك

ايه ونعم غصب(ن) على العايلينا _ جتنا بفعل يميـن ماهـي عطيـه

صدقت يامبدع


الظيف له حشمه وكبش(ن) سمينا _ وللجـار حـق وللظعيفيـن فيّـه

جزل





علي


ياعلي




روح ياشيخ الله يوفقك




وصح الله لسانك وبوووحك

مرحبا ومسهلا يا اسير الشوق


صح بدنك

ولاهنت على مرورك



==================== ==================== ===


ابو هلا


يا ابو هلا



صح بدنك والله يوفقنا جميعاً


وعساني قدمت اللي يجمل عندكم



تحياتي

على بن مديبغ

صح الله لسانك وعلا شأنك

والله والنعم بزعب

ونعم بالمادح والممدوح

سلمت ياعلي

مرحبابك يا العبيدي


وصح بدنك


وما عليك زود


وشاكر لك على مرورك



تحياتي..

صحيح حنا شوي ميـر إن فينـا /// فينا الوفـا والجـود ميـه بميـه
00
لو الشهامه بحـر فالربـع مينـا /// تارد عليه السفن صبـح وعشيـه
____________________ ____________________ _______________


ابداااع يابو غنيم 00 جزل ولا اروع


صح لسااانك



لاهنت على هالابيات 00



عسى الله يوفقك يابو غنيم


تحياتي للجميع

مرحبا ومسهلا يا ابو غانم


ولا هنت على مرورك


وصح الله بدنك



والله يوفقنا لما يحب ويرضى



تحياتي...

والله والنعم ياعلي بك وبزعب

زعب قبيله تستاهل المديح

ومهماقيل فيهالايوفيها


صح الله لسانك

مرحبابك يا ذيب الحره


ما عليك زود طال عمرك


وصح بدنك



وشاكر لك على مرورك




تحياتي....