|
يا بن وافي طيعني وألغ القصايد
السلام عليكم ورحمة الله وبركاته ,,, مساكم الله بالخير أنقل لكم ردية بين الشاعر الكبير العم أبو فهد حمد البراطمي والشاعر محمد مبارك الوافي أتمنى أن تنول على اعجابكم أبوفهد يقول يا بن وافي طيعني وألغ القصايد خير منهن ذكر من ينشي سحابــه لا يغـــرك من نشرهـــــن بالجرايد يبغي السمعه ولا يدرا حســــــابه ركعتين الفجر به تكسب فوايـــــد وذكــر رب البيت وقراية كتـــــابه طيعني يا شوق زاهيات القلايــــد طيعني وركع لمن ترجي ثوابــــه القصيــــد يوردك واد الوقايـــــــد ما استفادوا منه مدندشت الربابــه ذا جوابي وانتها يا أبا العوايـــــد وأحتـــر المردود يا ذيب الذيابــــه وقد رد الشاعر محمد مبارك بهذه القصيدة يا يبــــه ماني مكلف بالنشايـــــد ميــر قلبي لا طراله شي جابــــــه وأنت من علمك موقع لي شهايــد لا تهــــد الطير وتهدف صوابـــــــه أن نظــرت الزين مفلول الجعايـــد ما غبطــت اللي ملايين ٍ حسابــــه الجـــوازي صيدها عسر ٍ وكايـــد وعـــذاب اللي سواتي وعذابـــــه يصعد المرقاب خوف من النقايــــد وأن تــذكر صاحبه شقق ثيـــــابه ما يفيــد النصح يا شيخ الشدايـــد ذا كـــــلام اللي تقفابه شبابــــــه وسلامتكم ,,, |
محمد بن فهد الوافي
لا هنت على ما تقدمه لنا ومشكور على نلقها وصح الله لسان الشاعرين ابو فهد حمد البراطمي ركعتين الفجر به تكسب فوايـــــد وذكــر رب البيت وقراية كتـــــابه حكمه وإستنتاج من رجل جرب الحياة وبيت وااااااااافي ومحمد بن مبارك الوفي صح الله لسانه يا يبــــه ماني مكلف بالنشايـــــد ميــر قلبي لا طراله شي جابــــــه صحيح يا ابو مبارك أن نظــرت الزين مفلول الجعايـــد ما غبطــت اللي ملايين ٍ حسابــــه والله اني معاك يا الهواوي في ذ البيت i gree ولاهنتو جميعاً |
ما يفيــد النصح يا شيخ الشدايـــد
ذا كـــــلام اللي تقفابه شبابــــــه جزاك الله خيرا |
ياسلام ردّيـــــه
رائعه من اب وشاعر كبيـــــر له وقاره واحترامه عند كل من يقابله الي شاعر وشاب يافع بالعمر ويافع بالقصيد الجزل واسناد شاعر بحجم العم ابو فهد الي الشاعر محمد هذا اكبر دليل علي جزالة الثاني وشهادة وثقة الأول صح الله لسان العم ابو فهد ونسئل الله له الصحه والعافيه وصح الله لسان ابو مبارك معودنا علي الجزاله والابداع لاهنت يابو فهد علي نقل هذه الرديات الرائعه |
صح لساااان ابوفهد والله يعطيه الصحه وطولة العمر00 فعلا نصيحه رجل عاش زمن وجرب خيره وشره الله يطول عمره ويعافيه
نصيحه لله ... ركعتين الفجر به تكسب فوايـــــد وذكــر رب البيت وقراية كتـــــابه ==================== ==== القصيــــد يوردك واد الوقايـــــــد ما استفادوا منه مدندشت الربابــه ابياااااات واافيه ____________________ ___ لكن ابومبارك خوي واعرفه زين دايم وافي بالرد ولا يجيب الا ماهو مقنع وموثق مثل ماقال يا يبــــه ماني مكلف بالنشايـــــد ميــر قلبي لا طراله شي جابــــــه وأنت من علمك موقع لي شهايــد لا تهــــد الطير وتهدف صوابـــــــه ____________________ ____________ وافي بالرد وصح لسااانك ابو مبارك لاهنت ولاهنت يابوفهد على نقل القصيده تحياتي لك وللجميع ,,,,,, |
ألاخوه الاعزاء
علي بن مديبغ أبو هلا ابو العز السلمي أبن عسكر لاهنتوا على المرور والاطراء العذب دمتم بود أخوكم / محمد فهد الوافي |
صح لسان ابو فهد صاحب الخبره الشعريه
وكذلك صح لسانك يا محمد مبارك ياشاعر الجيل الجديد 7 7 7 7 7 7 7 7 7 الشكر لـ محمد فهد الوافي |
ابو دغيم
لا هنت على المرور والاطراء العذب دمت بود أخوك / محمد فهد الوافي |
| الساعة الآن 00:14 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir