|
النكد والهوايل ؟
السلام عليكم ورحمة الله وبركاته
هزيت عثق الشعر ثم طاح منه...احلا معاني الشعر بأسلوب راقي اقدم لكم هذه القصيده وعسها تجملني عندكم يا قلب لا باعك حبيبك وخلاك...لا تزهم العيــنين والدمع سايل يا قلب لا تحزن وتاتي من اقصاك...لعلهــا خيره ولاني بقــايل الا ترا اللي صورك في حلاياك...يجيــب غيرك في كــثير الوسايل يا قلب هونها عسى تهون بلواك...ما للصبر عند المِـحن من بدايل يا مبشر ابراهيم ويقول له جاك...اسحاق..وام اسحاق عاقر وحايل أنا تحت رحمتـك وأدور رضـاك...أخشى من الزله وكـثر التحايل ماني بـميت لا أعـلن مفارقه..ذاك...ولاني على رجواه عايش وطايل يا قلب بشكي مَـن جفى عند مولاك...عسى يشوف من النكد والهوايل سلامتكم توضيح : يا مبشر ابراهيم ويقول له جاك...اسحاق..وام اسحاق عاقر وحايل البيت هاذا نداء لله سبحانه...وابراهيم هو النبي اللي لم يأتيه ولد الا اخر عمره وبشره اللي بغلام اسمه اسحاق وقالت إمرأته بمعنى الايه ( كيف انجب وانا عجوز كبيره وعقيمه ( وبعلي) زوجي شيخٍ كبير ) عاقر = عقيمه /// حايل = مر عليها سنه لم تحمل ولا تلد تحياتي... |
ياسلام عليك
من ابداع الي ابداع تطور سريع في فكرك وثقافتك الشعريه يا قلب هونها عسى تهون بلواك...ما للصبر عند المِـحن من بدايل يا مبشر ابراهيم ويقول له جاك...اسحاق..وام اسحاق عاقر وحايل ياسلام عليك ثقافه وظفتها بالقصيده توظيف موفق هزيت عثق الشعر ثم طاح منه..*..احلا معاني الشعر بأسلوب راقي هزيت عثق وقدعنا رطب ابداعك يالقرم صح لسانك ولاعدمناك قصيده جزله يابو غنيم |
مرحبا ومسهلا يا ابو هلا
وصح بدنك وهاذا المطلوب ان ما اقدمه ينال اعجابكم بس اني مقصر هزيت العثق ونسيت لا اجيب القهوه :) تحياتي.... |
يا مرحبا يابو غنيم
وهذي الساعه المباركه اللي فيها نشوف جديدك وصح الله لسانك .. ماجا منك قصور يابو غنيم قهويتنا قصيدك :) لاهنت . |
يا مرحبا يا مبارك
ولا هنت على مرورك وصح بدنك طال عمرك تحياتي... |
يا قلب هونها عسى تهون بلواك...ما للصبر عند المِـحن من بدايل
قصيدة جميلة ... |
يا مرحبا يا ابو العز السلمي
من ذوقك طال عمرك والاجمل مرورك يا الغالي ولا هنت تحياتي.... |
علي بن مديبغ
صح لسانك ولاهنت جزله ووافيه يا علي دمت بود أخوك / محمد فهد الوافي |
مرحبا ومسهلا يا ابو فهد
وش ابرك من ذ القصيده الا مرور الطيبين اللي مثلك وصح بدنك ولا هنت على مرورك تحياتي.... |
يا قلب لا باعك حبيبك وخلاك...لا تزهم العيــنين والدمع سايل
يا قلب لا تحزن وتاتي من اقصاك...لعلهــا خيره ولاني بقــايل الا ترا اللي صورك في حلاياك...يجيــب غيرك في كــثير الوسايل يا قلب هونها عسى تهون بلواك...ما للصبر عند المِـحن من بدايل يا مبشر ابراهيم ويقول له جاك...اسحاق..وام اسحاق عاقر وحايل أنا تحت رحمتـك وأدور رضـاك...أخشى من الزله وكـثر التحايل ماني بـميت لا أعـلن مفارقه..ذاك...ولاني على رجواه عايش وطايل يا قلب بشكي مَـن جفى عند مولاك...عسى يشوف من النكد والهوايل صح لسانك يابوغنيم0000000 تراها من القصايد المطلوبه لاتنسى |
| الساعة الآن 16:05 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir