|
اقررررررررررب يالكاشف
السلام عليكم000000000
عسى ماشر أشوف ساحة القلطه هاديه وين الشعار ؟ مع انه لدينا مشرف رائع فليس لديهم عذر في الغياب لذلك راح استخدم معاهم العين الحمرا وخطة 4-4-2 وأسحبهم واحد واحد اذا مضى على الواحد شهر يغيب ولايبدع طاروق وقد اعذر من انذر:(:( وأبدأ بأخوي وحبيبي الكاشف ولانه يحب الموال بجيب موال استلم ابتدى القاف والموال جاله مجال///ياعيال الشيوخ وياعيال الرجال ودنا ودنا بالطيب في كل حال///والعقارب تشيل السم بأذنابها قوم يالكاشف نبيها سنودن في سنود///والزعل ممنوع والنار من شبابها والله اني كاشفك مير أدورلي شهود///والعلم مرفوع والنار من شبابها |
يامرحبااااا ومسهلاااااا
العذر والسموحة على التأخير . أحبك الله ياحياز فيما أحببتني فيه ... والله ياخوك مشغولين بالدنيا الله يكفينا شرهاااا.. الله الله أستلم لاهنت . يامرحبا يالمنادي جعل دربك سفير والطيب في سدكم يأمير يأبن الأمير لكن حذرا توقّع عقبها لا تطــــير.... والعقارب تشيل السم بأذنابهااااا شد حيلك يا فتى ليتها ترقى سنود.....لا تجي مخدوع والنار من شبابها الجمل شال الحمل ماهو غادي بالنفود....سيفنا مشروع والنار من شبابها. |
الله الله
استلم جبت موال لاكن فيه بعض الكسور///ليه يالشاعر الممتاز منت معذور لاتعجل وفكر في جميع الامور///والعقارب تشيل السم بأذنابها انت عينك فاتحه كنها عين الحسود///شوفلك موضوع والنار من شبابها ياجمل ياذيب ياسبع ولا ياقعود///نوع يشبه نوع والنار من شبابها |
الله الله
أستلم صابكم من عناكم جهل باللي سواتي وانت يومك تغني ما وصلت لصفاتي سوقها يأبن عمي سوقها يا غناتي والعقارب تشيل السم بأذنابهاااا ما نحسد المودمي جعله الليلة يسود ///فوع وألا صوع والنار من شبابهااا خابرينك قبل مدة تكسر لك عمود /// باللقاء جربوع والنار من شبابهاااا |
طيب طيب
استلم سقتها سوق يالمطنوخ علمن وكيد///وانت ودك على الشاشه نعيد ونزيد مايفك الحديد اللا قوي الحديد///والعقارب تشيل السم بأذنابها ياطويل العمر خايف يبيحن السدود///ثم تجي مصروع والنارمن شبابها مايغث الناس فوق الهدى غيرالقرود///خص أبو زنبوع والنار من شبابها |
اقتباس:
واصلوا جزاكم الله خير على هالمحاوره الرائعه *** |
الله الله ياسلام عليك
أستلم ثابتن في محلي ماتزحزح لي عمود والشعر ميراثنا من عصر عاد وثمود مير هات الخبر يا ذا البعير الشرود والعقارب تشيل السم بذنابهااااااا الحدود ملغمة لاتجي صوب الحدود////ياطويل البوع والنار من شبابهاااااا والخريش اللي سواتك نجره بالقيود/// غصب وألا طوع والنار من شبابهااااا |
اقتباس:
000000 الليل الليل يا حـــيـــــــاز |
الاخوان
حياز و الكاشف تسلمون على تفاعلكم وموالكم القوي وعسى العواقب سليمه انتم مبدعين الله لايهينكم واسمحولنا على التأخير واصلوا |
استلم
الخطا والكلام الشين ماينبغي\\يمكن ابليس فوقك ينقز وينزغي ياعسى بالمراجل تكبروتنبغي\\والعقارب تشيل السم بأذنابها الشتيمه والخطا طبع بعيال اليهود\\والخبرمسموع والنار من شبابها انت تهرج بالسوالف كما هرج الهنود\\يوم صابك روع والنار من شبابها |
| الساعة الآن 01:49 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir