السلام عليكم ورحمة الله وبركاته ...!!!

هذي محاوره جــــديــــده للـــشـــاعــر الـكــبــيـر/ ســعــود بــن مــدلاج والــشــاعر/ شايــع الــعــيافـــي





شــايــع الــعــيــافــي

يا سـلامـي سـلام(ن) فـيـه للـخـيـر بـاب ***** قبل كل الضماير تبدي اسدودها

كل ما ذعــذع الغربي وساق السحـاب ***** بشروا شجرة الريحان وافنودها




ســعـــود بــن مـــدلاج

يا مرحبا بالنيابه عن عزاز الجناب ***** والديـار حـددوهـا واعـرف حـدودهـا

يا طروشٍ مع الطرقا تسوق الركاب ***** من عرف سوقها ما احتار في ذودها




شـــايــع الـــعـــيـــافــي

يا بن مدلاج مابين خطأ الصواب ***** عاين الارض يبست وانكسر عودها

كل من يتشد العالم يحصل جواب **** مير انا كلمتي ما وحيت مردودها




ســعــــود بــن مـــدلاج

الخطأ من يخلي واجبه يا شباب **** وانت تنسى عرب واصلك مقصودهـا

خـلـهـا لـسماء ولا ارمها لتراب ***** احتـمـل نـقصـهـا ولا احـتـمـل زودهـا




شــايــع الــــعـــيافــي

الحول صار شاعرنا عساه الذهاب ***** علةٍ في نحور الناس وكبودها

يا الله ان تستر اجسام العرب بثياب **** قبل بقعه تنوش الناس بحيودها




ســـعـــود بـــن مـــدلاج

الحول يحتمي في ماقفه ما يهاب ***** خل ناس الطرب تسمر على عودها

ما يلام العواجي يوم يرثي عقاب ***** شاف بيض الليالي عودت سودها




شـــايــع الـــعــيــافــي

البـيـاضـه غريبه في جناح العقاب ***** ما به الا كفوفٍ تلطم اخدودها

الضماء والهواء والقيظ تطلع سراب ***** علموا زعب قبل يطيح مقرودها




ســعـــود بــن مـــدلاج

يا العيافي عليك الهون والقاف شاب ***** ولايروعك واردها و مورودها

اثـر بـعـض الـقـبـايـل يقبلون العتاب ***** من فعايل يمانيها ومن فودها




شــايــع الــعــيــافـي

اثرك العقرب اللي راضعٍ سمِ داب ***** يوم(شِب) الحيايه تفصخ اجلودها

العوض من بعيد الصيد نطف الزهاب ***** كل نفسٍ جهدها قدر مجهودها




ســــعـــود بـــن مـــدلاج

جاك ما جاك فالدنيا وباقِ العذاب ***** اِلك بنت الهوى ما تمشي طجعودها

الـحـرامي يـدور لـتـمر فالـعيـاب ***** ما حسب في وقوف الناس وقعودها




وسلااااااااااااااااا ااااااااااااااامتكم
واسمحولنا على القصووور


مع تحياتي