السلام عليكم ورحمة الله وبركاته

هذه المحاوره جرت بين الشاعر : مطلق الثبيتي والشاعر : علي الهجله..

مطلق:
كل واحد يدور في زمانه سنينه // والجمل ما يدور له من القوم حاشي
ياعلي جابك الله من ربوع المدينه //جيت راكب وترجع فوق رجليك ماشي

علي :
كل واحد يبي لزمة عصيب السمينه //وان لقاله هزيله قال منها بلاشي
المطيري ليا جاكم وشاف الظغينه // ما يعود يالين يقص كل الحواشي

مطلق:
المطر في السما والرعد تسمع دنينه // سرع مالحق راسك من مطرها رشاشي
ان ذبحتك مصيبه وان تركتك غبينه// لو بيدك الكريمه ربكة من معاشي

علي:
المطر ماعينته يوم وقته وحينه// فوق سطح العماره باسطين الفراشي
صاحب العقل ما يغتب في امور دينه //لو تكثر عليه الغربله والبلاشي

مطلق:
فعلي اللي فعلته كلكم خابرينه // ما بنيت القصور البيض جنب العشاشي
ادحم الموج لا يصفق جنوب السفينه // وترك الجاهل اللي بارقه في الناشي

علي:
مرجلتكم من اول منزل وان زينه // واخر المرجله ماغير ناقه وحاشي
كل واحد على دنياه ربي يعينه // ما مدير العمل لن طعتني لا تخاشي