صلب جدي زعب لامن عوا ذيب لذيب_ لمطلق شنار بن مديبغ
 

السلام عليكم ورحمة الله وبركاته


اقدم لكم هذه القصيده القديمه لوالدي اطال الله في عمره الشاعر :مطلق شنار بن مديبغ


وقد تغنى بها ابناء القبيله في مناسبات عديده




[poem font="Simplified Arabic,4,black,norma l,normal" bkcolor="transparent " bkimage="backgrounds/2.gif" border="none,4,gray" type=0 line=0 align=center use=ex num="0,black"]
بذكر الله عد ما تشرق الشمس و تغيب = رافعن سبعٍ و سبع بسط منزالها

وبتخـيـّر من جزيل المثايل ما يطيب = وبغني من جديد اللحون امثالها

مرحبا باللي حضر من بعيد و من قريب = مرحباً ترحيبتن منصحن قوّالها

مرحباً في لا بتي مدمية كبد الحريب = لا بتن نفخر و نعتز بفعل ارجالها

صلب جـدي زعـب لا من عوا ذيب لذيب = كم هنوفن في نحاهم بكت رجـّالها

اسأل الاشراف عن فعل ربعي لك تجيب = خمس وعشر والمعارك تدور اقتالها

دون هجمه جارهم خاضوا الحرب الرهيب = وارخصوا من دونها حالها و اموالها

ورُدوا حياض المنايا كما ورد القليب = و احتمواها غصب عجز الحريب ينالها

لين قفت سربته ذا صويب وذا عطيب = نعم والله لابتن ذي فعول عيالها

فعلنا و الناس بالطيب كلن له نصيب = ما نزود او ننقص الناس في مكيالها

لابتن بين القبايل لها فعلن عجيب = لو عددها شوي محدٍ بحيله حالها[/poem]




وسلامتكم
.

لاهنت يابو عثمان علي مرورك وتعليقك يالقرم


والله يجزاك خير علي الدعاء

.

اسأل الاشراف عن فعل ربعي لك تجيـبOOOOOخمس وعشر والمعارك تـدور اقتالهـا

مثل ماقال اخوي راعي الصفرا هاذي القصيده تهز كل من يقراها

الله يطول في عمر مطلق بن شنار ويدوم عيله الصحه والعافيه

صح لسان الشاعر مليون والله لايهينك يابوهلا

نبي من قصايده الكثير

دون هجمه جارهم خاضوا الحرب الرهيب وارخصوا من دونهـا حالهـا و اموالهـا
صح لسان ابو راشد والله يعطيه الصحه ان شاءالله
وماتقصر يابوهلا على النقل الطيب

والله يابو مطلق احترت وش اختار اطلق بيت كل بيت ازين من اللي الثاني


صح الله لسان ابو راشد



ولاهنت يا بو مطلق




لا تبخل علينا بالجزل ترانا نحتري القصايد منذو مبطي :)))

صح الله لسان ابو شنار

وعلا شانه

ملحمه شعريه رائعة

والله يستاهلون خيالة الحيزا قول وفعل


اما انت يابو هلا

لاعدمتك

السلام عليكم ورحمة الله وبركأأأأته ........

صح السان الشاعر الكبير :::مطلق بن شنار المديبغ ونعم والله وسبعة انعام....

والله لا يهينك يبو هلا على نقل الجزل ياجزل ......