نـــواف الــعــازمــي

يا مرحبا يا مرحبا عد مالاح ******** برق السحاب اللي بعرض المخيله

اللـه يـدوم الامـن ويدوم الافراح ****** عـلــمٍ نـقـولـه كـل يــومٍ ولـيـلـه


ســعـــود بــن مــدلاج

ولك البقى وعلم مسرا ومسراح ***** كلٍ من الدنيا يحصل حصيله

حنا دعينا والوعد سوق الارباح **** والرجل يا نواف قلبه دليله


نــواف الــعــازمــي

والله لسولف معك والبال مرتاح ***** والبخل ماسر اليدين البخيله

نسمع علوم السيل يوم المطر طاح **** والسوق لو لاقيمته ما نجيله


ســعــود بــن مــدلاج

فالمزرعه يا شيخ خوخه وتفاح ***** واقطف ثمرها كان في يديك حيله

لو كان بيدينك زقاره ومسباح ***** منته بشيخٍ مـن شـيـوخ الـقبـيـلـه


نــواف الــعــازمــي

وانا اعرفك يا سعود منته بفلاح ***** اللا نخف من العقول الثقيله

وانا علومِ طـيـبه وانـت مــزاح ***** لكن ضلع الطويق محد(ن) يشيله


ســعــود بـن مـــدلاج

راحت عليكم واحده ياهل الاسياح ***** كلٍ من الضيقه يعمر سبيله

والجرح له عندي مداوي وجراح ***** والعاقل اللي مايضيع دليله


نــواف الــعــازمــي

والظاهر انه صار لك ريش وجناح **** وان ماعرفت العلم جيتك بحيله

لقيت وسط الهند عشرين سواح **** يوطون بالرجـلـيـن جـمـر المـليـلـه


ســعــود بــن مــدلاج

ياصاحبي نواف هب(ن) الارياح **** يكفيك من كثر ((العسوالف)) قليله