مقتطفات شعريه اتمنى ان تعجبكم
 

اولا \ مساكم الله بالخير وشحالكم يا اعضاء المنتدى 0

ثانيا \ اسف على الانقطاع عن المنتدى وسامحوني اذا اخطيت 0

ثالثا \ الايام هاذي انا مقيم في السعوديه وهذا هو سبب الانقطاع 0

رابعا \ادعولي ياخوان بالتوفيق في رساله الما جستير لاني قررت اخذه من جامعه سعوديه وتم قبولي في جامعه المللك سعود0

ماعليش اكيد انكم مليتو من الاطاله . نقول المقتطفات الشعريه 0

يقول شاعر تميم الكبير \ ابن صقيه التميمي

احد صعد فوق واحد دون منحدري **** لابد من عقب المسناد محداري

ما همني خايع ن متهورن دهري ****على الخلايق ضعيف العقل زماري

دايم مع البيض باقصى البيت منثبري ****وان فاض للسوق جيبه ما به زراري

اباحقب يدرج شره يبا الوكري ****والوكر فوقه نداوي حر غياري


يقول شاعر بني سليم في نجد \ عايش بن شريف السلمي

حنا بدو نصبر على العسر واللين ***** نرعى الابل واهل شداد ومسامه

وحنا نحمل السيف ضد المعادين ***** وان صار يوما مثل يوم الرغامه

اخوان بدوى للمعارك سريعين ***** شجعان ما يرضون بالانهزامه

يشهد لنا التاريخ في بدر وحنين **** يوم احتمى يومه وزاد التحامه

وليا نصانا الضيف قمنا مهلين ***** ما ندرق بالباب وام الو شامه

ولانحضر الولايم بدون داعين ***** بعيد عنا السرسره والهيامه


يقول الشاعر القطري المعروف \ محمد ابن الذيب العجمي

يا اهل الدوحه نصيحه كان رحتو للكويت ****** جنبو عن سوق شرق حسبنا الله وعلاه

فيه بنت الهاص طاغيه على بنت السبيت ***** وان لقاها شيبه الديمن تعثر في عصاه


ويقول الشاعر \ عبد الله الثميري الزعبي

بار الزمان بكل رجل حياوي *** وضحك الزمان لكل خبلن وملقوف

القرم ذل وشاخ بعض الشواوي *** حتى تساوى الخيش مع ناعم الصوف

ما عاد يفرقون بين خيرن واوي *** الفرق في اللي معه املاك وو الوف

دنيان كفا الله شرها والبلاوي *** كثر النفا ق وقايل الحق مكسوف


يقول الشاعر الكويتي الكبير \ طلال عثمان السعيد

الطيب فعله رغب الناس فينا **** والا الردى تلقى وراه الندايم

بين المساجد والمجالس ربينا **** على خطى عودن مصلي وصايم

زود التو اضع زاد اليمان فينا **** الديم الله ما على الارض دايم


يقول الشاعر المتالق \ مرير بن عبد المحسن العتيبي

هات الحطب للنار جوني ريا جيل **** عجل ترا جاني وجيهن فليحه

واليا شعمت النار هات المعاميل **** تغانم الاسواق هات الذبيحه


يقول الشاعر المرحوم باذن لله \ محمد بن شريف الجبرتي السلمي

ان جيت في مجلس عرب مستوايه **** قامو لنا بالعز والترحيب

وان جيت في مجلس شكل ثاني ***** ما كني الا بينهم غريب

صدت نواظرهم وشانت وجيهم ****** وراحو كما معزا تشوف الذيب



و لكم تحياتي وسامحوني على الاطاله 0

مشاركة: مقتطفات شعريه اتمنى ان تعجبكم
 

اخي حمد السملي


ابداع متواصل

جهود دائبه


شاكرين لك حسن اختيارك


تحياتي......

مشاركة: مقتطفات شعريه اتمنى ان تعجبكم
 

حمد السلمي

حياك الله ومرحبابك في بلدك

الســـــــــــــــعو ديه

وياليت تشرفنا بتواصلك

نتمنى لك التوفيق والسداد

نشكرك ياحمد على هذه المقتطفات الرائعة

هذا ان دل على شيء فانما يدل على ذوقك الرائع
لك جزيل الشكر

مشاركة: مقتطفات شعريه اتمنى ان تعجبكم
 

مشاركة: مقتطفات شعريه اتمنى ان تعجبكم
 

مسموح ياللي تعذر مسموح لو ماتعذر




اختيارات جزله بمعني الكلمه خصوصا انها لأسماء لامعه


الف شكر لك يالقرم

مشاركة: مقتطفات شعريه اتمنى ان تعجبكم
 

لا شكر على واجب والله مروركم اسعدني والله الشاهد علي 0 وبارك الله فيكم جميع ولكم تحياتي

مشاركة: مقتطفات شعريه اتمنى ان تعجبكم
 

حمد السلمي اهنيك على حسن اختيارك الرائع ...


والله يوفقك بدراستك ...


لاهنت يالقرم ..