تنشدين الناس
 

اتمنى ان تبدوا رايكم في هالقصيده وهاذي اول مشاركه لي معكم واتنمى لموقعكم التوفيق وهو يمثل كل زعبي


تنشدين الناس عني راشد من اية قبيله ************* مانشدتي غير رجل ماعرف رووس القبايل
تنشدين الناس عني من رياجيل اصيله************** من سلايل قوم تصمل باللقا يوم الهوايل
فعلها يوم الحروب وعجة الخيل وصهيله *********** وقفوا لابن الشريف وجارهم عدّا الطوايل
جارهم في راس عيطا دايم براس الطويله********** **دافعين الخيل عنه كم اصيله من اصايل
حربهم عشرين عام تشهد اسيوف صقيله************* تشهد الحيزا لبن غافل عليها راح صايل
مسندي يامحزمي لاثار بندق بانتخيله ************** بنتخي بعيال عمي زعب من روس القبايل

صح لسانك اخوي ابو شهلان

بس الواضح انك عضو من زمان في هالمنتدى وهذي اول مشاركه لك
ونتمنى انك تفيد وتستفيد وشاكرين لك علي المشاركه

صح لسانك وبيض الله وجهك بوشهلان قصيده جزله من شاعر جزل 0مشاركه قويه حيل والى الامام واطربنا بالقصايد الجميله 00 ولك تحياتي وتقديري

مشاركة: تنشدين الناس
 

ارحب يابن شهلان ...



شرفت المنتدى ... وصح لسانك مليوووون ولا يكفوووون




لاتبخل علينا بجديدك يالقرم ..

مشاركة: تنشدين الناس
 

بدايه قويه وابيات جزله


رغم انك عضو قديم ولاكنك مقل


وانا اتوقعلك مستقبل شعري رائع



وبنتظار جديدك يالغالي

مشاركة: تنشدين الناس
 

مشاركة: تنشدين الناس
 

المعنى جزل وبدايه موفقه ولكن دقق فالوزن ؟؟

مشاركة: تنشدين الناس
 

ابوشامه مشكور على المرور والمشاركه اما بخصوص الوزن انا متاكد منه ولاهوب مكسور واذا كان فيه كسر حدد البيت المكسور

عشان اتعلم من اخطائي وانا قلتها لشعار كثير ولم يقولوا انها مكسوره او فيها بيت مكسور

في الاخير اشكر جميع من شارك

مشاركة: تنشدين الناس
 

مبدع يابن شهلان صح لسانك

مشاركة: تنشدين الناس
 

ونعم والله يابن شهلان

صح لسانك

ووسع صدرك ياخوي

القصيدة وافيه وجزله

والاخ ابوشامه يمكن ماقراها بالطريقة اللي تقصدها

خاصة عند (راشدْ مِنْ أيّة)

صح لسانك يالجزل

اخوك بن ماجد