|
الحال ما من حال يالله عسى خير
السلام عليكم ورحمة الله وبركاته
آسف على انقطاعي ومشاركاتي الغير متواصله معاكم وعسى كل ما اقدمه ان يحوز على الرضى ويشفع لي عندكم الحال ما من حال يالله عسى خير................. ............. .................... .................... .....يا رب يسرلي دروب السلامه تاه العقل ثم استوا عندي السير............... .................... ... .................... .................... .....اصبحت اشبه نور وقتي ظلامه من عقب شفت اللي حصل حزة عصير................ ................ .................... .................... .....مر الجمال وباخلٍ في سلامـــه قلت العتب على النظر واقترب مير................. .................. .................... .................... .....من يتبع المقفي يقل احتــرامـه الجيد كنها بكرةٍ من مغــــــاتير........ .................... ................ .................... .................... .....والمشي يا ربي سوات الحمامه والشعر كنها مهرةٍ توها تسير................ .................... ... .................... .................... ..من فوقها قـــرمٍ يوفي كلامــــه والعين عين اللي قنوه الصقاقير............ .................... .... .................... .................... ...والخد مع زينه تحــليه شـــامـــه يا ريشة الرسام يا احلى التعابير............ .................... .. .................... .................... ....يا ذوق ابداع المحب وغرامـــــه منهو عشق شرواتس يسمح من الغير............... ................ .................... .................... ......ما مثلتس بوصفتس ليوم القيامه اخذي كلامي مرةٍ دون تكرير............... .................... ....... .................... .................... ...كلش يوهون الا حدود الكرامه ! وسلامتكم وسامحونا على القصور وانشاء الله لنا لقاء ثاني |
مشاركة: مشاركه جديده
صح الله لسانك ياشيخ
ولاهنت |
مشاركة: الحال ما من حال يالله عسى خير
قلت العتب على النظر واقترب مير................. ..................
.................... .................... .....من يتبع المقفي يقل احتــرامـه صح لسانك ولهنت اخوي علي بن مديبغ |
مشاركة: الحال ما من حال يالله عسى خير
علي بن مديبغ
صح الله لسانك كفو شاعر متمكن ولكن هناك ملاحظه على البيت التالي منهو عشق شرواتس يسمح من الغير............... ................ .................... .................... ......ما مثلتس بوصفتس ليوم القيامه يحتاج لتعديل في مشاركتك الاصليه الخطأ املائي وليس وزن لاعدمناك |
مشاركة: الحال ما من حال يالله عسى خير
حياكم الله يا
ولد الزعوب وصح بدنك وحياك الله يا طرجم الزعبي وصح بدنك ولا انت طال عمرك وحياك الله اخوي العبيدي وصح بدنك واشكرك على التعليق الطيب ولكن هناك ملاحظه على البيت التالي منهو عشق شرواتس يسمح من الغير............... ................ .................... .................... ......ما مثلتس بوصفتس ليوم القيامه يحتاج لتعديل في مشاركتك الاصليه الخطأ املائي وليس وزن بغيت اعلمك واللي مثلك فاهم ان كل ناس لهم لهجه وانا بغيت انسقها بالحرف التالي ( الاتس) ولا فيه مانع ولا يؤثر لا على الوزن ولا على النطق ( وابشر ماني بمتعودها ثاني مره ) ومشكورين كلكم وما قصرتو |
مشاركة: الحال ما من حال يالله عسى خير
تسلم يا ( علي ) وتسلم على القصيدة
وصح لسانك بس فيه ملاحظة من باب المزح :D : الجيد كنها بكرةٍ من مغــــــاتير........ .................... .......... ...... .................... .................... .....والمش ي يا ربي سوات الحمامه اللى اعرفه ان ابلكم مجاهيم وشوفك اتغزل بأشباه المغاتير |7| |
مشاركة: الحال ما من حال يالله عسى خير
حياك الله يا العميد
وطله مشرقه يا الغالي ولو كنك باخصنا عدل ولو اني بشبها بالمجهم اعرف انها جيكره محد يتغزل بالمجهم طايح حظها :cool: |
مشاركة: الحال ما من حال يالله عسى خير
صح السانك يا ابو غنيم قصيده رائعه وانا عندي ملاحظــه على هذا البيت : قلت العتب على النظر واقترب مير................. .................. .................... .................... .....من يتبع المقفي يقل احتــرامـه وملاحظتي هي انه رائع جداً وسلامتك **** |
مشاركة: الحال ما من حال يالله عسى خير
حياك الله يا ابو سعود
ورد جميل ولا اجمل منه الا ذوقك بس الله يهداكم لحد يقول عندي ملاحظه انا من اقرأ كلمت ملاحظه اظن اني مخطئ بشي وشاكر لكم |
مشاركة: الحال ما من حال يالله عسى خير
مرحبا يابو غنيم تراحيب المطر صح لسانك يامبدع وابداعك في تطوّر مستمر والي الأمام وانا عندي استفسار ماني قايل ملاحظه لأني ادري انك تعقدت من الملاحظات استفساري ابيك تعطيني وصف ماجلاني عن محل الذود عقب ماشديتوا تراني هاليومين في اجازه وعقب هالمطر والخير بندوّر سجة النفس لاهنت وصح لسانك مليون |
| الساعة الآن 07:06 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir