السموحه عن الانقطاع ونقدم لكم الجديد
 

السلام عليكم ورحمة الله

اسف عن الانقطاع لفتره عنكم

ونقدم لكم الجديد عساه ينال اعجابكم


يا ليتني في يوم الاثنين ماجيت...كـذا فـراغـة وقـت مـريـت بـابـــــه

عينت زين الوصف ظاهر من البيت...يـاويـن نـاوي الله اللـي درابـــــه

كم في خفوقي من عبر لكن ازريت...اشـوفـها مرت مرور الـسـحـابـه

من شحها عشب الغلاا عاديٍ ميت...ما اروت ديار العشق واسقت ترابه

نصيتها واصد.. عزمت.. واقفيت...اخاف جفن العين يــطلـق ركــابـــه

يا حرق جوفي لامشت ويت بالويت...توه صغير ملبســينه حــجــابـه

كل ما مشت من حر صدري تعزويت...كن الجسم يمزعنه ذيـــابـــــه

عنتر يوم ان القوم جمعا وتشتيت...من دون عبله غارقـــاتٍ حرابـــه

كم يوم من شانه بذلت وتعنيت...وكم يوم يقطع ما يجينـي جـوابـــه

من صدته في غفوتي ما استلذيت...كل ما غفت عيني طرالي سرابه

الناس قالولي عسى ما استجنيت...قلت الزمن كشر عليه بنــابــــه

وش فايدة عمري اذا ما تهنيت...وكم شايبٍ قبلي بغى من شـــبابه



وسلامتكم

اخوكم : علي غنيم بن مديبغ

مشاركة: السموحه عن الانقطاع ونقدم لكم الجديد
 

الله يحييك يابن مديبغ

وصح الله لسانك


عنتر يوم ان القوم جمعا وتشتيت...من دون عبله غارقـــاتٍ حرابـــه

كم يوم من شانه بذلت وتعنيت...وكم يوم يقطع ما يجينـي جـوابـــه

من صدته في غفوتي ما استلذيت...كل ما غفت عيني طرالي سرابه

الناس قالولي عسى ما استجنيت...قلت الزمن كشر عليه بنــابــــه

وش فايدة عمري اذا ما تهنيت...وكم شايبٍ قبلي بغى من شـــبابه

تسلم يامبدع

ومعذور هذي تعذرك منا الله يعينك

صح لسانك على هذه العذريه

مشاركة: السموحه عن الانقطاع ونقدم لكم الجديد
 

ياسلام ياسلام

صح السانك يا ابو غنيم

هالقصيده الجديده تشفعلك على انقطاعك


ونتمنى ان نرى كل جديدك في منتداك ومنتدى الجميع



اسلم وسلم



.

مشاركة: السموحه عن الانقطاع ونقدم لكم الجديد
 

صح لسانك مليون يابو غنيم

قصيده جميله


ابداعك رغم صغر سنك يدل علي انك مشروع شاعر مبدع ومميز مستقبلا انشالله



بنتظار جديدك ياعصابة راسي

لاهنت

مشاركة: السموحه عن الانقطاع ونقدم لكم الجديد
 

السلام عليكم

ماقصرت ياعلي على هذي الابيات الجميله وصح لسانك

اخوك ابو طـــــلال

مشاركة: السموحه عن الانقطاع ونقدم لكم الجديد
 

مشكور وتسلم

وجدا رائعة

مشاركة: السموحه عن الانقطاع ونقدم لكم الجديد
 

السلام عليكم ورحمة الله وبركاته


حياكم الله يا اخوان

ولي عظيم الشرف لما اللي مثلكم يكون مؤيد لي ومهتم بالرد الجزل على مشاركاتي

ولاهنتو