محاورة بين مسحل الزويكي ومطلق شلويح بن شلاح
 

السلام عليكم ورحمة الله وبركاته




واسعد الله جميع أوقاتكم



اقدم لكم هذه المحاورة التي جمعت الشاعرين مسحل الزويكي ومطلق شلويح بن شلاح في جلسة رائعه من جلسات الشعر والمحاوره وانتهزت الفرصة وسجلت المحاورة وأحببت ان أضيفها لهذا الموقع.


[poem font="Simplified Arabic,4,white,bold, normal" bkcolor="transparent " bkimage="backgrounds/22.gif" border="double,4,gra y" type=1 line=0 align=center use=ex num="0,black"]
مسحل الزويكي
ياولد شلاح وش جبت من مالٍ كثير=من حلال الشايب اللي عطاك وداعته
الحقيقه مايشيل الحمول اللا البعير=يا لعلك تاجرٍ ماتبور بضاعته




مطلق شلويح
نحمدالله مافقدنا ولا حبة شعير=والمسافر ياعميلي نظر في ساعته
كان عادت للمواقف وتقرير المصير=كل سوقٍ عارفٍ شريته من باعته



مسحل الزويكي
بارك الله فيك والعلم باقي مع مطير=والرضيع يصيح يبكي على رضاعته
فيه علم يصير وعلوم والله ماتصير=منهو اللي دايم اذنه على سماعته



مطلق شلويح
البحر ياصاحبي مايجي مثل الغدير=قالوا ان الدر دايم يجي في قاعته
والله إنا نعرف الصوف من سلك الحرير=والمدخن لو نسى مانسى ولاعته



مسحل الزويكي
هاكذا الايام بالوقت الاول والاخير=مير مادري طاعها غصب ولا طاعته
انت عمتك الكبيره لها حظٍ كبير=بالمخازن تخزن الحب ولا باعته



مطلق شلويح
الاذاعه ترسل اخبارها عبر الاثير=وكل علمٍ ينفع الناس بكره ذاعته
عمتي مايختلف طبعها عقب النذير=ومن تحداها تقول البشر واضاعته[/poem]

مع تحيات اخوكم
ابو تركي

مشاركة: محاورة بين مسحل الزويكي ومطلق شلويح بن شلاح
 

مشاركة: محاورة بين مسحل الزويكي ومطلق شلويح بن شلاح
 

ابو تركي
تسلم على نقل هذه المحاوره

الجزله لشاعرين معروفين

صح لسان الشعراء

وتسلم على حرصك على نقلها لنا

لاهنت

مشاركة: محاورة بين مسحل الزويكي ومطلق شلويح بن شلاح
 

الاخ الغالي فهد بن سالم


والاخ الغالي العبيدي


اسعدني مروركم


تقبل تحيات اخوكم
ابو تركي

مشاركة: محاورة بين مسحل الزويكي ومطلق شلويح بن شلاح
 

الف شكر يابو تركي علي هذه المشاركه الممتعه


وصح لسان الشعراء




لاهنت

مشاركة: محاورة بين مسحل الزويكي ومطلق شلويح بن شلاح
 

يامرحبا والله بالاخ ابو هلا



ولا شكر على واجب




تقبل تحيات اخوك ابو تركي