هاذا اول ما نبدي فيه وعساه يحوز على رظاكم
 

السلام عليكم

اقدم لكم هاذي المشاركه وعساها تنال اعجابكم
رديه بين الشاعر علي بن غنيم بن مديبغ واخيه فهد بن غنيم بن مديبغ

وهاذا ما قاله الشاعر علي بن غنيم بن مديبغ

يا فهد ياخوك انا فيني صوابي...حالتي حاله عسى ربي يعيني

جيت يمك ناصيٍ مما لجابــي...وعارفك ياخوك رجالٍ ذهينـــي

صابني زين الوصوف ولا درابي...زين طول وزين خد وزين عيني

كاملٍ من بعد ومار الساحابي...شبت من زينه وانا بأول سنيني

ابيضٍ كن البدر بالخد رابـــي...وعينه اللي لا مشى ثم لد فيني

كنه رمحٍ مرسله من ما يهابي...ناويٍ ذبحة خصيمه يا عويني

لو هي بالمال عبينا المخابي...ولو هي بالسيف قربنا السنيني

مير حق الناس له قدر ومهابي...عند منهو يعرف الحق وفطيني

عندها شايب مع جمعة شبابي...كل منهم ينطح الصلب ويليني

من زبنهم يبتعد عنه الخيابي...طيبين وللهمـــوم مفرجـيـنـــي

والختم ياخوك لا جاك الجوابي...رد صوتك يا عسى صوتك يجيني


وهاذا رد الشاعر فهد غنيم بن مديبغ

يا علي هيظتني لا واعذابــــــي...تدري اني تايبٍ لي سنـتينــي

لو درابي صاحبي دمث الجنابي...يا علي يمكن يهل الدمعتينـــي

لجلكم شرفت في روس الهظابي...وادري انك طال عمرك تحتريني

بأذن ربي ما يخيب اللي هقابي...كانها بالجاه ولا في يـديــنـــي

كان تبغي الراي فسمع في خطابي...خير من نصح الطبيب مجربيني

يا علي حذراك طراد الـــســـرابــي...ما يشوفه غير عين الهالكيني

العيون سيوف ورماح وجنابي...مبتلى والله يعين المــبتلـــيـــنــي

يغرك ظحك زاهية الخظابي...انت لك نيه وغــيــــرك نـيـتـيـنـــي

ابنصحك وانا على المولى ثوابي...وزبدت الموضوع بآخر جملتيني

يا علي ماهي بوقفه وانقلابي...وانت توك ما نبتلك عارظــيني

يا علي ماجور والشيطان هابي...وخير من كثر الدوادي ركعتيني



تعليق على طرف : وانت توك ما نبتلك عارظــيني
ماهو مقصود به الاستهزاء بس مقصود به ان تو العمر والوقت يمدي

مشاركة: هاذا اول ما نبدي فيه وعساه يحوز على رظاكم
 

قصيدة جزله

ورد جزل لايخلو من رجاحة العقل

تسلم على المشاركه ياعلي


كان تبغي الراي فسمع في خطابي...خير من نصح الطبيب مجربيني

يا علي حذراك طراد الـــســـرابــي...ما يشوفه غير عين الهالكيني

مشاركة: هاذا اول ما نبدي فيه وعساه يحوز على رظاكم
 

علي بن مديبغ صح لسانك

وصح لسان الشاعر فهد بن غنيم


ويارب يرزق اخوك الزوجه الصالحه

[poem font="Simplified Arabic,6,teal,normal ,normal" bkcolor="transparent " bkimage="backgrounds/24.gif" border="none,6,gray" type=0 line=0 align=center use=ex num="0,black"]
ابنصحك وانا على المولى ثوابي...وزبدت الموضوع بآخر جملتيني

يا علي ماهي بوقفه وانقلابي...وانت توك ما نبتلك عارظــيني

يا علي ماجور والشيطان هابي...وخير من كثر الدوادي ركعتيني[/poem]


الف شكر علي النقل الرائع

مشاركة: هاذا اول ما نبدي فيه وعساه يحوز على رظاكم
 

صح لسانك ياعلي وصح لسان اخوك فهد ابيات جميله ورد حكيم

مشاركة: هاذا اول ما نبدي فيه وعساه يحوز على رظاكم
 

اشكركم اخواني علي الردود الرائعه

وعلى فكره يا ماجد اخوي متزوج والبيت يقول
لو درابي صاحبي دمث الجنابي.....يا علي يمكن يهل الدمعتيني

ولا هنتو

مشاركة: هاذا اول ما نبدي فيه وعساه يحوز على رظاكم
 

مرحبا ياعلي تراحيب المطر


صح لسانك يامبدع


وصح لسان راعي الذود


وبنتظار جديدك



اسلم وسلم

مشاركة: هاذا اول ما نبدي فيه وعساه يحوز على رظاكم
 

تبقا يابو هلا


ولاهنت على الطله الحلوه



وانشاء الله ما اقدم لكم الا اللي يطلق الوجه

مشاركة: هاذا اول ما نبدي فيه وعساه يحوز على رظاكم
 

مشاركة: هاذا اول ما نبدي فيه وعساه يحوز على رظاكم
 

حياك الله يابو فواز

وهاذا من ذوقك

وصح بدنك طال عمرك

مشاركة: هاذا اول ما نبدي فيه وعساه يحوز على رظاكم
 

صح لسانك ياعلي وصح لسان فهد



رديــّه جميله

لاهنت