الــــــــــــوداع
 

[poem font="Arabic Transparent,5,white, normal,normal" bkcolor="transparent " bkimage="backgrounds/9.gif" border="none,4,gray" type=1 line=0 align=center use=ex num="0,black"]
قالت موادع يأبن عتقان قلت إيه=حان الوداع ولامعي فيه حيله
قالت غيابك عام واحد ونرجيه=وألا احتمال اتغيب غيبه طويله
قلت الظروف وهم بالقلب أقاسيه=يجوز تجعل عودتي مستحيله
قالت حرام اللي بقلبي تسويه=قلت الزمن ماطاعنا ياجميله
حكم القدر رب الخلايق يمشيه=اللي ليا ضاقت بنا نشتكيله
وتطمني يابنت قلبي موصيه=مايرخصك يأم الرموش الظليله
حتى وهو فالبعد حبك يسليه=قوته وشربه فالزمن عزتيله
إنسان مثلي بالغرام أحتويتيه= تتوقعي ينساك بهون وسيله؟
وعقلٍ عن العالم بحبك عزلتيه= ماهو بناسي بين يومٍ وليله
وقلبٍ سكنتي فيه ثم أمتلكتيه= معقول في لحظه مكانك يزيله؟
قالت ومثلك دلني كيف ألاقيه!=قلت الوفي ماحدٍ يحصل بديله[/poem]

السلام عليكم ورحمة الله وبركاته ،،،،،

مساك الله بالخير اخوي عبدالله السلمي

قصيدة جميلة واكثر من رائعة وعزالله انك شاعر


قالت ومثلك دلني كيف الاقيه *** قلت الوفي محدٍ يحصل بديله


قصيدة وافيه من شاعر وافي


صح لسانك ولاهنت

السلام عليكم ..
 

صح لسانك ياعبدالله
رائعة تمتلي بالعاطفة والشجن
ليست مثل قصائد اليوم التي بلاطعم
وصح لسانك ياأبو هذال

صح لسانك يابو هذال


تسلم على المشاركة


قصيده عذرية جميلة

لا عدمناك ياعبدالله

الأخ الغالي/ فـــــــــــــــــهد الوافي

مشكور على مرورك يالغالي

شرفتني والله

الأخ العزيز/ مــــــــــــبارك الزعبي

هلا وغلا يالغالي

شرفني مرورك

وأتحفني تعبيرك الجميل ياجميل

أخوي الغالي/ ســـــــــــــــلمي من الحجاز

شفني مرورك يا أبن العم

اشكرك من قلبي

الاستاذ العزيز/ الـــــــــــــــعبي دي

شرفني مرورك يالغالي

شكراً جزيلاً لك

مرحبا والله يابو هذال ومرحبا بمحاوراتك ونظمك يامبدع



صح لسانك يامبدع



لاعدمنا وجودك يالغالي