|
(( يانديبي بالعجل وصل لي كتاب ))
يانديبي بالعجل وصل لي كتـــــــــــــــاب
=== فيه السلام وفيه بعض (ن) من عتـــــــاب وصله ليمنى طيب (ن) إبن الأجـــــــــواد === وقله علامك خاطرك مابعد طـــــــــــــاب ؟ قله ترى ماصار خونــــة تعابيــــــــــــــر === ماهـي قصد ولا لها سابق حســـــــــــاب دية خطاي قدمتها بكف يمنـــــــــــــاي === وقدمت روحي لو لها هو طـــــــــــــــلاب أشوف خاطرهم بعـــــــــد ماهو الأول === فيهم جفا ومابه تهلي وترحـــــــــــــــا ب في غيبتي ماأستخبروا عني وش صار === محد (ن) سأل يوم جيت شأسباب الغيــاب ماأدري غلا ولاتغلي سواهـــــــــــــم === ماأدري دلع ولا كذا طبع الإصحــــــــــاب عجل وجيب الرد وأعرف بلاهـــــــــم === عله يجي منهم لما صار أسبـــــــــــــــاب محمد بن جهام |
الاخ محمد بن جهام
السلام عليكم ورحمة الله وبركاته صح لسانك وتشكر على المشاركة الطيبة وبانتظار مشاركاتك |
الأخ العزيز
الأسد صح الله بدنك وشكرا على المرور . تحياتي لك . محمد بن جهام . |
السلام عليكم ورحمة الله وبركاته واسعد الرب مسائك وصباحك بكل انواع الورود أخي الحبيب / ابن جهام الشعر يكتب بطرق مختلفة فمنهم يكتبه بأنامله كالشاعر والموسيقي وبعضهم يكتب بصوته كالبلبل وبعضهم يكتب بعينيه وشفتيه كالمرأة الجميلة وبعضهم يكتب دون أن يكتب كالعاشق الولهان أما أنت يا أبن جهام فتستعمل كل هذه الأساليب معاً بحيث تعطي القصيدة أبعادها الشعرية وترسم لنا لوحات جميله وكلمات عذبة جداً وسلسة تحياتي إليك ومن إبداع الى آخر ابو شبيب |
الأخ
أبو شبيب وعليكم السلام ورحمة الله وبركاته حياك الله يالغالي أخجلتني الحقيقة وماأنا إلا هاو فقط . تحياتي وسلامي لك . محمد بن جهام . |
ابن مدلاج
اخوي محمد بن جهام...
صح الله لسانك وعز الله انها قصيدة تفتح النفس... تحياتي... |
أخي العزيز
إبن مدلاج صح الله بدنك وهذا من ذوقك . تحياتي لك . محمد بن جهام . |
| الساعة الآن 02:33 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir