كل ماأغمض عيوني .
 

كل ماأغمض عيوني أشوفه داخل جفونــــــــــــــي = وكل ما أنده أنا مخلوق يجي أسمه على لسانـي

أحاول أبتعد وأنسى وقلبي حايلٍ دونـــــــــــــــي = تمكن حبهم في القلب وآسر كل وجدانــــــــــــــي

وكل ماأختلي بنفسي وأراجع صادق ظنونــــــــــي = عرفت أني أسير الحب وعايش عالمٍ ثانـــــــــــي

عزلت نفسي عن أصحابي أخاف أنهم يلومونــــــي = على صبري على حبٍ سرابٍ هيج أشجانـــــــــي

سلب مني شفتي الضحكة تبدل ضحكي بشجونـــي = سلب مني لذيذ النوم وحلو النوم ماجانــــــــــــــي

وكل ماأحاول أخفي الحزن فضحني الدمع بعيوني = كشف سرّي وأصبح علم يعرفه القاصي والدانـــي

ولو أني ملكت قلبه ترى كل شيٍ يهونـــــــــــــــي = بلاي أني مع آلامي أحبه وهو خلانــــــــــــــــ ــي

ولو يطلب ثمن حبه كنوز ومال قارونـــــــــــــــ ــــي = ألبي لو أبيع عمري فداه ماتملك أيمانـــــــــــــي

عشقته والهوى بلوة بحبه صرت مجنونـــــــــــــــ ي = ولاغيره أشوف أنسان ولا غيره أحب ثانــــــــــي

محمد بن جهام

قصيدة محمد بن جهام
 

السلام عليكم ورحمة الله وبركاته

صاح لسانك يابن جهام على هذه الأبيات الجميلة .... وأتمنى منك الأكثر إن شاء الله في المستقبل............ .


أخوك العزيز

راعي الزرقى

السلام عليكم ورحمة الله وبركاته


صح لسانك يامحمد الجهام


ابيات جميله وموهبه جديده ننتظر منها الكثير

تقبل تحياتي واحترامي

الأخوان الأعزاء
راعي الزرقي
أبوهلا
صح الله بدنكم ومشكورين على الزيارة الكريمة .
تحياتي لكم .
محمد بن جهام .