بسم الله الرحمن الرحيم

السلام عليكم ورحمة الله ويركاته
مساء الخيرات يا الربع

هذه ابيات للشاعر جزاء الحربي .....ومهما حاولت ان اقول عنها شي ما استطيع بصراحه قصيدة قمة.... يقول فيها:
[poet font="MS Dialog,4,blue,bold,n ormal" bkcolor="transparent " bkimage="" border="none,4,gray" type=2 line=200% align=center use=ex length=0 char="" num="0,black" filter=""]
قالو علامك دايم تقل زعلان "=" وياعل ما انته يابوصالح زعولي
قلت اسمحوا لي ياكريمين الايمان "=" تراي من نشداتكم ضاق جولي
ولا كل من يبحث ورى سر الانسان "=" يكشف عن اللي بالضماير يجولي
ومن قال انا افهم غاية القلب غلطان "=" القلب دونه مبهات القفولي
ولاني على بعض المواضيع شفقان "=" ولا احط راسي يم ضل يزولي
وامشي مع الطيب على قدر الامكان "=" ولانيب اطاول شخص مهوب طولي
وانا اليا شفت الاعور وسط عميان "=" اجنبه من خوف لا يصير حولي
واصد منه مع وسيعات الاوطان "=" لو كان حفيانه مواطي ذلولي
والناس كل له محبه وصدقان "=" وكل على محبوب قلبه ميولي
ورجل بلا هيبه مع الناس خسران "=" لو يحسب من رجال زحولي
والضحك في وجيه الرجاجيل نقصان "=" ان كان ماللضحك وقت واصولي
هذا وكل له محبه وصدقان "=" والله فرق ما بين صنف العقولي

جزاء الحربي
[/poet]