![]() |
أقدحـــــي يازنــــود.. وولــــعي يافتـــــــايل
مساكم الله بالخير .... ...موااااال على كيف كيفكم ......هيا يامال الغناه ...ألعبواااا....
ياسلامي عليكم ياشباب الجماعة . ياشبابن نسد به النشب والفراعة . قوموا شاعرن يلعب معي ربع ساعة. وأقدحـــــي يازنــــود وولــــعي يافتـــــــايل------>>>>>>>>>>> (( ترى الدعوة سهاله :)) يا لا لا لا له. يا لا له. وأنا ترى طبعي رحوم .....يا لا لا لا له. يا لا له . بخيت من يلعب معي . |
مرحبا ياالكاشف .! أنا ماني من شباب الجماعه .! |4| أقدر أرد عليك .!:D |
خلوها v v v v v v v v v v v v v v v v v v v يا لا لا لا له. يا لا له ... يا لا لا لا له. يا لا له اخخ والله ودي ارد بس ماني شاعر .........لاكن الشعار وينهم ؟؟؟ تسلم يالكاشف على هالحضور الي يطرب v v v v v اخوك/ ابوفواز- اوتاوا v |
يا لا لا لا له. يا لا له. وأنا ترى طبعي رحوم .....يا لا لا لا له. يا لا له . بخيت من يلعب معي
انا مع الصفوف ابي اشيل البيت يله نبي واحد يرد 00000000الليل الليل الليل الليل الليل سرى الليل يالربع |
تسلم يالكاشف
طاروقك حلو وجميل ولوان فيه بعض الكسر ولكن ان شاء الله يعتدل ال tiger هلابك ومرحباً بك شرفتنا واذا ما انت من الجماعه فانت فالمنتدى اخ غالي الراي للكاشف والله يحييك |
يامرحبا بالجميع ان كان من الجماعة والا الحضور المشاركين بالمنتدى ...شكرا ابن ثاقب على التشجيع الله لا يخلينا منك يابو دغيم ...
الاخ المشرف ملاحظة جيده منك الله لا يهينك على المتابعة وسلمت يالقرم .. خلوهاااااا... ياسلام الله عليكم ياشباب الجماعة . ياشبابن نسد به النشب والفراعة . قوموا شاعرن يلعب معي ربع ساعة. وأقدحـــــي يازنــــود وولــــعي يافتـــــــايل------>>>>>>>>>>> (( ترى الدعوة سهاله :)) يا لا لا لا له. يا لا له. وأنا ترى طبعي رحوم .....يا لا لا لا له. يا لا له . بخيت من يلعب معي . |
أخوي الكاشف
السلام عليك طاروق رائع وموال رائع لاكن البيت فيه كسر بسيط00ويحتاج تعديل000حاول تعدله بالثاني عشان نتشرف باللعب معك والسلام ختام |
الظاهر انكم ماعرفتوا اللحن ............لكن بغيره لكم .........:))
خلوووووووووووووووهاا اااااااااااااااااااا ا ياسلام الله عليكم ياشباب الجماعة . ياشبابن نسد به النشب والفراعة . قوموا شاعرن يلعب معي ربع ساعة. وأقدحـــــي يازنــــود وولــــعي يافتـــــــايل------>>>>>>>>>>> (( ترى الدعوة سهاله :)) غيرنا لبيت بالكامل...أها...ألعب وا أنتم شبابه وحنا نطلب اللي يقوم.........ياجعل ربي يسلم كل من جالها. أنتم شبابه وحنا نطلب اللي يقوم.........ياجعل ربي يسلم كل من جالها. أنتم شبابه وحنا نطلب اللي يقوم.........ياجعل ربي يسلم كل من جالها. أنتم شبابه وحنا نطلب اللي يقوم.........ياجعل ربي يسلم كل من جالها. الكاشف |
الله الله
استلم يالكاشف مرحبا دونهم عساف جالك لحاله والمعاني على سمن وسمين وجزاله ودها وين ما تبغا وهات الجماله اقدحي يا زنود وولعي يا فتايل حنا نعد المعاني والمعاني بكوم ..... برق بها يا عميلي واترك هزالها |
الكاشف
الليل الليل ترى الدعوه سهاله |
مرحبابك عساااااااااااااااااا ااف ...........من طول الغيبات جاب الغنايم .
أستلم. يامزوزي ترى . مأنت بسهيل اليماني بس وقع شويه . لا تطير بثواني قدمك اللي يعوضعك. لا طواك الزماني. وأقدحي يازنود ...وولعي يافتايل. ياطيب رجلن يبين وللشدايد يروم......ما دس راسه ونفسه ما توانالها.. |
الكاشف وعساف
مواويل رائعه واصلوا لاهنتوا الكاشف الان بيتك من اروع مايكون في الوزن استمر وبيض الله وجيهكم |
الكاشف وعساف عز الله انكم اتحفتونا بهالمحاوره ونا اشارحكم سرا يااهل الصفوف :) لاهنتو وصح اله لسانكم على هاللعبه الحلوه تقبلو تحياتي |
الله الله
نعم لوك تقوله يا كريم السبالي مير انا شاعر المعنى وراع الجزالي والمثل قال ما للحمل غير الجمالي اقدحي يا زنود وولعي يا فتايل الطيب طيبك وانا شاعر واسد اللزوم ...... واللي تبيها على المعنى تحمالها |
............عـــــــ ــــــــــــــســـــ ــــــــــــــــاف.. .............
أستلم. أنت شاعر كبير وعارفينن مقره كب عنك النجوم وكب عنك المجره صيفنا اليوم قاسي والهوى زاد حره. أقدحي يازنود ... وولعي يافتايل. عساف شاعر وليته في لقانا يدوم .....لا زانت الملعبة صفق وغنالها. |
الله الله
استلم وانت شاعر هوى بالك تروم المعاني والمعاني حساني ترجمه من لساني ولو تكب النجوم ابقى سهيل اليماني اقدحي يا زنود وولعي يا فتايل لوك تجوب البحر حنا بغبه نعوم ..... والخيل يا كاشف المعنى بخيالها |
((((( عساف ))))))
((((( الكاشف )))))) الله عليكم يا مبدعين مواويل رائعه وابيات جزله صح الله لسانكم واصلوا لاهنتو ونحن بصفوفكم تحياتي لكم |
الله الله
أستلم البحر شد موجه يا مسمر جنوب وأنت قوم شراعك لاتجيك الهبوب ثم تطبع بحملك وقت ذاك الغروب. أقدحي يازنود وولعي يافتايــــــــــــــ ــــل. الحمل في شدادنا ياللي تطيح وتقوم.....دور على غيرها مأنته بمحتالهااااا |
الله الله
ابداع يالكاشف صح لسانك منتظرين الرد من عساف |
ماشاء الله عليكم
الكاشف وعساف محاوره رائعه وموالات اروع واصلوا نحن متابعين |
الله الله
استلم لو تقوله ترى ما تعبتني يا عميلي والمعاني مثل زرق الرماح بدليـلي مير ردد على ما قيل ياليل ليــــلي اقدحي يا زنود ولعي يا فتايل ماني معود معانيها بحب الخشوم ..... اما عمرت او دمار ٍ يلحق جزالها |
الاخوان الاعزاء
العبيدي - مبارك الزعبي لاهنتم على المتابعه والتشجيع وكذلك جميع الاخوان الذين تفضلوا بالمرور على هذه المحاوره دمتم بود |
الكاشف
البيت هاذا أفضل لانا ماعرفنا اللحن القديم وبيوت رائعه منك ومن عساف تابعوا ونحن متابعين |
..................صح لسانك ياعساف.............. .........
شهادتي فيك مجروحة يابو مبارك ..... وصح الله لسانك / بوحك / جزاالتك / جنونك الشعري. لله درررررررك وكفــى...!! الشكر كل الشكر لمن تواصلوا معنا (( العبيدي /حياز / ابن ثاقب/ مبارك الزعبي/ راعي الصفرا/أبوفواز /tiger)) تقبلوا تحياتي الكاشف. |
صح الله لسان كل من الشعراء
الكاشف و عساف وبيض الله وجيهكم بصراحه امتعتونا بهذه المحاوره الجزله والشكر لمشرفنا العبيدي على حسن التنسيق تحياتي لكم ومنتظرين منكم محاورات جديده . |
الاخوان الاعزاء
الكاشف و عساف بيض الله وجيهكم امتعتونا بمحاوره وموال في قمة الروعة نشكركم على حيويتكم وتفاعلكم وان شاء الله الجايات بخيرها كما لايفوتني ان اشكر جميع من مر على هذه المحاوره تسلمون |
الساعة الآن 16:23 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir