![]() |
أقرررررررررب ياذيب الحره
استلم
الا ياذيب ياللي فالجبال السود لج عواك00000نصفك الوقت واللا عاد بطن الذيب جيعاني انا عرف الديار الممحله وأعرف وش عناك00000واذا تشكي من الاول عسى يصلح لك الثاني |
ياسلام عليك ياحياز صح الله لسانك على هالابيات وبيض الله وجيهكم على كل ماتتحفونا بشي جديد انت وذيب الحره تقبلو تحياتي |
الا ياذيب ياللي فالجبال السود لج عواك00000نصفك الوقت واللا عاد بطن الذيب جيعاني
انا عرف الديار الممحله وأعرف وش عناك00000واذا تشكي من الاول عسى يصلح لك الثاني الله عليك ياحياز شاعر مدهش وجزل وبنتظار الذيب |
هلابحياز استلم لاهنت
هلا يلي تنادي وكل مانسمع نقلك هاك000رويناوانت عادك ياعميلي شبه ضمياني انايمناي لوقسناتراها تزود عن يمناك000وانامازريت فالقاصي على ايش آبدغل الداني |
حياز وذيب الحره
بيض الله وجيهكم امتعتونا بمحاراتكم الجزله [poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"] حياز الا ياذيب ياللي فالجبال السود لج عواك=نصفك الوقت واللا عاد بطن الذيب جيعاني انا عرف الديار الممحله وأعرف وش عناك=واذا تشكي من الاول عسى يصلح لك الثاني الذيب هلا يلي تنادي وكل مانسمع نقلك هاك=رويناوانت عادك ياعميلي شبه ضمياني انايمناي لوقسناتراها تزود عن يمناك=وانامازريت فالقاصي على ايش آبدغل الداني[/poem] واصلوا ونحن متابعين محاورتكم ووفقاً لتحليلي ان هذه المحاوره ستكون قويه انتظروني غداً ان شاء الله اكون في صف من والا خير البر عاجله انا في صفك ياذيب الحره ولايهون حياز مشكور يابو هلا ومشكور ياراعي الصفراء على متابعتكم |
لاهنت ياراعي الصفرا ولاهنت يابوهلا
ولاهنت يامشرفنا الغالي ووجودك يشرفنا ان كنت بصفي ولا صف ذيب ومليون ترحيب بذيب الحره وأستلم لك الله يالمهلي لا تجي منا ولامناك00000ترى كل النشاما تطلبك ياذيب سرحاني يقولون المدينه شعبها مايشرب التنباك00000وأنا شوفك كما المسلم وقلبك قلب نصراني |
يا سلام عليكم
شعراء في قمة الجزاله والنشاط (( ماشالله )) واصلوا ونحن متابعينكم واشكر مشرف مجالس الشعر والمحاورات اخوي العبيدي الله يعطيك العافيه على جهودك في تنظيم المحاورات وتنسيقها بين الشعراء |
اخوي ذيب الحره
والله انك اشغلتني لعدم الرد حتى الاّن عسى المانع خير اتمنى لك السلامه والصحه وان كنت يامشرفنا العزيز تعرفه طمنا عليه طمنك الله والسلام ختام |
الاخ
حياز مشكور على شعورك وقلقك على اخونا ذيب الحره ونحن بعد نسأل عن ذيب الحره وعسى المانع خير والعذر ياحياز نعرف عنك اكثر من مانعرف عن ذيب الحره والله الف نعم فيك وفيه والموضوع سيبقى مثبت وتسلمون |
لاهنت ياخوي العبيدي
وجزاك الله خير |
الاخوان حياز والعبيدي والله يعجز اللسان عن الشكر لشعوركم الطيب وانشغالكم لغيابي
اللي كان بسبة ضروف خارجه عن ارادتي واناوالله مهماكتبت من كلمات شكرلاتوفيكم حقكم فارجوان تقبلوعذري |
عذرك مقبول ياذيب واللي مايعذر الناس ماهو من الناس وصح لسانكم جميع ابدعتوا واسعدنا انظمامك لكوكبة فرسان المنتدى فأهلا وسهلا بك وحياك الله من ممشاك لملفاك ونتشوق لقرائة جديدك لك جل الاحترام والتقدير |
لاهنت ياحياز استلم والمعذره على التاخير
تمهل لاتدوح اشكل من اللي ياسعه مخباك000 مصيبه كان يلقالك جمامن غير نيباني يقولون وتقول وكل من يجحد يغني غناك000 واناشوفك بصير وميروصفك وصف عمياني |
الله يبقيك يابوهلا حقيقه رد ماهومستغرب منكم
فألف شكرلكم |
دائما ً متألقين يا ذيب الحره وحياز
تعودنا منكم هذه المحاورات الرائعه وماتشوف شر ياذيب وعذرك مقبول صح الله لسانك يا حياز صح الله لسانك يا ذيب الحره تقبلوا تحياتي . |
ذيب الحره
مرحبا فيك ومعذور ووالله ان فرحتي بعودتك اكثر من فرحتي باكمال الطاروق لانك اغلى من الطواريق كلها 00000000لاكني سأكمله معك 00000000وهذا من اجل المشاهد العزيز الذي يهمنى امره ومرحبا فيك واستلم لاهنت الا ياذيب قلي ويش لاقي في عروق الراك000000000غريبه كان ماتبغى الغنم والمعز والضاني تحسب ان المطوع يكرمك لامدلك مسواك0000000000يبي يشغلك لاتاكل معه خوخن ورماني |
[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
حياز الا ياذيب ياللي فالجبال السود لـج عـواك=نصفك الوقت واللا عاد بطن الذيب جيعانـي انا عرف الديار الممحله وأعرف وش عناك=واذا تشكي من الاول عسى يصلح لك الثاني الذيب هلا يلي تنادي وكل مانسمـع نقلـك هـاك=رويناوانت عادك ياعميلي شبـه ضميانـي انايمناي لوقسناتراها تـزود عـن يمنـاك=وانامازريت فالقاصي على ايش آبدغل الداني حياز لك الله يالمهلي لا تجي منا ولامناك=ترى كل النشاما تطلبك ياذيب سرحاني يقولون المدينه شعبها مايشرب التنباك=وأنا شوفك كما المسلم وقلبك قلب نصراني ذيب الحره تمهل لاتدوح اشكل من اللي ياسعه مخباك= مصيبه كان يلقالك جمامن غير نيباني يقولون وتقول وكل من يجحد يغني غناك= واناشوفك بصير وميروصفك وصف عمياني حياز الا ياذيب قلي ويش لاقي في عروق الراك=غريبه كان ماتبغى الغنم والمعز والضاني تحسب ان المطوع يكرمك لامدلك مسواك=يبي يشغلك لاتاكل معه خوخن ورماني[/poem] الساعه المباركه اللي رجع لنا ذيب الحره ومعذور واصلوا الله لايهينكم فتلكم ونقضكم |
سلمت ياحياز صحيح ان معرفتي بك فالنت لاكن يعلم الله انك عزيز وغالي
استلم لاهنت تبي تقطع بحروانته يمينك ناشبه فيسراك0000 يصيرالممتلي ينقال له ياحيازنصفاني لياشفت المطوع انشده وش جاك وش ماجاك0000 ترى قسمي اخذته قدم تنصحني وتنهاني |
حياالله العبيدي ومبارك الزعبي وابوهلاوراعي الصفرا وكل من حضرنا
والف شكر لكم يامبارك وياالعبيدي على المتابعه وعلى شعوركم الطيب |
طيب طيب :)
استلم ياذيب 000000 انا افرح كان شفتك فالبلد جالس على مركاك0000000000بعد ذاك الشقى لاشك عناكم وعناني انا ودي تمهل ياعميلي لاتعجل خطاك000000000000واذا زان الخبر ياذيب حالف لقطع لساني |
[poem font="Simplified Arabic,5,green,bold, normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
الله الله استلم لاهنت جلسناوانت طاوعت الطمع لين الطمع عناك=عسى وقتن تعسّرمايعوديم صدقاني ولايلي تباالمسراقرابة صبح مايمداك=تصبّرلايصلك من الزعل والضيقه جناني[/poem] |
الله الله
استلم والا ياذيب طوّعك الزمن ولاتحب عداك0000000000ترى البندق هي البندق ولو غيرت نيشاني تجنني علومك يوم اشوفك مرخين علباك000000000وانا لاشفت ذيبن ضاق في دنياه ماداني 00000000000000000000 00000000000000000000 00000000000000000000 00000000000000000000 00000000000000000 :):) |
حياز وذيب الحره
حضور مميز ومحاوره اكثر من راقيه وابشركم ان هناك شاعر من شعراء المحاوره اطّلع على محاورتكم واشاد بها ونحن نهنيء انفسنا بتواجدكم وتسلمون واصلوا لاهنتوا |
يامرحبا فيك يامشرفنا
واللعب مع اخوي ذيب الحره 000متعه مابعدها متعه وشرف كبير واشادتك انت ومنتسبي المنتدى شرف ووسام على صدورنا وتقبل احترامي وتقديري |
تجننك الحصاه اللي نسددها وتكفاماك=وانامن يوم ما فتحت مالي مال جداني
صح لسانك ياحياز وان شاءالله لنالقاءات آخرى والف شكرلكل من حضرناوتابعنا |
صح بدنك وصح لسانك ايضا
والبيت الاخير :) اعجوووبه لاهنت ياكبير وسامحونا على القصور |
بيض الله وجيهكم وصح السانكم
ونتمنى مثل هذه المحاورات الجزله اتكرر حياز & ذيب الحره لكم جزيل الشكر *** |
بيض وجيهكم
حياز و ذيب الحره شعراء كبار ومحاوره راقيه تسلمون وصح الله السنتكم والشكر لكل من مر على هذه المحاورة ولاهنتوا |
صح الله لسانك يا حياز
صح الله لسانك يا ذيب الحره والله لا يهينكم على هذه المحاوره اللي بالفعل استمتعنا بقرائتها وبجزالتها بيض الله وجيهكم ... ومنتظرين محاورات جديده ولا ننسى ان نشكر الأخ العزيز مشرفنا العبيدي ... وتقبلوا مني التقدير والاحترام . |
صح الله لسانكم وقلوبكم
ابداع وجزاله ذيب الحره جزل ومتمكن وحياز جزل و مدهش لاعدمناكم جميع |
الشعار الكبار حياز وذيب الحره
مبدعين مبدعين وصح الله لساانكم على هذه المحاوره الرائعه تقبوا تحياتي |
صحت بدانكم جميعن
نيابه عني وعن اخوي ذيب الحره والله يقدرنا على مايسعدكم ويجملنا عندكم وشكرن مره اخرى |
الساعة الآن 16:23 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir