|
قصيده للشاعر عبدالله بن راشد ال رمضان قبل وفاته
السلام عليكم ورحمة الله وبركاته حبيت انقل لكم هذه القصيده للشاعر عبدالله بن راشد ال رمضان الزعبي ( رحمه الله ) كان في مستشفى الدمام وكان عنده ولده فهد وقال هذه الابيات معبرا عما في خاطره قال: [poem font="Simplified Arabic,5,darkred,nor mal,normal" bkcolor="transparent " bkimage="backgrounds/19.gif" border="none,4,gray" type=2 line=0 align=center use=ex num="0,black"] لا والله اللي يافهد قصّر الشوف = رحت الطبيب وقال مالك علاجي سنك كبير وعندك الحال منحوف = والعمر ينقص مثل وصف السراجي خذيت في دنياك طوف(ن) ورى طوف = والموت...ماللعبد منه ملاجي[/poem] فرد عليه ابنه فهد بهذه الابيأت قال: [poem font="Simplified Arabic,5,darkred,nor mal,normal" bkcolor="transparent " bkimage="backgrounds/19.gif" border="none,4,gray" type=2 line=0 align=center use=ex num="0,black"] يابوي لاتشكي وانا حي وأشوف = خطيت لي حرفك وزاد انزعاجي لاتستمع هرجه من انسان ملقوف = جعل العمى دكتور علمه لجاجي يومه وصف ماسنّع الوصف بوصوف = أنت السراج اللي مسنّع مداجي وأنت الذي طيبك على الناس معروف = فيك افتخر وأزيد فيك ابتهاجي ونا عضيدك لأصبح الهم مردوف = لا وردن حمر المنايا الهماجي جعلك بعد من قفل ابوابه الخوف = من واجب الضيفان يبغى الخراجي تفداك عيني لاقصر عندك الشوف = ويفداك عمري ان عودت للسراجي[/poem] وسلامتكم تقبلو تحياتي |
اله لايهينك ياراعي الصفرا والله يرحم ابو خالد وصحيح اللي خلف ما مات
|
عز الله صاج ياحياز اللي خلف مامات الله يرحم اموات جميع المسلمين لاهنت ياحياز على الرد تقبل تحياتي |
انا مع الجماعه اللي خلف فعلا ما مات والله اني توي ادري ان فهد شاعر ولا بعد خطيييييييير وابياته ومعانيه قوية
|
الوزير هذا الشبل من ذاك الأسد وفهد يكتب من زمان بس ماكان يقول لأي شخص لاهنت يالوزير على المرور تقبل تحياتي |
لا هنت يا ابو عثمان
وسبحان من جمع ذ الدواهي عند بعضهم الله يرحم الشايب ويطول بعمر ولده وتحياتي.... |
الله لايهينك يابوعثمان على نقل هذه التوجد من الأب وذاك الفداء من الأبن الله يرحم الشاعر عبدالله بن راشد ال رمضان الزعبي ونتمنى طولة العمر لأبنه الشاعر فهد لك جزيل الشكر يا دينمو المنتدى اخوك / ابوفواز - اوتاوا |
ابو غنيم يامرحبا والله فيك وعاش من شافك يالافدع :) وسلم على الاخوان وخصوصا فهد تقبل تحياتي |
ابو فواز يقول الشاعر المتنبي : تراني حنيتك يالجهراوي لأني اكبر منك :) تسلم على المرور وتقبل تحياتي :) |
الله يرحم الشاعر عبدالله بن راشد
شاعر لا استطيع ان اوصف قصائده بسهوله.. الله يرحمه صح لسان ابنه فهد وبيض الله وجهه واطال في عمره.. لاهنت ياراعي الصفرا على انتقاء المواضيع الممتازه ... وعلى ماقال ابو فواز يا دينمو المنتدى ولابالربع قصور ((( ماشالله )) ذكرت الله لاتقول ماقلت :)))))) تحياتي لك يالذيب |
ابو فالح مامداني ادش المنتدى والا اشوف نفسي زلقت عند الباب يكفينا شر عيونكم انت وابو فواز بروح منتديات مكه بدور موضوع فيه ماي زمزم وبسرقه منهم وبحطه عندي :) هاهاهاهاهاهاهاه لاهنت على المرور يابو فالح وامانه سلم على ابو طلال ( شنار ) تقبل تحياتي |
رحم الله الشاعر عبدالله بن راشد ال رمضان الزعبي رحمة واسعه وادخله فسيح جناته
قصيده مؤثره ورد جزل رحم الله الاب وصح الله لسان الابن |
صح بدنك يابو هلا وجزاك الله خير على الدعوه الطيبه وعسى الله يرحم جميع اموات المسلمين تسلم على المرور وبيض الله وجهك ومن يقرا |
راع الصفرا
المتميز الف شكر على نقل هذه المساجله المؤثره ورحم الله من مات واطال الله في عمر الحي ولاهنت يابو عثمان |
راعي الصفراء
صبحك الله بالخير انت دائما مبدع في طرحك ومواضيعك والله يرحم الشاعر الكبير عبدالله بن راشد وصح الله لسااانه ولسان ابنه الشاعر فهد كم هي مؤثر القصيديتين وبارك الله لك مره اخرى يابو عثمان وبيض الله وجهك تقبل تحيات اخوك ابو تركي |
اخوي العبيدي صبحك الله بالخير ولاهان من قال وصح بدنك وجزاك الله خير على دعائك تقبل تحياتي |
يالله حي ابو تركي شلونك انشاءالله طيب وشلون ربعك كلهم يالامير صح بدنك وبيض الله وجهك وتسلملي على هالمرور تقبل تحياتي يابو تركي |
راعي الصفرا
الله يرحمه ويرحم اموات المسلمين لاهنت طال عمرك على النقل تقبل مني صادق الود والاحترام اخوك محمد فهد الوافي |
يامرحبا يابو فهد صح بدنك ولاهنت يابن وافي على المشاركه تقبل تحياتي |
| الساعة الآن 18:05 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir