|
اقرب شاااااااااااااعر
السلام عليكم ورحمة الله وبركاته ,,,, صبحكم الله بالخير الا مرحبا واعداد نبت الزمالــــــــــيق ****************** وعدد ما يسيل السيل في كل وادي بعد مرحبا نرقى بروس الشواهــــيق ****************** مع اللي يبي جزل المعاني تنـــادي |
مشاركة: اقرب شاااااااااااااعر
ياسلام ياعساف
امتعتنا في محاورتك السابقه وها نحن ننتظر الرد من شعراء المنتدى لكي نستمتع برائعه اخرى لاهنت |
مشاركة: اقرب شاااااااااااااعر
الله الله
مرحبا تراحيب المطر يا عســــــاف بعد مرحبا نرقى بروس الشواهــــيق *** مع اللي يبي جزل المعاني تنـــادي جزل وكفو ياعساف وننتظر الاخوة الشعراء واذا يبونا ننادي بالاسم ماعندنا مانع لاهنتوا |
مشاركة: اقرب شاااااااااااااعر
الله عليك يا عساف ..
ابدعت بمحاورتك مع الراكد .. والحين ننتظر الطرف الثاني للأستمتاع معكم .. للأمام |
مشاركة: اقرب شاااااااااااااعر
تطل علينا بمشاركه اروع ..
اعتبرني يا عساف من صفك .. ووين الشاعر الثاني ننتظر الشعراء لك تحياتي يا عساف .. |
مشاركة: اقرب شاااااااااااااعر
جاك الاقرب جعل ماتقرصك عقرب
ماشوف احد رد اجل استلم بعد الاذن والعذر من الجميع هلا فيك ياعسّاف بين المطاليــــق ### وجتك الحرار اللي تحب الهدادي بعدها تري عندي علي الرد تعليق ### عواصف تقفى الجوو لاصار هادي الليل الليل |
مشاركة: اقرب شاااااااااااااعر
مرحبابك يالصتيمه
استلم ,,,,, تقوله واقول الحر ما يشكي الضــــيق -------- ولا كل حر ٍ لا نوى الصيد صادي عواصف رياحك لو تقفي على طويق -------- فلا هز ضلع طويق ريحك وكــادي |
مشاركة: اقرب شاااااااااااااعر
ياسلام
طيب طيب استلم تجارتك ينقصها دعاية وتسويق ### وينقصك ختمي ياولد واعتـمادي انا تاجر الشعار جمله وتفريق ### خبير الشعر وايضا خبير اقتصادي الليل الليل |
مشاركة: اقرب شاااااااااااااعر
الصتيمه
اسمحلي على الاطاله استلم طال عمرك خبير ٍ على شعار ما بلت الريق --------- الا يا الخبير الذرب وين انت غادي خبير المعاني شاقه الهزل تشويق --------- يروم الهزيله يوم شاف الهجادي |
مشاركة: اقرب شاااااااااااااعر
ياسلام
معذور يادكتور طيب ياطيب استلم خذينا بجوو الشعر حومه وتحليق ### ولاشفتلي صيده ولاذقت زادي علامك تدربيها علي غير توفـيق ### تحسب الشعر والملعبه شي عادي ؟؟ الليل الليل |
مشاركة: اقرب شاااااااااااااعر
الله الله
الليل اسمحولي يالربع على تأخري مرحبابك يالصتيمه حياكم الله بعد تواجدتوا نحن على موعد مع التميز واصلوا نحن متابعين تجارتك ينقصها دعاية وتسويق ### وينقصك ختمي ياولد واعتـمادي انا تاجر الشعار جمله وتفريق ### خبير الشعر وايضا خبير اقتصادي كفو يالصتيمه لاهنت ياعساف |
مشاركة: اقرب شاااااااااااااعر
شكر علي تواجدك يامشرف وجودك يفرحنا
|
مشاركة: اقرب شاااااااااااااعر
الصتيمه
استلم الا يا عميل القاف ودك ولا اطيق ------------ وانا ما اطيق اللي يخالف مرادي انا اسندك لطويق وتروح لبقـيق ------------ وريمه معك لكن وين الشــدادي |
مشاركة: اقرب شاااااااااااااعر
الله الله
سلمت يا عساف انا بصفك يالصتيمه ازهل الصف واصلوا يا مبدعين |
مشاركة: اقرب شاااااااااااااعر
ياسلام
استلـــــــم شويعر وبيت الشعر ينقصه تنسيق ### وبيت الشعر ماينصخر بالعنادي وانا ماني مدقق ليا شفت تدقيـق ### تراعد وتوك مامسكت الزنادي وصح لسانك وماقصرت وتصبحون علي خير |
مشاركة: اقرب شاااااااااااااعر
الصتيمه
استلم تقوله شويعر مير احدك عن التحليق ---------- ما دامك تعد الشوم مثل الهنادي وصح بدنك ولاهنت طال عمرك |
مشاركة: اقرب شاااااااااااااعر
بيض الله وجيهكم
صح الله لسانك ياعساف ولاهنت على هذا الطاروق الرائع اللي بدعته تسلم وتسلم يالصتيمه ابيات جزله ومحاورة رائعة تسلمون والقفله من الصتيمه يا عساف كونك انت اللي بدعت القاف لكم جزيل الشكر |
مشاركة: اقرب شاااااااااااااعر
صح الله لسانك يا عساف ابدعت يالجزل ..
وصح لسانك يالصتيمه ردود جميله وجزله .. لاهنتو على المحاوره الرائعه لكم جزيل الشكر .. |
مشاركة: اقرب شاااااااااااااعر
الله الله عليكم يا شعرائنا
صح الله لسانكم يا عساف ويالصتيمه كفيتو ووفيتو .. لاعدمناكم محاوره شيقه تقبلو تحياتي لكم |
مشاركة: اقرب شاااااااااااااعر
صح لسانكم محاوره رائعه ومواهب جديده
نتمنى تكرار هذه الجولات الممتعه وصح لسانك ياعساف وصح لسانك يالصتيمه موهبه جديده تجارتك ينقصها دعاية وتسويق ### وينقصك ختمي ياولد واعتـمادي انا تاجر الشعار جمله وتفريق ### خبير الشعر وايضا خبير اقتصادي ياسلام ابيات جزله وشاعر خطير لاهنتوا جميع |
مشاركة: اقرب شاااااااااااااعر
السلام عليكم ورحمة الله وبركاته
تحية لكل من قام بالتعقيب والمرور على هذه المحاورة صح بدنكم ولاهنتوا علىالمتابعه الصتيمه صح لسانك ولاهنت الصتيمه من غير مجامله انت فعلا صتيمه اسم على مسمى استفدنا منك يوم انك جزل ووافي ولا قصور في باقي الشعار دمتم بود اخوكم عساف |
الصتيمه شاعر كبير وعساف شاعر ينتضره مستقبل باهرومحاوره رائعه رغم ان البيت الاخير لعساف والشطر الاول تحديداّ يحتاج الى اعادة كتابه وتقبلوا الشكر على هاذهي المحاوره الرائعه
|
| الساعة الآن 16:11 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir