الليل.. الليل... يازعب
 

مساء الخير.........

يسعدنى ويشرفنى ان العب معكم هذا الطاروووق

استلموا

وتحياتى للعبيدى


[poem font="Simplified Arabic,5,black,norma l,normal" bkcolor="transparent " bkimage="" border="none,4,gray" type=2 line=0 align=center use=ex num="0,black"]

ياسلام الله على الحاضرين امن الزعوب = ردة مثل القمر فى سما حضارها

جيتكم شاعر واعرف المسالك والدروب = كل لحية عندنا موسها ومقدارها[/poem]

مشاركة: الليل.. الليل... يازعب
 

خلوووووووووووووووووو ووووها


ياهلابك والبقا عد ماهب الهبوب.............. وعد من طاف في مكة ومن زارها.

وأنت ياشاعر عتيبة تزوزي بالقروب ..............لا حضرنا يالعتيبي نولع نارها.

مشاركة: الليل.. الليل... يازعب
 

مرحبابك يالعتيبي


ياسلام الله على الحاضرين امن الزعوب
ردة مثل القمـر فـى سمـا حضارهـا

جيتكم شاعر واعرف المسالك والدروب
كل لحيـة عندنـا موسهـا ومقدارهـا


ياسلام


بنتظار الرد وانا ارشح الفهد ولا ابو تركي للرد


مع انك منزل المحاوره في ساعه متأخره يمكن الربع مالحقوا يشوفونها لاكننا في انترنت وامر الله من سعه


اخي الكريم الكاشف بيتك الأول اظن فيه خلل من ناحية الوزن وانا اخوك يمكن يكون من الطباعه




وسنتابع المحاوره اللتي ستكون انشالله ممتعه




وشكري وتقديري للجميع

مشاركة: الليل.. الليل... يازعب
 

العتيبي

مرحبا مليووون

طاروق وبداية حماسيه

[poem font="Simplified Arabic,4,black,norma l,normal" bkcolor="transparent " bkimage="" border="none,4,gray" type=0 line=0 align=center use=ex num="0,black"]
جيتكم شاعر واعرف المسالك والدروب=كل لحيـة عندنـا موسهـا ومقدارهـا[/poem]

كفو كفو
ننتظر الرد

الكاشف مرحبابك
بيتك الاول مكسور طال عمرك

اخي العزيز الكاشف
انت لست جديداً علينا فانت من الشعراء الجزلين ولكن لم تفصح لنا عن هويتك

واعتقد ان هذا الطاروق يجب ان يرد عليه ابو تركي والا الفهد

ومرحبابك يالكاشف وابشر بخير سننسق لك المحاورة القادمه باذن الله تعالى
لك جزيل الشكر

مشاركة: الليل.. الليل... يازعب
 

يامرحبا والله وغلا بالعتيبي

ويشرفنا اللعب معك


استلم


[poem font="Simplified Arabic,4,black,bold, normal" bkcolor="transparent " bkimage="" border="solid,4,gray " type=2 line=0 align=center use=ex num="0,black"]
مرحبا بك وانت ضيفٍ مقدر ومحسوب=من رجالٍ بالملاقا طوال اشبارها
يالعتيبي غن والرب غفار الذنوب=من يخبط الارض فوقه يطير اغبارها[/poem]

مشاركة: الليل.. الليل... يازعب
 

الكاشف يالكاشف

من المفرووووض ترحب ماتهلى

وحنا للى نبقيلك

لاتخمطها جميع

لووووووووووووووووووو ووول

عموما

تنسيق المحاورة مرهون بالاخ العبيدى

وحنا مانتعدى رايه

فرصه ثانيه يالكاشف

==================== =======

ابوهلا

يابوهلا طير الهوى خبّث البال

سلام الله

من الخاطر اللى مايحتاج

اسعدنى مروورك واقتناصك لاخطاء الكاشف من ناحية الوزن ....شكرا شكرا

==================== ===

قيام ..جلوس

العبيدى

وصل

حقيقة احترم اسمك فى هذا المنتدى وانا من المتابعين لك قبل اسجل

فى منتدى زعب

والله العظيم ..واقولها بدون مجاملة

فهنيئا لمنتدى زعب بك

يالعبيدى

مشاركة: الليل.. الليل... يازعب
 

الكاشف حياك الله وانا وانت واحد واكفيك العتيبي :)


.................... ...............
ابو هلا شاكر لك الترشيح


.................... ..............

مشرفنا الغالي

مرحبا والله وغلا

وان شاء الله اكون على ضنكم

.................... ...



.................... ...............

مشاركة: الليل.. الليل... يازعب
 

الفـــــــــــــــــ هد

صح لسانك وعلا شأنك

واصلوااااااااا للابداع معكم موعــــــــــــد

******************** **********

العتيبي
الله الله عليك
كلامك وســـــــــام
قراءتي لك في محلها
الله يغليك ياطويل العمر

مشاركة: الليل.. الليل... يازعب
 

مرحبابكم ..........وأعتز في رايكم .

على العموم حنا حاولنا وأسمحولنا على التقصير ..........والبركة فيكم .


تــــــــــــــــــح ــــــــــــــــياتي .

مشاركة: الليل.. الليل... يازعب
 

أولا اعتذر أشد الاعتذار لهذا التاخير

ويعلم الله ان السبب ليس

منى

ولكن بسبب المنتدى الذى الاحظ فيه بطى ء شديد واحيان يفتح معى واحيان لاوالله

استلم يالفهد

وياسلام الله عليك

============

البقا يلى ترحب وارضك للهبوب = مير حذرا عينكم تنعمى... بحجارها

عاد والفتنه تراها على زند الجنوب = عدد الاخبار يلى تعرف اخبارها

مشاركة: الليل.. الليل... يازعب
 

معذور طال عمرك والمشكله بيني وبينك اختلاف الوقت


لكن استلم الله يحييك :)


[poem font="Simplified Arabic,4,black,bold, normal" bkcolor="transparent " bkimage="" border="solid,4,gray " type=2 line=0 align=center use=ex num="0,black"]
كل شاعر له طموحات وافكار وسلوب=حاول انك تفرق ايمينها ويسارها
الفتن هي اكبر اسباب تشتيت الشعوب=وانت لك وجهة نظر والعرب بنظارها[/poem]

مشاركة: الليل.. الليل... يازعب
 

صح لسانك يالفهد

والله شاعر ولافيها كلام

والعذر والسموحة منك ومن الاخوان وخاصة الاخ العبيدى

مظطر للتوقف لاسباب خاصه

اتمنى العذر منكم

ولى لقاء معكم

ان شاء الله متى ما سمحت لى الظروووف

مشاركة: الليل.. الليل... يازعب
 

صح الله لسانك يالفهد
وصح الله لسانك يالعتيبي

مشكورين على هاالبيتين الله لايهينكم

على الاقل حركتوا مجلس المحاورة

وعسى الظرف خير يالعتيبي

وان شاء الله الجايات بخيرها

مشاركة: الليل.. الليل... يازعب
 

مشاركة: الليل.. الليل... يازعب
 

صح لسانكم جميع ولاهنتوا وبيض الله وجيهكم


وكان ودنا ان المحاوره تكتمل لاكن اللي مايعذر الناس ماهو من الناس وانشالله المانع خير يالعتيبي وعذرك مقبول



وعندي ملاحظه علي الشطر الأول من بيتك في ردك الثاني تري فيه ثقل شوي يمكن من الطباعه

البقا يلى ترحب وارضك للهبوب = مير حذرا عينكم تنعمى... بحجارها


لو قلت

والبقا ياللي ترحبّي وارظك للهبوب

يمكن يمشي الحال

راجعه وانت خصيم نفسك




لاهنتوا علي كل حال