|
ياســيدي ياخوي يا عز حـــالي
الأخ نعمه من الله ثم هديه من الوالدين وفقدانه لا يعــوّض ******************** ******************** ******************** *** ((( ياخــوي ))) ياســيدي ياخوي يا عز حـــالي ******************** يا عزوتي والـراس لاما عدمنــــــاه ياقبـلتي بـــين المخــاليق والي ******************** يا مالك أمـري وشـــــوري ومجـــراه شهــم تحدّر من أصـول المعـــالي ******************** ولــد الكرام وشـبل سبع رثينــــاه لاهــنت بو هـزاع ياخير غـــالي ******************** يا عــزنا وإن قام قمنـــا وطـعناه لا صاح صـحنا ما نكثّـر ســوالي ******************** في خيـرها والــــشر نأخـذ بفتــواه نمشـي ونقـطع في رضــاهم ليـالي ******************** مثل العصـــا ما يوم مـره عصـينـاه وله منـزل في العين مشراف عـالي ******************** وله في الحشـا قــصر تشيّـد على رضـاه وله مجلـس يركـن عليه الرجـالي ******************** أمشـيّـد بالعـز مــن كســـب يمنــاه زبـن المخـيف إلي عليه الثقـالي ******************** وميــسّر العســـرات ماخـاب من جـاه هـو ساسـنا والراس أول وتـالي ******************** ياجعــل روح الــروح ولي غـلا فــداه ولا شـفت طيفه صرت في الهم سـالي ******************** أفــز في صــوته وحســـه وطــــرواه ماسـوم في وزنـه وقدره جبــالي ******************** اللـه وكـــبر ياغـــلاتـه ومغــــلاه دايـم وهو من جمـلة الناس فالي ******************** لاضـــاقت الدنيــا علـينا لقيــناه له مسكن في اليوف وإن غاب خالي ******************** لا غــاب شــوفه والعيــون أتمنـــاه دايم عزيــز القلب عزي وظــلالي ******************** يلـي لنا ذخـر علــى العمـر ومـداه الحاجـب إلي فوق عينـي مـــوالي ******************** لا هــان والـله تـاج راسي ومبــقاه ياسـترنا ياسـتر كـل التـــوالي ******************** الروح لــك والـدم والراس فـــدواه لونســهر بحقــك ليـالي وليـالي ******************** ونحسب لـك أفضـــالك علينا ومقصــاه ما ينقصـى لك حق ياراس مــالي ******************** أبـقى ولـك بالعمـر مــديون بوفـاه وإن شـفت بوهـزاع شفت المـعالي ******************** شـفــت المرايل فـوق تثبــت بيمـناه حـر إذا ما فـز من راس عــالي ******************** تصـبح نهـــود الصـيد في كفــة أرحاه له رمية ما قد خـطتها النبالي ******************** وله مدّةٍ من عهـــد عهــده عرفنــاه لايـعرف إمـن القول غير الفعالي ******************** فعــله ســبق صيتـه وقـوله ومعنـاه له نـظرة تسبق وتـتعب خيــالي ******************** وفكـارنا تـوقــف إذا تبّعـــت وراه ويا بخت عـيني بالخـوي المثـــالي ******************** عـزاه والـله هــو سـندنا ونعــزاه خصـيتكم ونته بفكــري وبــالي ******************** في خـاطـري ما يوم لحــظـه نسينـــاه والله يـشهد له معـزه وغــــالي ******************** وله حــق فـوق الحـق كــم لو حصيناه ياذخـرنا ياراس روس الرجــالي ******************** العـز من يمنـاك غـصـــبن كســــبناه له طـلّـت وأن بان طيفه وجـالي ******************** أفــرح بشــوفه ليـن قـلبي تلقـــاه وسلامتكم ,,, |
مشاركة: ياســيدي ياخوي يا عز حـــالي
صح لسانك
وما قصرت مشاركه رائعه من شخص رائع |
مشاركة: ياســيدي ياخوي يا عز حـــالي
قصيده مميزه جدا شكرا لك من الأعماق يا ابو عمر
|
مشاركة: ياســيدي ياخوي يا عز حـــالي
تســــــــــــــــــ ـــلم يابو عمر
مشكور على هذه القصيدة لاعدمتك |
بنات الخيل ( قصيده)
السلام عليكم أخواني وأخواتي أعضاء منتديات قبيلة زعب حبيت أن أضع بين أيديكم هذه القصيده التي أتمنى أن تحوز على رضاكم [poem font="Simplified Arabic,4,black,norma l,normal" bkcolor="white" bkimage="" border="outset,4,gra y" type=0 line=0 align=center use=ex num="0,black"] حرثت القاع وأرويت العروق اللي ضماها الميل بعد ما لدّت عيـون الصبـر وابـل مدامعهـا حرثته بعد ما حاوطه النـدم والهـم والمنديـل تحت دبج الخيول اللي تبـارت فـي مراتعهـا وذا قاع الخفوق اللي بـراه الكـذب والتمثيـل حرثته بعد ما حنـت علـى شعبـه مواجعهـا دموع وضيقةٍ تخنق عروقه !! والغرام إبخيـل كثر ما يوفي العاشق يشوف أبشـع مفاجعهـا يعشق الهم والتنكيد واللوعات وأقسـى الويـل بنى حلمه على ياس الخضوع وفي صوامعهـا ضحايا الحب تنقشهم حروف الـذل والتذليـل على خد المواجـع لا تبّـرت مـن ملافعهـا أساليب الخيانـه للجبـان!! ويكـرم الحلحيـل وعلي عين الخلايق ينكشـف هـازل نوايعهـا ولكن لو تخونك مهرةٍ قـادت (بنـات الخيـل) وش الحيله سوى لم الحسافـه فـي مهاجعهـا يبوح الصمت عن قصة غرامٍ تلّهـا التمهيـل بعد صبرٍ كسر ظهـر الحنايـا مـع توابعهـا تحملت الثقايل لين زهقت بـي جمـال الشيـل وأقـول الله يـا رحمـان جنبنـي صوافعهـا [/poem] وســـــلامتكم ...!!! |
ريح الخــــــزامى ( قصيده)
السلام عليكم إهداء متواضع لجميع أعضاء وزوّار منتدى قبيلة زعب وأرجو أن ينال قبولهم ورضاهم مع أطيب التحيه : [poem font="Simplified Arabic,4,black,norma l,normal" bkcolor="white" bkimage="" border="outset,4,gra y" type=0 line=0 align=center use=ex num="0,black"] ريح الخزامى مع صدى الورق بالنوح أشعل بقلبي نار ذكرى قديمه اذكر حبيب(ن) راح من غير مااروح واقفى وخلاّني وروحي سقيمه قال الوداع وقامت عيونه تبوح باسرار حب(ن) ساكنه مستديمه قلت البقا لك والسلامه مع الروح سافر بروحي خلّها لك نديمه قال الموادع مابه اليوم مصلوح لاشك فرقانا علينا ظليمه غصب(ن) علينا والهوا مابه فروح نبدا بتضميد الجروح الأليمه بدمعي انا ردّيت والقلب مجروح وعجز اللسان يردّ للقول قيمه ياما زرعنا الورد في روضة الدوح واسقاه دمع(ن) بالحشا منه غيمه ياما بنينا للمحبه من (ا)صروح في ظل حب(ن) بنيته مستقيمه أيّام كان الوقت ضحك(ن) مع (ا)مزوح فيما مضى دنياي كانت كريمه واليوم جارت واكشفت خافي اللوح وبانت حقيقتها الحقيره ذميمه كشف حمام الورق سرّي وانا ابوح وقال المصيبه عندي امست عديمه من عقب ذاك اليوم ماشفته ينوح ولا عاد عبّر عن همومه وضيمه [/poem] |
يا لابس الجوخ الحمر منـت خيـال
السلام عليكم ورحمة الله وبركاته أخواني الأعزاء: أقدم بين يديكم القصيده المتواضعه وأتمنى أن تنال أعجابكم وهي تناقش ظاهره أنتشرت في مجتمعنا ألا وهي ؛النميمه ؛ أترككم مع القصيده : [poem font="Simplified Arabic,4,black,bold, normal" bkcolor="royalblue" bkimage="backgrounds/1.gif" border="outset,4,gra y" type=1 line=1 align=center use=sp num="0,black"] يالله ياللي عالمن ماخفـى البـال يالواحد المعبـود منـزل حكيمـه على شفيع الخلق في يوم الأهوال محمد نبـي الله وصـار الختيمـه تفرج لنا في كل مطلـع ومدخـال يالله عفـوك والرضـا والغنيمـه أشوف بعض الناس في كل الأحوال تاطا علوم أهل الـردى والظليمـه مالله ومركم ياهل القيـل والقـال بالكذب ودروب الـردى والنميمـه مالله ومركم في سجلات الأعمـال الدرب واضـح للعقـول السليمـه يامحاسبين الناس في كـل منـوال يهل العقـول الزايغـه والسقيمـه حكمه عرفناها على مـر الأجيـال العمـر يفنـى والليالـي مقيمـه نصيحتن مني ترى العمر لو طـال ماللمكـارم والظفـر والحشيمـه غير الرجال اللي لهم قول وافعـال وللضيف دايـم مدهـا بالكريمـه بالعز دايم نهجهـا نهـج الأبطـال وبالحلم دايم هرجها في صميمـه يالابس الجوخ الحمر منـت خيـال ولا أنتا براعي المقبلـه والقديمـه هرجك كثير وزايدن هرجك هبـال بالقول تنجـب والفعايـل عقيمـه منتا بطامس شي لو قمت تحتـال الفعل ماهـو بالحكـي والشتيمـه لقامت الهيـه ودم البشـر سـال انتا من اللي فالقاء مـع حريمـه خذها ثقيله والثقايـل لهـا جمـال لاصرت منت بقـد قولـن تقيمـه أجلس مجاليس النسا والبس الشال وأضحك مع فاتن وداعب حليمـه داعب شبيهك وضرب الساق خلخال وأهتز من هز الهنـوف اليتيمـه داعب شبيهك وأعرف الوقت ميال تمسي وتصبح من هزيمه لهزيمه خلك فحالك واترك الناس في حـال لحق الأوادم بالسوالـف جريمـه للحق حق وللفعايـل لهـا رجـال وللزور زور وقولها فـي جحيمـه [/poem] |
ليالي العمـــــر
هذه المشاركه المتواضعه اهــــــداء لجميــــــع أعضاء وزوار منتدى قبيلة زعب والتي أرجو أن تنال اعجاب ورضا الجميـــــع . [poem font="Simplified Arabic,4,black,bold, normal" bkcolor="transparent " bkimage="backgrounds/1.gif" border="solid,2,blac k" type=2 line=1 align=center use=sp num="0,black"] ياما ليال العمر تحمل من اقدار واللي كتب في اللوح لازم نشوفه صفحة جبيني كلها غيب واسرار ولابد مااقرا كل خافي حروفه مستقبل الايام ينبي بالاخبار لاشك وقتك زايراتك صروفه هذاالزمن معروف خاين وغدار يخدع وهاذي من عوالي وصوفه وترا الفلك دايم على الدوم دوار حلوه ومره شايله في كفوفه والمشكله نشرب ولو فيه الاخطار مافيه حيله أو مواري مروفه نولد على الدنيا ميامين واحرار ونصبح عبيد الهم وحزنه وخوفه وختامها يالله يارب الابرار وايا نبيك حطنا في صفوفه وصلاة ربي عد ماهلت امطار واعداد ماطافوا على البيت طوفه على النبي الهاشمي سيد الاخيار صلوا تراها بالثواب امخلوفه [/poem] |
مشاركة: ريح الخــــــزامى ( قصيده)
ابو عمر
صح الله لسانك ابداع واهداء رائع نشكرك على هذا الكرم خزامى ورد روضة وغيمة تسلم يابو عمر اكتمل الجمال فيما سطرت لاهنت |
مشاركة: ريح الخــــــزامى ( قصيده)
ولا انت يالعبيدي ومشكور على مرورك العطر ويعطيك الف الف عافيه على ردك |
مشاركة: ليالي العمـــــر
ابو عمر ... مبدع ... وصح الله لسانك .... ولاهنت
لاعدمنا تواجدك .. ولا تحرمنا من مشاركاتك الطيبه |
مشاركة: يا لابس الجوخ الحمر منـت خيـال
صح لسانك اخوي ابو عمر ...
جزله يالجزل ... لاهنت ننتظر جديدك.. |
مشاركة: يا لابس الجوخ الحمر منـت خيـال
ولا انت اخوي مبارك الزعبي ويعطيك الف الف عافيه على مرورك الكريم وعلى ردك الجميل |
مشاركة: ليالي العمـــــر
ولا انت اخوي مبارك الزعبي ويعطيك الف الف عافيه على مرورك الكريم وعلى ردك الجميل |
يامن أخذت القلب
أقدم لكم هذه القصيده يامن أخذت القلب والروح وياك لاتفتكر في يوم أبعد وأخليك ماذقت طعم الحب ياشوق لولاك كل الهنا شفته بنظرات عينيك أشغلتني من بد ذولا وذولاك دايم مولع بك وفكري يحاتيك واعلم ترى محد حبيبي لي سواك قلب رخص غيرك وبالحيل شاريك أزعل لزعلك واشتري بعمري رضاك يامصدر الهامي ترى العمر يفديك حسنك بعيني وشاغل البال ذكراك طيفك يراودني وقلبي يناديك |
..:: ماكان الفراق :::...
..:: ماكان الفراق :::... والله ما كان الفراق اختياري ولا عمري اخترت الوصال ولقيته وانا اعشقك عشق المطر للصحاري مهما قسى وقتك على ما جفيته ,,,,,, ماكان بعدي عنك بالبال طاري اخترت بعدي عنك منك ورضيته لوكنت داري بس لو كنت داري مااعطيت لك قلبي وحبك مشيته ,,,,,,, لو مل من صبري حنين انتظاري ماقلت ابيك ولارجوعك رجيته اذبلت من طبعك ورود اعتذاري عطشان ذوق ولطفكم ماارتويته ,,,,,,, ليت الزمن يقدر يرد اعتباري ويبري لهايب قلبي الي كويته روح مراح الليل .. والليل ساري ولوكان مهما كان حبك نسيتة والله ماكان الفراق اختياري بس انت مختار الفراق ولقيته |
مشاركة: ..:: ماكان الفراق :::...
لاهنت يبو عمر على القصايد الجميله
مبدع مبدع بو عمر حمد |
مشاركة: يامن أخذت القلب
يعطيك العافيه ولاهنت
ابدااااااااااع على القصايد الجميله وننتظر جديدك يبو عمر حمد |
مشاركة: ..:: ماكان الفراق :::...
ولا انت يا حمد مشكور على ردك الجميييل ومرورك الكريـــــــــــــــ ــــم |
مشاركة: يامن أخذت القلب
هلا والله ولا انت يا ابو مصلط ومشكور على ردك الجميييل ومرورك الكريـــــــــــم ويعطيك العافيه |
مشاركة: ياســيدي ياخوي يا عز حـــالي
مشكوووورين يا اخواني علي بن مديبغ و عطر المجالس و العبيدي على ردودكم الجميله وعلى مروركم الكريــم ويعطيكم الف الف عافيــه |
مشاركة: يامن أخذت القلب
صح لسان الشاعر وبيض الله وجهك ابو عمر 0 وفالك طيب يا السنافي
|
مشاركة: يامن أخذت القلب
صح بدنك يا حمد السلمي ومشكور على ردك الجميييل ومرورك الكريـــــــــــــــ ــــم |
مشاركة: ياســيدي ياخوي يا عز حـــالي
ابوعمر نشكرك جزيل الشكر علي ماتقوم به من مجهود رائع في ايراد قصائد جميله ولاكن يجب عليك ذكر صاحب القصيده والا سوف نكون مجبورين علي حذف المشاركه وذالك لعدم ذكر اسم الشاعر وهذا حرصا منــّـا علي حفظ الحقوق الأدبيه والفكريه وعلي سمعت الموقع واسم القبيله وانا متأكد انك نسيت ذكر الشاعر وانك لم تتعمد عدم ذكر اسمه فنرجوا منك ذكر اسمه وقد دمجت لك جميع القصائد اللتي ذكرتها بدون ذكر اسماء اصحابها لكي نحصرها هنا وارفق لك القصائد الأصليه حفظا لحقوق اصحابها ونرجووو من الجميع الألتزام بذكر اسماء الشعراء والا سوف نظطر الي توقيف العضو اذا لم يذكر اسم الشاعر اثناء النقل http://www.qsaid.com/vb/showthread.php?t=1705 http://www.qsaid.com/vb/showthread.php?t=1685 http://www.qsaid.com/vb/showthread.php?t=1705 والكل يعلم علم اليقين ان السيطره علي كل ماينشر امر صعب للغايه ويحرج اصاحب المواقع ويسبب فتن ومشاكل الكل في غنى عنها واصعب منه كذالك تحديد نوع وعقل كل مشترك فنحن نتعامل مع اسماء لانراهن علي مدى مصداقيتها او حتي لانعلم كم عمر المشترك هل هو كبير بالسن ومدرك ويقصد مايفعل ام انه مجرد صغير بالسن ولايعلم مايفعل وكل اصحاب المواقع يعلمون هذا الشيء تماما فنرجوا منكم اخواني مرة اخري عدم احراجنا واحراج انفسكم في مثل هذه الامور سواءا كان تصرفكم بقصد او دون قصد وكل شخص مسؤول عن تصرفه ويتحمل المسؤليه كامله والعذر كل العذر بسم ادارة الموقع من اصحاب القصائد وشكراا |
| الساعة الآن 09:29 |
Powered by vBulletin® Copyright ©2000 - 2025, Jelsoft Enterprises Ltd. TranZ By
Almuhajir