الكاشف يرحب بالجميع
 

مرحبا بالجميع

انا كلي اسف تأخرت عليكم .....والبركة في شعارنا ردوا على المحاورة اللي بديتها وهم الشاعر محمد الوافي والشاعر عبدالله ابن عتقان .....واسمحولي بزين لكم طاروق

استلموااا لا هنتم,,,,,,

سلام الله عليكم يا رجال(ن) طيبين الساس ** بردية تخص اهل الكرم والطيّب تـدلّــه

ونا تاجر وجيت وسلعتي لولو معاه الماس ** بعد جينا بسوق المنتدى جيناه نحتله


وشكر خاص للعبيدي............. ..............وسلامت كم.

الله يحييك يالكاشف

سلمت يمناك

طاروق جميل

لكن ماهنا احتلال ان شاء الله

طاروق جيد يبشر بالحماس



لك مني جزيل الشكر

الاخ العزيز / الكاشف

هلابك مرحبابك يالغالي

وأستلم الــــــــــرد لاهنت

هلا يامرحبا ترحيبة الإسلام بين الناس........تحية مسلمين أبرار فارضها رسول الله
ياضيف المنتـدى يصعب عليك الموقف الحساس......وشٍ في ظميرك لاتحاول منت واصله

تسلم يالكاشف

وتسلم ياعبدالله على هذا الرد

محاورة تحمس

عسى الكاشف مايطول علينا

لاهنتوا

السلام عليكم ورحمة الله وبركاته ،،،،،،،،،،،

مساكم الله بالخير

مرحبا بالكاشف

اتمنى انك ما اطول هالمره

الرد

خلوهاااااااااااااااا اااااا







الا يا مرحبا ترحيبتن تبعث بدون قيـــاس ‌‌‌‌*** للشاعر اللي سخر المعنى وجابه بحله
جانا يهددنا بسيف الزير وشلفة الجساس *** ريح ركابك يا ولد قدمك سيوف مستله


وسلامتكم ،،،،،،،،،،

مرحبااااااااا بالجميــــــــــــــ ـ الكاشف ـــــــــــــــع
 

شـــــــــــــــــــ دواااااا الحزام

استلموووووووووووو... ....


يدوم الك البقا ياللي ترحب في جميع الناس ** ومنهو جا يقابلني وجب لازم نقابلـه

الا ياللي ترحب ثم تبقي ويش يا محتاس ** وشكل العلم يا رجال منت اليوم فاطن له.



وسلامتكم.

السلام عليكم ورحمة الله وبركاته ،،،،،،،،،،،
ارحب يالكاشف
من طول الغيبات جاب الغنايم وعساك ما تغيب الا تجيب
استلم
خلوووووووووووووووووو وووها




ابنصحك ياللي تحط النسر غير بقرنــــــاس @@ الحر فعله بينن والنسر ماهو كفــو له
واللملعبه يا صاحبي ماهي بدندن ومرواس @@ يصعب عليك العلم لو جبناه يمك نشله

وسلامتكم ،،،،،،،،،،،

خلوووووووووووهــــــ ــــــــــا....
 

لا هنت يالغالي استلم :

وجاك الزير ماسك سيفه البتّار يا جساس ** ولامنك هربت اليوم من شمسه حدر ظلّه


وترحيبتك يا رجال لضيوفك بها الافلاس ** كما العمله لها وجهين حبلك عندنا حلـّه.

السلام عليكم ورحمة الله وبركاته ،،،،،،،،،،،

الرد --------------------------


خلوووووووووووووووها




الظاهر انك مافهمت العلم وصايبك وسـواس @@ واللي مريض موسوسن علته ياولد عــــــــله
عندي علاجك يا فتى بكويك فوق حد الراس @@ واعرف تراني لا كويتك طبت من المرض كله

وسلامتكم ،،،،،،،،،،،،،

خلوووووووووووهاااا
 

انا آسف على التأخير وانت ادرى يا بو مبارك ...

خذ الرد :


من اولها تشيل السيف ودك تنتقم لا باس

********* عساك بساعة الهيجا تشوف السيف وتسله

ومن كبر حصاته ذل وارجف قلبه الوسواس

******** وانا ترحيبتي للي سواتك عودت علـــــــــه.

السلام عليكم ورحمة الله وبركاته ؛؛؛؛؛؛؛؛؛؛

مساكم الله بالخير

خلوووووووووووووها


انا اشوف بعض الناس بعيونه عماس @@ ابعطيه فنجال على كيف كيفله
يكود اشقر الدله يفكه من الهوجـاس @@ وان مازانت الدله نجددله الدلـــه

وسلامتكم ,,,,,,,,,,,

اللـــــه




اللـــــه




لاهنتوا



مبدعين ..

والى الامااااام ...

ــــــــــــــــــــ ــــ
 

مرحبا بالدلة وراعيهااااااااااااا


اخوي بيض الله وجهك وما قصرت فعلا المحاورة معك شيقة وفعلا كنت محظوظ يوم انك رديت علي واتمنى ان هالمحاورة تلقى استحسان الجميع.

تقبل تحياتي ((( الكاشف))).

اخوي الكاشف السلام عليك اول شي بديت طاروق ممتاز ثم رد عليك بامتياز عبدالله السلمي ثم رد عليك ابن وافي ببيوت موعلى وزن لحنك وانت كملت على لحن وهو على لحن اخر فالمفروض منك انك تنبهه ولاتجامله عشان يوزن البيوت او انك ترد مع عبدالله السلمي اللي رد عليك في البدايه لانه اولى وهاذا لصالح المنتدى والمشاهد وصح لسانك ولسان السلمي وابن وافي والسلام ختام

السلام عليكم ورحمة الله وبركاته

انا معاك اخي حياز في كل ما قلت

الطاروق كان منتظم مع الشاعر عبدالله السلمي

ولا اعرف من اين اتى اخينا محمد الوافي جزاه الله خير وعفس المحاوره وكان المفروض منه انه يعطي المجال للشاعر عبدالله السلمي لأنه اول من رد

وانسحاب الشاعر عبدالله السلمي يدل بأنه ترك المجال لك وكان المفروض ان يحدث العكس

ولكن المجامله كانت واضحه من قبل اخينا الكاشف فأنه جامل على حساب الطاروق والوزن والمتعه للقراء

ولكم مني نصيحة اخ صادق في النصح ان اغلب الأعضاء من المتذوقين للمحاورات فلا يخفاهم شي فهذه المحاوره سوف تحسب عليكم وليس لكم

على العموم اسمحوا لي على هذا النقد والذي لم يأتي الا من محبه والله يشهد على ذلك


ولكم سلامي وتحيتي الخاصه