ان زهم متروك يشرب كل هايب والغوانم تروي الشلف السنينه
 

السلام عليكم اخواني الاعضاء ...
تلبية لطلب الاخ راعي العوجا ... هذي سالفه حصلت لامرأة من قبيله آل مره وزوجها وهم جيران لقبيله زعب ... وفي يوم من الايام كان زوج الامرأة المريه مو موجود فسرحت الامرأة الابل .. وفي غفله جاها غزاة واخذوا الابل كلها ... فصاحت من قهرها بما حل بها .. وشتمت زعب ... لان زعب اقرب ناس اليها ... واحد رجال زعب سمع صراخها وهي تستغيث فعرف ماحصل .. فأسرع 6 من رجال زعب ولحقوا الذين سرقوا الابل وردوها على جارتهم وفي هذه المناسبه قال الشاعر شلش بن غصاب آل رمضان الزعبي هذه القصيده :


[poet font="MS Dialog,4,blue,bold,n ormal" bkcolor="transparent " bkimage="backgrounds/13.gif" border="none,4,gray" type=0 line=200% align=center use=ex length=0 char="" num="0,black" filter=""]
ابتديت بذكر من ينشي السحايب "="من بدا بسمه يبي ربي يعينه
ذا كلام طالع من راس شايب "=" للكبير وللصغير مقدمينه
صلب جده زعب عطبين الضرايب "=" من تحداهم بوجهه لا طمينه
فكوا الحرشا وسدوا كل غايب "=" وفعلهم كل القبايل خابرينه
ان زهم متروك يشرب كل هايب "=" والغوانم تروي الشلف السنينه
كان صاح وفرعن شقر الذوايب "="جو مثل سيل تحذر من بطينه
وان غزوا يجون في بيض الجنايب "=" ومن غزاهم رد في زينه وشينه
كم حلال بينهم قسم نهايب "=" وجارهم بدوه في الملحا السمينه
[/poet]

الحرشا ابل المري , سدوا كل غايب المقصد منها ان زعب قاموا في الواجب حين كان المري غايب ليس موجود.

وعند حضور الابل للمرأة عرفت ان زعب لا يتركون جارهم في كل الاحوال ...
فاعتذرت لقبيلة زعب واعترفت بأنها اخطأة في حقهم دون قصد .


وتمــــت...

مع تحياتي : مبارك بن وشمي الزعبي

سلمت يا مبارك
 

الله يرفع قدرك يامبارك
والعلاقة بين زعب وال مره وثيقه جدا .. ولدي ( نتيفات ) من هنا وهناك عن الموضوع لعلي اجمعها واضيفها هنا ..

الزناد




راعي العوجا





مرحبا ومسهلا .... نورتونا بطلتكم علينا ..
وحياكم الله.

مبارك بن وشمي
 

دايم علومك غانمة يا مبارك ..

ان زهم متروك يشـرب كـل هايـب && والغـوانـم تــروي الشـلـف السنيـنـه

بيض الله وجهك ..

زيدونا من القصص والقصيد ووثقوها جعلي ما اخلا منكم ..

السلام عليكم
 

مبارك فيه بعد عندي معلومات عن هالقصه ..

والله ماهي معلومات عندي فتيتات :)

انطرها وانا اخوك ونضيفها للقصه ..

مع اطيب تحياتي ..

المتروكي ..

مرحبا الساع يا المتروكي
 

حياك الله ..
وننتظر الفتيتات اللي عندك :)
ونبي نتزود بمعلوماتك ولاتبخل علينا ..

ابشر بالفتيتات يا مبارك :)
 

والقصه مثل ما اوردها اخوي مبارك بن وشمي ..
واحب اضيف عليها ..
لما اخذوا ابل المري .. وكان المري ماهوب موجود ..
وعرفت حرمة المري بأخذ الابل قالت : وحلاه يا الحرشا .. خلينا بني عمنا ورحنا نتبع زعب !!
طبعا الكلام هذا اثار زعب .. لان زعب عمرها ما تخلت عن جارها ..
وردوا الحرشا .. وعلقوا راس رجال من الي خذوا الابل وخلوه قلاده للحرشا
وقال شاعر لا يحضرني اسمه قصيده لا اعرف منها الا هذا البيت ..

حنا سهجنا العدوان خليناهم سحايل
كله لعين الحرشا قلدناها الشلايل

شلايل : قطعوا راس رجال منهم وعلقوها على الحرشا

اتمنى اكون ضفت على القصه شيء جديد ..
وسامحونا على القصور ..
مع اطيب تحياتي ..

اخوكم \ المتروكي

الله لا يهينك يالمتروكي .. علومك غانمه ...


جعلك تحيا على هالمعلومه النادره والقيمه ...






واشكرك على تفاعلك معنا .

يعطيك العافيه يامبارك ياسنايدي
 

مشكور يامبارك وتسلم يمينك على هالقصيدة الجزله



لاكن عندي ملاحضه صغيرة وانا خوك ؟؟؟؟؟؟

انا اعتقد ان البيت فيه خطأ املا ئي اعتقد انه خطأ من اللي نقل البيت ومشت الغلطه انا اعتقد انه الشاعر في البيت اللى يقول فيه .
وان زهم متروك يشرد كل هايب ......... والغوانم تري الشلف السنينه

يشرد كل هايب وليس يشرب ؟؟؟؟؟؟ والله اعلم ياليت اللي متأكد من القصيدة يذكرها لنا ويرد عشان نعرف او اللي يعرف احد اقرباء الشاعر يصلح لنا البيت عشان مايتداول البيت وهو فيه غلط هذا اعتقادي والله اعلم.....


ولكم جزيل الشكر

اخوكم ابوهلاااااااااااااا

المتروكي ..
ماقصرت على اتمام الفايده .. بس ليتك تشوف القصيدة كاملة للبيت اللي ذكرته .. واضح انه فيه فخر مميز للشاعر اللي قاله ..
شف لك شيبانك والا عجايزكم اربك يعرفون القصيده :)

راعي العوجا .. تامر على العين وراعيها ..
 

مير يا اخوك الي عندي عن هالقصه قلته ..

ومانيب باخل عليكم يا الغالي ..

بس ابي اسألكم يااخوان .. من هم القوم الي خذوا البل ؟؟

يا ليت الي عنده معلومات يفيدنا ..

مع اطيب تحياتي ..

المتروكي ..

السلام عليكم
اخي مبارك
مســا ك الله بالخير
تسلم يمينك
والقصيده رائعه وفيها
معاني قويه جزلة المعاني
وبصراحه القصيد كلها رائعـه

تحياتي
اخوك
ba7r

حياكم الله .. والله لا يهينكم على تفاعلكم وتشجيعكم للأعضاء ..


المتروكي , القبيله اللي غارت على ال مره هم من قبيله مطير .


وشكراً.

حياك يابو هلااااااااا
 

تسلم يمينك يابو هلا على تصحيحك البيت ..

بس انت كتبت تري وانا اظنها تروي والله اعلم .


الا اصيدك :)


واللي عنده علم بالقصيده يفيدنا .


وشكراً .