المشاركة الأصلية كتبت بواسطة علي بن مديبغ

السلام عليكم ورحمة الله وبركاته



اقدم لكم



الجديد

وعساه ينال اعجابكم



ليا هبت جنوبيه تعومس كل راعي ذود...وانا افرح لنها تحمل سلام الطيب الغالي

ورب البيت لو ماني بخاف العيب والمنقود...ليا هبت نسانيس الجنوب اطوح عقالي

انا تابع لدستور الهوا ومقيدن ببنود...اذا حبيت يا العاشق فداه الحال والمالي

عطيته بالهوا قلبي ولا منه ابي مردود...ولو يطلب اطب النار قلت النار اشوالي

بعيده عن هوا الحاسد بعيده كنها العنقود...يقول من الحسد مره ولو إن طعمها حالي

عسى يسقي وطن خلي سحاب يزخ صوت رعود...يسيّـل وادين مبطي من الامطار ما سالي

يعم الخير بالديره ولا عن المطر منشود...تربع ديرتن خالي سكنها والله الوالي

غلاها حي في قلبي مدام اني انا موجود...مدام انها معي بالدرب من الاول الى التالي

معاها ( صك رسمي ) بالمحبه والقلوب شهود...من اول يوم ناظرته لغاية وقتنا الحالي

احبه حب ما ادري ، وكاد انه بدون حدود...سميه من غلاته له بوسط القلب منزالي

انا لو ماني بعاشق وانا قد الهوا وقدود...ما كان اقول انا فدوه وانا اوقع على اقوالي




وسلامتكم