رد بقصيدة تبعد الهم لو يوم ... ومراسلة شعرية رائعة

[رعد السلمي]

أنشأ محمد بن شيمي المعجل السلمي خمسة أبيات يشكي فيها الوقت =وتبدُل الحال من حال إلى حال وهذه أقدار الله سبحانه وتعالى
التي نرضى بها ويرضى بها قائل القصيدة= التي يسندها على صديقه متعب بن عايض الشيباني ويقول في قصيدته ...

حدّني الأيام والوقت غدار=أنا أشهد إن الوقت ماينومن دوم
فيما مضى نمشي ونشرط ونختار=ولحدٍ يزاودني على البيع والسوم
واليوم في نفسي صويبٍ ومحتار=ومن الوزى مبعد عن الربع والقوم
القلب غاديبه شبوبه من النار= والعين تسهر عايفه لذة النوم
وياخوك وإن لي عندك اليوم مقدار=رد بقصيدة تبعد الهم لو يوم

وقد رد متعب بن عايض الشيباني عليه بقصيدة يقول فيها...

بسم الله الرحمن والنافع الضار=وماصار لبن آدم مقدّر ومقسوم
والرجل للشدات والوقت دوار=وإن كان به معطى فهذاك محروم
اصبر ولاتبدي لشمات الأسرار=حتى ولو تاكل على الخبزه الثوم
وانا عوينك للزمن كل ماجار=انته ومثلك عندنا دوم محشوم
ياحر يامجنى من الناس الأحرار=عطني وش اللي صار وش عندك علوم

[أخو وضحى]

أخوي رعد السلمي تسلم يمينك التي كتبت هذه المساجله الرائعه


وصح لسان الشاعر محمد بن شيمي المعجل السلمي


وصح لسان الشاعر متـعـب بـــن عـايــض الشيـبـانـي




قصايد جميله وتحمل معاني كبيره ودمت لنا أخا عزيزا وغاليا






تقبل تحيات أخوك

أخــــو وضحــــــى

[ابوهلا]

صح لسان الشاعر محمد بن شيمي المعجل السلمي

وصح لسان الشاعر مـتـعـب بـــن عـايــض الشيـبـانـي


ابيات واختيار رائع

لاهنت يارعد


وبنتظار مشاركاتك


تقبل تحياتى

[ابو شبيب]

اخي الحبيب / رعد

السلام عليكم ورحمة الله وبركاته

واسعد الرب جميع اوقاتك بكل خير

فعلا اخي الحبيب
مساهمه
جميله
بحسها
واحساسها
وروعتها
وذائقتها الغنيه
بكل معاني الجمل الشاعريه
اعطاك المولى الصحه والعافيه واصح السنت الشاعرين
واستمراخي الحبيب في هذا الابداع الجميل

تحياتي

ابو شبيب