عفواً تذوق روح الشعر مع الهنوف اللي سرت من نجد وأمست فالحوية (سهلة وواضحة)

[رعد السلمي]

[السلام عليكم ورحمة الله وبركاته وبعد
أطل عليكم من جديد وبعد غياب مديد وشوقي لكم يزيد يوماً بعد يوم ( يكمل ضيدان )
الهنوف اللي سرت من نجد وأمست فالحويه = ضيقت صدر الرياض وسافر الطايف وجاها
وأنثنى غيم الحجاز لخد نجد النرجسيه = يوم جاته من زعلها كنها تقصر إخطاها
زعلوها ورحلت وأخلت قصور الفاخريه = وألحقتني شرهة الزعلان وأخطاني رضاها
سافرت والله ماأخبر اللي يزعلها عليّه = وأستباحت لله الخيره سهر عيني وماها
ليتها يوم إستباحت دمعة العين الشقيه = ماإستباحت دم قلبي من خلاها في خلاها
سامح الله ظُلمها وطعونها الخُضر النديه = والله يسامح خناجرها ويعفو عن خطاها
عرضتني للهبايب والظما والمهمهيه = وإتركتني للزعل والشوق والكبر وغلاها
والغلا ماهو في يديها ولاهو في يديه = الغلا شيٍ من الله وأشهد إن الله عطاها
من غلاها لو توردني على حوض المنيّه = كنها تسقيني الشهد المصفا من شفاها
ومن حلاها ماتوصّفها الحروف الأبجديه = كيف تُوصف وردةٍ يبري من العلة شذاها
الورود تغار منها مزهرية مزهريه = وإن تباهت عذرها معها يحق إلها تباها
مايشابها شبيه ولايحاليها حليه = جل ربٍ يوم صورّها فرقها عن سواها
لقبلت هيجنت وإن أقفت جذبت السامريه = واعذابي من عطتني وجهها وألاّ قفاها
إن بدالي وجهها يسعد صباح اليوسفيه = وإن غشتني نفحةٍ من ليلها يسعد مساها
درةٍ بالموت محروسة وبالبحر إمحنيه = البحر من دونها والموت الأحمر من وراها
دونها ماأغليت وسم أهلي ولاشداد المطيه = مرخصٍ بالقاع عمري والثريا في سماها
لايمي يبلى بحب الحضر في عيون إبدويه = في ظروفٍ مايقارن مستواه إبمستواها
الله أقوى يافقير القلب أبو نفسٍ غنيه = ماللك ألاّ الصبر والجنة لقاها من لقاها
والهوى اللي يطرح الرجال في يدين أجنبيه = علةٍ بالجوف لاتبرى ولايلقى دواها
والهنوف اللي لرد الثار تاخذها الحميه = شفتها بالعين في قلبي وهي تاخذ قضاها
وشفتها تشتاق تطعني بلا ذنب وخطيه = كثر ماتشتاق لأعماقي وأنا أشتاق إل دفاها
كل ماعرقت بميسمها تحريت إل خويه = والحقت بالميسم الميسم كذا على عماها
عاقبتني كل يومٍ تلحق الكيّه بكيّه = وأتعبتني وأدركتني والحقت نفسي مداها
وإن تمادت جهزوا قبري وأنا بكتب وصيه = بكتب الله لايعاقبها ويرضالي علاها
العمار تلّفها الأيام والدنيا مدّيه = والسنين تلّفني والنار تحرق من وطاها
علموها تلحق الباقي مادام الشمس حيه = وإتغانم مابقى مني وماتطلب فداها
لاتمادى في جفاها والرياح الموسميه = ماتقدر وقفة الأشجار وتثّمن عطاها
وعلموها مابقالي غير أدِن الهاشميه= كان ترضاها علي ألاّ تهون من جفاها
وإنصحوها لاتحّمل نفسها نفسٍ بريه = ذكروها بالقبر لعلها وألاّ عساها
وعلموها.. علموها لاتطّول فالحويه = ديرةٍ ماهي بديرتها لو أعجبها هواها

الشاعر / ضيدان بن قضعان

[عبدالعزيز]

حياك الله اخوي رعد واهلا وسهلا في عودتكم

ونتمنى ان نرى مشاركاتك مع اخوانك


وصح السان الشاعر في ما قاله




تقبل فائق الاحترام والتقدير

[ابو شبيب]

اخي الحبيب / رعد

اهلاً وسهلاً بعودة طائركم بعد هذا الغياب
حضر الرعد واستبشر المنتدى بالمطر
وها انتم تمطرون علينا بأعذب الكلمات واجمل الاختيارات
نص شاعري جميل لشاعر كبير من رموز الشعر النبطي فى وقتنا الحاضر
ننكس الاقلام خجلاً واستحيا خوفا من ان نخدش جمال وروعة المشاركه
لك الشكر على الحضور والاهداء والنقل

تحياتي إليك

ابو شبيب

[مبارك الزعبي]

يامرحبا يا رعد

اسعدتنا بطلتك علينا وبمشاركتك .


وصح لسان الشاعر ضيدان .. ودمت لنا




تحياتي لك .

[ابوهلا]

مرحبا تراحيب المطر يارعد واهلا بك وبعودتك الى اخوانك وهذى الساعه المباركه


واختيار يدل على ذوق راقي

وضيدان شاعر متمكن واستطاع ان يجعل له بصمه فى الساحه الشعبيه واغلب قصائده تجعلك تقف عندها لتستمتع بقرائة شعر حقيقى



تقبل تحياتى واحترامى وبنتظار تواصلك ومشاركاتك الرائعه

[رعد السلمي]

شكراً لمروركم جميعاً ...
وسوف ترون مايسركم في المستقبل القريب إنشاء الله ...

[أخو وضحى]

مشكووووووووووووووووو ووور يارعد وتسلم أيدينك على نقل هالقصيده المميزة لنا



وضيدان بن قضعان نار على علم وأنقل له هذه القصيده التي لا أخفيكم أني من المعجبين بها تقول القصيده:
يا وجودي كل ما هبّ صوتك من شمال
= وجد من حدّه زمانه على اللي ما يبيه
ويا وجودي كلما اضحيت ثم مال الظلال
=لا غفت عيني ولا ذقت شي ٍ مشتهيه
وجد من قفّى وهْو في رجا كلمة تعال
=وإلتفت من عقب ماْ اقفى ..ولا أحد ٍ لدّ فيه
ويا عذابي لا دنا الليل من روس الجبال
=وانتهى يوم ٍ من العمر ما عاد أرتجيه
وانتي أبعد من سما الحلم ووصالك محال
=يا بعد من هلّ دمعي ضحى الفرقا عليه
يا غناتي لا تحسبين دمعي يوم سال
=ضعف ولاّ خوف ..ولاّ كذا ولاّ كذيه
والله إني من رجال ٍ يضدّون الرجال
=لكن الحظ ّ الردي ..ساق دمعي كل ابيه
ووالله ان قد لي وانا اصّد لا جالك مجال
= صدّة اللي لا تضايق تذكّر قبر أخيه
ووالله إني كلما دار حوليك الجدال
=قمت كنّ الموت يشّر على قبرى بديه
ومن سألني قلت مدري..وإذا عاد السؤال
=قلت له تكفى سؤالك ترى ماهو وجيه
وش تبيني اقول عن من ترى ذبحي حلال
=والخطا منها عليّ..صرت أحبه وأهتويه
عذرها لو ماْ تْعذّر مثل واضرب مثال
=واحد ٍ ما يعرف الحرّ الاشقر يشتويه
وان لفينا للتواصيف لله الكمال
=لاْ انتهى ليل المزايين جاتك تبتديه
كنّها غفل ٍ مع البدو طاويها الحيال
=ما يميّز وصفها إلا نبيه ٍ من نبيه
ياْ اول أحلام الطفوله على حد ّ الخيال
=الرجى باللي حمى البيت من حملة بريه
حال دونك سيف عنتر وتاسع حول حال
=.باْثر حول ٍ حال دونك وانا ادعى هيه هيه
هيه ياللي غرّك الحسن واطغاك الجمال
=والله أني اموت ما شفت لأوصافك شبيه
لو يسام الحسن والتيه بجنيه وريال
=ما بقى في سوق غيرك ريال ولا جنيه
كيف أهدّك للمقادير وانتي راس مال
=راس مال ومال..والمال ماْ يغطي السفيه
حافظك حفظي لعيني ورمشي لك جلال
=وانتي تْشحّين بالما..وانا شفّي مويه
شايف ٍ ظلمك وساكت وطال الليل طال
=لا نويتي طعن قلبي وانا ما قلت ليه
لو بقى للهيل صبر ٍ على فوح الدلال
=ما بقى للهيل صبرٍ على شي ٍ يجيه
وانتي تْسوقين عقلي على حدّ الهبال
=تحسبين ان من بغى شي يقدر يشتريه
ولاّ انا يا وجد حالي وجود ٍ ما يقال
=وجد من ضحّى بغاليه لْرضا والديه
ويا وجودي بأول العمر قبل ألبس عقال
=وجد من باع آخر العمر في رغبة ذويه
ويا وجودي كل ما هبّ صوتك من شمال
=وجد من حدّه زمانه على اللي ما يبيه






وله قصيده طريفه تقول:


كمل جوازي من ختوم النويصيب
=واخذت من عند المحافظ بطاقة
ولو ما عطاني كان ماردني الذيب
=اليا ارتكا كل على مخ ساقه
اطمر من اللكزس واطوح على الجيب
=ولا نيب في الخفجي عليمي سواقه
وان ما فهقت عصير رغوه فلا نيب
=شوق الهنوف العيطموس الدقاقه





أكرر شكري لك يارعد وتراك وعدتنا بالمزيد ونحن بالأنتظار



مع خالص تحياتي

أخو وضحى