المساعد الشخصي الرقمي

مشاهدة النسخة كاملة : راكان الظـفـيري يحب يشارك ...

راكان الظفيري
19th January 2003, 13:33
السلام عليكم ...

بصراحة احب ان اشكركم على هذا الموقع الرايق جدا ... واتشرف بمعرفتي بقبيلة زعب العريقة ... واللي من يوم انا بزر اسمع جدتي تسولف سالفة الزعبية بنت ابن غافل فكنت معجب السالفة اعجاب شديد ...ونعم تستاهلون ..
زعبيتن ياسباع مانيب هفيه ... ولاني من اللي هافياتن أصولها
عموما احب اشكر صديقي محمد الزعبي اللي دعاني لهذا الموقع ..
واتمنى اني القى ترحيب من اعضاءه ...

وشكرا

اخوكم
ابوتركي
المهندس / راكان الظـفيري
الرياض
ابوهلا
19th January 2003, 23:15
ياهلااااااا ومرحباااااااا فى راكان الظفيري هلابك بين اخوانك ونعم بالظفير ونعم بالطيبين كلهم
admin
19th January 2003, 23:54
بسم الله الرحمن الرحيم

هلا والله بالأخ راكان الظفيري
والسلام عليكم ورحمة الله
ومساء الانوار


وحي الله راكان وحي الظفيري الله حيهم حماية
المستجير اهل البويت...والنعم فيهم وفي كل
الطيبين.

ويسرنا تواجدكم معنا، وان شاء الله منكم نستفيد
والشكر لولد عمنا محمد اللي عرفك بالموقع
وفي أمان الله

أخوكم
الجار
راعي العوجا
20th January 2003, 00:38
ارحب والله ان ترحب ياالظفيري ..
انت راعي الاوله ..
والعلاقة بين زعب والظفير وثيقة جدا .. إلى درجة ان شيوخ الظفير ( ال سويط ) من قبيلة بني سليم اللي ترجع لها قبيلة زعب .. فزعب وال سويط من قبيلة واحده ..
راكان الظفيري
20th January 2003, 16:16
شكرا للجميع ..
الجار وابوهلا وراعي العوجا .. غمرتوني بلطفكم ..
واتمنى اكون عند حسن ظنكم جميعا ..
راعي العوجا
20th January 2003, 17:21
حنا الظـفـير مطوعة قاسي الراس = نصبر اللين النفـس تلحق هواها
ننزل اليا طب الفراقين وسواس = فأرضن خـلا ماكل حي وطـاها