حـــــــــــــــب شــــــــــــــاعـــ ـــــــــــــر

[سيف القبيله]

فينك حبيبي غيبتك عذبـت نـاس
نـاسٍ تمنـى شوفتـك بالدقـايـق
ياللي ملكت الروح ياعـل مابـاس
ياهل ترى مشغول ؟ولا أنت ضايـق
صدقني أملك قلب مرهف وحساس
ماني على فرقـى المحبيـن طايـق
لجلك عيوني تسهر الليل حـراس
والصدر في جوفه تشـب الحرايـق
من زود حبك صرت بالحيل محتاس
فايق وبعض أحيـان مانـي بفايـق
حاولت أعبر بالقلم فوق قرطـاس
وأرسلـك أبيـات القصايـد وثايـق
ممكن يصير الشعر للحب مقيـاس
وممكن يصير الحب للشعـر سايـق
جمعت ظُلم كليب مع غدر جسـاس
وأعطت نتيجة مذهلة (غير لايـق )



للشاعر/عبدالله بن عتقان السلمي
(نجم الحرة)

[ابوجاسم]

جمعت ظُلم كليب مع غدر جسـاس
وأعطت نتيجة مذهلة (غير لايـق )

ما شاء الله قصيده رائعه
صح لسان الشاعر الكبير
عبدالله بن عتقان السلمي

والله لايهينك يا سيف القبيله

[سيف القبيله]

.
.
.
.
صح بدنك وصح لسانك على ردك الجميل لاعدمتك..

والف شكر على اهتمامك ومرورك الذي عطر الابيات وزادها نوراً..
لاتحرمني هذا التواجد ودمتـ كما انت متألق...

[العبيدي]

ابو هذال

شاعر القلطه والنظم

صح لسانك





سيف القبيله مميز

يعشق التميز

مشاركة وقصيده جزله

لاهنت على روعة النقل

[سيف القبيله]

.
.
.
.
.
صح بدنك يالغالـي وسلم قلبك وعاش راسك على هذا المرور المعطر الطاهر بطهر قلبك.
اكتملت الابيات بطبع بصمتك عليها لاعدمتك ولاحرمني ربي اهتمامك وتواجدك..
دمت بالقلب