!؟! ( عناصر الابداع ) !؟!

[علي بن مديبغ]

السلام عليكم ورحمه الله وبركاته


ابيات كيبورديه مثل ما يقولون



ومثل ما يقول الاخ ( محمد فهد بن وافي) ارتجاليه تعبر عن نفسها



يقول ابو غنيم




احّـشم قصيدي ما أقدمّه قاصر...خوفي يقول الناس بار بخويه

بيني وبين الشعر عدة اواصر...مثل البدو مع الوفا والحميه

شعري اذا ما كان بالضيق ناصر...وش له اقهويه الفكر شاذليه

الحمد لله جيت بالشعر باصر...هبه من الله ما خذيته عطيه

يجب توافر بالقصيده عناصر...تدل على الابداع لا الفوضويه

اكتب لنفسي لا لخالد وناصر...ما همني اعجاب هاذا وذيه

قاله: علي،شاعر،كويتي،معاصر ...توه صغير ونادر تشوف زيه


سلامتكم


وسامحونا على القصور


تعليق :


اواصر = روابط او علاقه


الشاعر : ( علي غنيم بن مديبغ الزعبي )

[العبيدي]

علي بن مديبغ

صح الله لسانك

تسلم

كفو

لكن لا تفسر مصطلحات قصيدك الا اذا سألت

قصائدك قمة الابداع وواضحه ما يحتاج

واذا وجد الغموض دائماً يقلون المعنى في قلب الشاعر

[علي بن مديبغ]

مرحبا ومسهلا يا العبيدي


وانا والله ما افسرها من فراغه بنظرتي ان فيه كلمات لابد من تفسيرها

وانا افسر الكلمه عشان القارئ ما يوقف عن كلمه وتصير عليه صعبه


لا سيم ان فيه ناس عندهم خلفيه في الفصحى والنبط وفيه ناس لا ما عندهم خلفيه



وشاكر لك على ردك



وعلى نصحك




تحياتي....

[ابوجاسم]

قاله: علي،شاعر،كويتي،معاصر ...توه صغير ونادر تشوف زيه

صحيح نادر تشوف زيه
علي شاعر مبدع ومعروف
في قصائده
صح لسانك

[علي بن مديبغ]

مرحبا ومسهلا


وهاذا شرف لي انك تكون في صفي ومن مؤيديني



ولا هنت على مرورك اخي الكريم



تحياتي....

[ابن عسكر]

صح لسااااانك


يابو غنيم


وانت بلا شك انشاء الله من كبار الشعار بالقبيله في المستقبل


تحياتي لك وللجميع

[علي بن مديبغ]

يا مرحبا يا ابن عسكر


وتشجيعك لي انا اعتبره راس مال يا سلطان



ولا هنت على مرورك يا الغالي




تحياتي....

[ابوهلا]

مشالله يابو غنيم وش هالحركات والمفردات اواصر و لا سيم ان


ارفق علينا ياخوي|391|



بس تبي الصراحه


قصيده فيها حرفنه





صح لسانك وبوحك وفكرك






والله اني مبتلش بالأختبارات هاليومين لاكن هالقصيده تحرضني علي الرد بس المشكله اذا برد اكيد انها بتصير علي حساب واحد من الأختبارات



وش رايك ارد ولا لا|409|

[علي بن مديبغ]

مرحبا والله ومسهلا


يا اخي ماتبيني اتطور ليمتى يعني ؟ لابد ننظر للدنا بعين واسعه

لابد نقرأ ، نتعلم ، نستفيد من فكر اللي قبلنا


لأن الشاعر جزاهم الله خير على كل موضوع قصدو


لابد ان الواحد يطلع بموضوع جديد وانا ما اعتبر هاذا موضوع جديد بس اني اعتبره خطوه اولى للإنفتاح الفكري



وانا من رايي يا ابو هلا انك ما ترد لأن مرورك ومشاركتك وتعليقك على هالقصيده يسوى له ( مُـعلقه من مُـعلقات عنتر بن شداد )

هاذا بنظري وكلٍ حر بما يقوله



وشد حيلك يا ابو هلا وعقبال الدكتوراه انشاء الله والله يوفق الجمييع طلاب العلم الكبار و ( الصغار )





تحياتي...

[فهد بن سالم]

صح لسانك يا علي بن مديبغ

[أبو العز السلمي]

اكتب لنفسي لا لخالد وناصر...ما همني اعجاب هاذا وذيه

جزاك الله خيرا

[ذيب الحره]

الجزل مايجي الابالجزل

صح لسانك ياعلي ولاهنت ان شاءالله



تحياتي

[علي بن مديبغ]

مرحبا مليون

فهد بن سالم

ابو العز السلمي

ذيب الحره


مرحبابكم وشاكر على مروركم الكريم



تحياتي....

[هاجوس]

صح لسانك ياعلي بن مديبغ

[علي بن مديبغ]

مرحبابك يا هاجوس

وصح بدنك

وهاذي الساعه المباركه اللي اشوف ردودك في مشاركاتي

ويشرفنا انضمامك لنا



تحياتي..

[محمد فهد الوافي]

علي المديبغ






































صح لسانك ولاهنت يا ابو غنيم



























أرتجاليه جزله عسفت عسر المعاني فيها ولا قللت من قوة مفرداتها






















دمت بود






















أخوك / محمد فهد الوافي

[علي بن مديبغ]

ابو فهد

مرحبا ومسهلا


وصح الله بدنك



بس تعبتني وانا اقرا مشاركتك


قلل من المسافات جزاك الله خير


تعرف المتين ماله خلق يمشي دايم :)



اشكرك على مرورك



تحياتي...

[مبارك الزعبي]

يا سلام على الابداع يابو غنيم






صح لسانك وسلمت





واتمنى لك التوفيق

[علي بن مديبغ]

مبارك فالح

محمد بن وافي يقول:

( يا هلا ويامرحبا والشك زايل...عقبها واقلط على هيلٍ وبنا )

وانا اقول :

( ارحب ارحب يا وسام المجد يا تاج الفخر...عقب هاذي تستحق الهيل من بعد القدوع)



مرحبابك ومرحبا في مرورك




ولا هنت على الاطراء الجميل





تحياتي....