سلامي عليكم يا بني قيس عيلان

[الكاشف]

السلام عليكم ورحمة الله وبركاته ومبروك عليكم الشهر الفضيل

سامحونا على التأخير

أشوف المنتدى كنه صايم :))

وينكم عسى ماشر ليه المنتدى مافيه حركة

قوموا يامال الغناه جاكم اللعب

وين الشعار وين الصفوف

جاكم الطاروق

من فيه شدة يقوم الله لا يهينه



سلامي عليكم يا بني قيس عيلان ------ سلامن عدد ما حج للبيت حجاج

أشوف الموارد ضامية ماش صملان ------ وذالمنتدى كنه مريض(ن) يبا علاج



تقبلوا تحياتي

أخوكم الكاشف

دمتم بود

[الصتيمه]

ارحب يالكاشف وكل عام وانت بخير وصحه وانا ترى مثلك مبطى مادخلت والعذر من الربع لاكن دخلت صدفه ولقيت هالطاروق مدري من حسن حضك اني اول من رد ولا من سوء حضك عموما اتشرف باللعب ويا اى شاعر من الجماعه

واستلم


بلاعبك رغم اني علي اهل الشعر جاان *** ولنت الجبرتي لا ولانت ابن مدلااااج

تعذرب مجالس ربعك اليوم يفلان *** وكم واحد نحسبه شاعر وهو داااج


مع اني ماني مقتنع بالوزن واحس انه فيه شي غلط بس هات

[الكاشف]

الصتيمة

مجاراة جيدة لكن أنتبه للوزن

بلاعبك رغم اني علي اهل الشعر جاان *** ولنت الجبرتي لا ولانت ابن مدلااااج

تعذرب مجالس ربعك اليوم يفلان *** وكم واحد نحسبه شاعر وهو داااج


هاك الوزن

على وين يابرق(ن) سرى تالي الليل#### أبسري على مسراك والليل ساري


سعدت بمرورك

دمت بود

أخوك الكاشف

[علي بن مديبغ]

مرحبا يا الكاشف

ولو شكلك متفرغ تشارك بالشعر والقلطه والمنتدى اهله متفرغين لشهر العباده


وسبقني اخوي الصتيمه وهو صتيمه بس اللحن ما جابه مضبوط يمكن ما عرفه وعذره معاه


اما انا بجرب معاكم تجربة حظ مع اني ما احب اتحرش بالشعار الكبار ومن باب الرد مو من باب القلطه


لا ترد علي يا الكاشف ترا بتورطني


استلم


الا مرحبا وعداد ما خِـط عنوان...من الساحل الشرقي الى ساحل العاج

محد صوبكم ياللي تغني بالالحان...شهر صوم ماهو شهر لالاة وازعاج




وتحياتي.... :)

[مبارك الزعبي]

هههههههههههههههههههه هههههههههههههههههه





صح لسانك يابو غنيم على الرد :)




وبيض الله وجيهكم يالشعراء

[الكاشف]

مرحباااااااااا تراحيب المطر يابن مديبغ

والساعة المباركة يوم مريت بالمحاورة

ورمضان شهر الخير ماقلنا شيء وترى الدعوة سهالااات

بس مادام رديت لازم تنجدهااااا :)))

أن كان الصتيمة ماعرف وأنت فهمان .......علامك تعذر يا ولد وأنت مهراااج

ودرب المحبة يا علي درب الايمـــــان........ وحنا نبا نسمح الى جاك الأحرااج


تحياااااتي

[علي بن مديبغ]

الله يسامحك يا الكاشف


ماني بشاعر قلطه


مير دامني بديت الله يعيني :)


اسلتم


انا اعرف دروبك زين يا ذيب سرحان...الامن نويت وصرت جايع ومحتاج

ترا عندنا ساحه تسمى بـ ميدان...لا تدخل لأني عارفك عَـجل مخراج




تحياتي....

[الكاشف]

الله عليك

يسلم بنانك وصح لسانك


أستلم


ألا يالصحيب اللي يقول اللقاء حان ------- توقع توقع لا تطفي لك سراج

ترى مثلكم لا جاء نقهويه فنجان --------- ونخلط مع القهوة معاميل حوّاج


تحياتي

[علي بن مديبغ]

صح لسانك يا الكاشف


وصح لساني :)




ولا هنت على الجهد المتواصل طال عمرك





تحياتي..

[الكاشف]

الله لا يهينك يابن مديبغ

والقصد

وسعة الصدر


تقبل تحياتي

الكاشف

[ابوهلا]

صح لسانك يالكاشف وصح لسانك يالصتيمه وصح لسانك يعلي


لاهنتوا مع انا ودنا انكم كملتوا صحيح انها صارت قطيه ماعادهي محاوره ههههه لاكن جميله



لاعدمتكم جميع

[الكاشف]

أبو هلااااااااااا

سعدت بمرورك يالقرم

والدعوة وسعة صدر


أسمك موجود باللسته عندي زهب نفسك للمحاورة :)))

الله لا يحرمنا هالطلة يابو شنار .

تحياتي لشخصك الكريم

أخوك

الكاشف

[ابوهلا]

لابالله فكني من المحاوره يابو فهد



انا حتي متابعه قليل اتابعها





عندك ابو تركي ولا الفهد استلمهم :)

[الكاشف]

ماشي يابو هلا

اللي تبيه يصير يالمشرف

ولو :))


وابو تركي والفهد فالبال وغالين .


الكاشف

[محمد الجبريني]

السلام عليكم ورحمة الله وبركاته ومبروك عليكم الشهر الفضيل

سامحونا على التأخير

أشوف المنتدى كنه صايم :))

وينكم عسى ماشر ليه المنتدى مافيه حركة

قوموا يامال الغناه جاكم اللعب

وين الشعار وين الصفوف

جاكم الطاروق

من فيه شدة يقوم الله لا يهينه



سلامي عليكم يا بني قيس عيلان ------ سلامن عدد ما حج للبيت حجاج

أشوف الموارد ضامية ماش صملان ------ وذالمنتدى كنه مريض(ن) يبا علاج



تقبلوا تحياتي

أخوكم الكاشف

دمتم بود

الكاشف والله مدري عن لحنك ولاكن عساني ماالحق الصتيمه
اعتبرها لقافه مني وخذني على قد عقلي مع احترامي لك و للي ردو قبلي اشوف ردهم ماهو كافي فى ابياتك القويه
وادري ان الملعبه راح وقتها والطاروق او القاف فى رمضان واليوم احنا ويننا وين رمضان بس قيس عيلان
ترهم شجعان هههههههههههههههه

الله يستر ياقيس عيلان الكاشف وش انهو ومنين






هلامرحباون طعتني سم بالرحمان = ترانا لياقمنا معروفين مايحتاج
توقع على مهلك ترى قدمك الشجعان = على بلحرام انك لتاكلها ليصاج