مبارك الزعبي
21st September 2005, 13:45
الســـــــــلام علــــــــــــــيكم اخــــــــــــوانـــ ــــــي الأعضــــــــــاء ...
من زمان ماشاركت والحين اجيب لكم قصيده من القصايد اللي قريتها واعجبتني
وحبيت اني انقلها لهذا المنتدى العزيز ..
وعســاها تنـــال على اعجـــــاب الجميـــــع ..
لا والله الا شدوا البدو نجاع=وكل ٍ هدم مبناه وارتد زمله
شد الشديد وقربوا كل مطواع=وراعي الموده فرق البين شمله
شدوا ودنوا للحني كل مطواع=كل اشقح ٍ مااحسن قرينه ورمله
غدا لهم دون الرفيعه تمزاع=كل ٍ بغى درب ٍ عزل وانقسم له
اقفوا كما نوّ نثر ماه وانزاع=برقه يرفرف والسدا يرتدم له
وابكرتاه اللي غدت بين الاقطاع=وابعد دورتها على اللي جهم له
الهقوة انه يم دخنة بالاوقاع=والا مع اللي سندوا مستهمله
لاهيب لاحاشي ولاهي بمرجاع=عفرا فتاة وراعيه ماوسم له
ياغصن موز ٍ ناعم ٍ له تمرياع=ومنين ماهب الهوى مال حمله
راعي هدب عين ٍ مظاليل ووساع=خرس ٍ عيونه والمحاجير جمله
عليه ماوقفت عيوني بالادماع=وهجس ان يلحقني على الطول سمله
اعوي عوا ذيب ٍ ورى البدو نجاع=يقنب ايلين الله يجيب اللحم له
يامل قلب ٍ من هوى زيد ينصاع=كما يصوع الصيد رام ٍ خطم له
حبه يخج القلب مايوجع اوجاع=لاشك قلبي مودعه بيت نمله
الشـــاعــــــــر : فهيد المجماج التميمي
من زمان ماشاركت والحين اجيب لكم قصيده من القصايد اللي قريتها واعجبتني
وحبيت اني انقلها لهذا المنتدى العزيز ..
وعســاها تنـــال على اعجـــــاب الجميـــــع ..
لا والله الا شدوا البدو نجاع=وكل ٍ هدم مبناه وارتد زمله
شد الشديد وقربوا كل مطواع=وراعي الموده فرق البين شمله
شدوا ودنوا للحني كل مطواع=كل اشقح ٍ مااحسن قرينه ورمله
غدا لهم دون الرفيعه تمزاع=كل ٍ بغى درب ٍ عزل وانقسم له
اقفوا كما نوّ نثر ماه وانزاع=برقه يرفرف والسدا يرتدم له
وابكرتاه اللي غدت بين الاقطاع=وابعد دورتها على اللي جهم له
الهقوة انه يم دخنة بالاوقاع=والا مع اللي سندوا مستهمله
لاهيب لاحاشي ولاهي بمرجاع=عفرا فتاة وراعيه ماوسم له
ياغصن موز ٍ ناعم ٍ له تمرياع=ومنين ماهب الهوى مال حمله
راعي هدب عين ٍ مظاليل ووساع=خرس ٍ عيونه والمحاجير جمله
عليه ماوقفت عيوني بالادماع=وهجس ان يلحقني على الطول سمله
اعوي عوا ذيب ٍ ورى البدو نجاع=يقنب ايلين الله يجيب اللحم له
يامل قلب ٍ من هوى زيد ينصاع=كما يصوع الصيد رام ٍ خطم له
حبه يخج القلب مايوجع اوجاع=لاشك قلبي مودعه بيت نمله
الشـــاعــــــــر : فهيد المجماج التميمي