المساعد الشخصي الرقمي

مشاهدة النسخة كاملة : رديه مع الشاعر الكبير/راشد شبيب الزعبي

عبيد
8th September 2005, 10:30
ياعبيد وش حيلتك في ميت النبتي= مافاد زرعي ولا ريي ومجهودي
هبت عليه الهبايب والورق حتي = وأم الغصون الرفيعه تيبس العودي
حدثت نفسي عن المظمون والثبتي = من يبذر الحب في صبخاه منقودي
وأنا الذي ماحسبت حساب للوقتي = أمد يمني الوفا للطيب والجودي
أرميبها للعلا وتطيح بالخبتي = مير البلا خالفت ظني ومقصودي
ياعبيد دنيا شقاها كسر الصمتي = ابيح بالخافيه وابديلك أسدودي
والله لولا الحيا والعيب والشمتي = لاقول عين السبب وأطلق بها قيودي
لاشك ندرى هل المنقود والزمتي = أشيوخ في مجلس النمات واحسودي
ناس لها بالمشاكل مذهب وسمتي = لعل مال للعفون أجناس ووجودي
عبيد
8th September 2005, 10:47
يانفس أنا بزهمك يانفس لاهنتي = قودي بنات الشعر باسلوب لي قودي
باختار جزل المعاني كان ماخترتي = وبرخيلك عنان فكري وردي عدودي
عوايدك لامن تهيضت هيجنتي = وبحرك غزيرا ولاله عمق وحدودي
يانفس يانفس الشقي ليه كتمتي = هاتي من الشعر قبل تجيين بلحودي
أشتقت أنا للقصايد كان ماشتقتي = واليوم يومك وانا وياك موعودي
يانفس ماعنه صدد كان جنبتي = أسند علي القصيده ينطر أردودي
قولي لراشد علامه بيح الكبتي = لايجرح القلب بالأشعار ويزودي
ياما وياما تعبنا نظفي البشتي = لاشك بعض العرب يابن العم مقرودي
العود لامن خرب ياخوك ينزتي = والحنظله حنظله ماتنبت الفودي
مادمت أنا حي يابن العم مامتي= فنا عضيدك لاراحت بيضها سودي
محمد فهد الوافي
8th September 2005, 12:33
الأخ عبيد

صح لسانك ولسان الشاعر راشد شبيب ولاهنتوا

ردية جزله ووافيه

تقبل مني صادق الود والاحترام

اخوك محمد فهد الوافي
عبيد
10th September 2005, 12:01
صح بدنك
شهادة أعتز فيها من شاعر مثلك يابن وافي وشكرا علي المرور
أبو علي
11th September 2005, 00:54
صح لسانك ولسان الشاعر / راشد شبيب الزعبي

ولاهنت على كتابتها



تقبل فائق الشكر والتقدير
ابوهلا
11th September 2005, 21:20
صح لسان الجزل والمبدع راشد بن شبيب


وتوجيهه القصيده لك ياعبيد صايب لان ردك لايقل جزاله


تسنيد ورد رائع


صح لسانكم وقلوبكم وبوحكم



لاعدمناكم ولاعدمنا تواجدكم
ابو متعب
12th September 2005, 06:33
الأخ/ عبيد

صح لسانك ولسان الشاعر راشد شبيب ولاهنتوا

ردية جزله ووافيه


وتقبل تحيااااااااااااااااا ااااتي
الـصـريـح
17th September 2005, 04:52
صح لسانك ياعبيد ولايهون ابو مشاري 0 ومبدعين دائما 0 تقبل تحياتي
عبيد
17th September 2005, 22:46
صح بدنك

وشاكر لك المرور ووعدكم بالجديد

أخوك / عبيد
أبن شهلان
27th September 2005, 21:21
صح لسانك ولسان ابومشاري

عاد هاذا العم مانقدر نقول شيء

رديه قافيتها حلوه

شهادتي فيكم مجروحه بالتوفيق