شيطان يدخل المسجد ويقطع صلاة المسلمين!!

[راعي الصفرا]

السلام عليكم ورحمة الله وبركاته



هذه القصة حدثت

بينما المصلون في المسجد يستمعون لقراءة الإمام يتلو آيات من كتاب الله وقد اقشعرت

الجلود ودمعت العيون من خشية كلام الله

إذ بشيطان رجيم نسمع دويه وصياحه ولا نرى صورته


قد قطع تلك الآيات المباركات حينها


امتلأت قلوب المؤمنين حقداً وكمداً وغيضاً عليه



وقالوا بصوت تردده شفاههم وتنطق به قلوبهم ...

.

.

.

.

.

.

.

.

.

.

.

أخزاك الله وحاملك .

.

.

.

.


.


.





إنه جوال أحد المتساهلين بنغماته الصاخبة وقد أودعه صوت أغنية هابطة

ألا يخجل أولئك الذين لم يرعوا حرمة بيوت الله في أثناء أداء

أعظم فرائض الله وقد ارتفعت أصوات جوالاتهم بأصوات الشياطين يصدون عن ذكر الله

منقول



تقبلو تحياتي

[مــحمــد بن ثاقب]

جزاك الله خير على موضوعك الطيب ياراعي الصفرا0000000
وبخصوص الاجهزه النقاله (الموبايل ) تقوم وزاره الاوقاف مشكوره بوضع اجهزه قطع ارسال
لبعض المساجد القريبه من الاسواق وكذلك على حسب طلب رواد المسجد
وكذلك يوجد برنامج اسمه الخاشع يحول صامت مع دخول الاذآن
وعند بدايه دخولك للمسجد تجد بوسترات تنبهك بان تغلق الجهاز او تحوله صامت0000

واشكرك جزيل الشكر على طرح الموضوع

[ابوهلا]

مشاركه رائعه يانايف وتذكير مهم جدا


والله ادارة المساجد ماقصرت واهل الخير ما قصروا طبعوا بوسترات واعلانات عن ضرورة اغلاق الهاتف او وضعه علي الصامت والمساجد اللي فيها جهاز قطع السيرفس للهواتف قليله لاكن الملصقات بكل مكان ومدخل لكل مسجد



ومن اهم شروط الصلاة وصحتها الطمئنينه ورنات التيلفونات تشتت الطمئنينه وتقطع الخشوع خصوصا ان النغمات الجديده ماهي نغمات الا صارت اغاني



الله المستعان

[مبارك الزعبي]

الله يعطيك العافيه يا نايف


ذكرتني بسالفة صارت لرجال بالمسجد رن تلفونه وقت الصلاه واول ماخلصنا الصلاة ويتلفتون عليه الشيبان ويقوم واحد من الشيبان ويتكلم بصيغه غير مباشره يشخط فيه هذا ماهو برجال وعيب اللي يشغل تلفونه وهو يصلي ومسكين الرجال اول مره يصلي معنا بالمسجد مو من اهل المنطقه احس بخاطره يقول في ذمتي ماعاد اصلي عندكم :)))))




لكن الله يجزاهم خير الوزاره واهل الخير ركبوا اجهزه قطع الارسال او تعليق لوائح تذكير بأغلاق الهواتف


لاهنت ياراعي الصفرا

[ابو شبيب]

راعي الصفرا

بارك الرحمن فيك وبك
و جزئت كل خير يارب نقل وتذكير هادف

دمت بود مع آرق التحايا

ابو شبيب

[العبيدي]

لاحول ولا قوة الا بالله

فعلاً انها مصيبة الا يستطيع اغلاقه

لمدة لا تزيد عن عشر دقائق

جزاك الله خير يابو عثمان

والله ينفع بموضوعك هذا

تسلم

[حياز]

الله يجزاك خير ياراعي الصفرا

موضوعك طيب

أفاد الله به المسلمين

[أبو علي]

اللـــــــــــــــــ ـــــه يعــــــــــــــــــ طيك ألـــــــف عـــافـــــيه

على الموضوع الجيد والمختار يا راعي الصفرا

[][ عاليه الصيت ][]

الشي الغلط ان الواحد يحط
نغمته اغنيه احسه مالها داعي
والمفروض اذا بيروح المسجد
لاياخذ جواله معه يحطه بالبيت
ولا بالسياره..
الله يهدي الجميع..
يعطيك العافيه راعي الصفرا..

[راعي الصفرا]

بن ثاقب

ماعندنا غيرك بالاوقاف

اي واحد بيرن تلفونه بمسجدنا بجيك وبحط نكه رساله خاصه لك وبعلم عليه :×

حدي نذل :)

تحياتي

[راعي الصفرا]

ابو هلا

عمري ماخذيت تلفوني معاي للمسجد ولله الحمد

لأنه الشي من اساسه غلط

الصلاه تكون صله بين العبد وربه

الله المستعان

ولاهنت على الرد يابو عيون عسليه :)

[راعي الصفرا]

مبارك

هاهاهاهاها

شايب ولقاله واحد يشخطه

تعال رقعها عاد

فيه سالفه عن شايب نفس اللي صارت معاكم

بس راح احطها بعثمانيات الجزء الثالث

لاهنت على المرور

[راعي الصفرا]

ابو شبيب الغالي

وفيك بارك انشاء الله

لاهنت على المرور الكريم

تقبل تحياتي

[راعي الصفرا]

صدقت يالعبيدي

بس وين اللي يفقه هالامور

تسلم وجزاك الله خير

لاهنت على المرور

[راعي الصفرا]

حياز

الطيب وجهك الحلو :)

اهم شي وجود اسمك بالموضوع ياحلو :)

تقبل تحياتي

[راعي الصفرا]

ابو علي

ياهلا وغلا فيك والله

سلملي على صبيح بن سلطان

:)

ولاهنت على الرد

[راعي الصفرا]

الشي الغلط ان الواحد يحط
نغمته اغنيه احسه مالها داعي
والمفروض اذا بيروح المسجد
لاياخذ جواله معه يحطه بالبيت
ولا بالسياره..

-------------------------

يابنت الحلال لاتنفخين علي

ابشري لكم مني معاد يتعودونها

بس هدي اعصابج

:)

[أبو علي]

يا راعي الصفرا


وصل سلامك

[أبو العز السلمي]

وحدة ::: وحدة :: يا جماعة ...

أحيانا الواحد ينسى الجوال في جيبه ويدخل المسجد وهو ما هو قاصد ...

واللي عنده مكالمة مهمة ...

يعني في أعذار ..

مع اني تركت الجوال بالكلية من أجل هذه المشكلة وغيرها

[ابو فواز]

موضوع بالصميم والله ياراعي الصفرا وفعلا يجب الوعي بهذه الأمور ولا يجب الأستهزاء بها


بس اتعرف وين المشكله بالضبط؟؟؟؟

الحين صرت تقعد بالدوانيه ولا بأي مكان عام وتلقى ذاك الرجال الي قاعد بكل رزانه واحترام واتشوفه اتقول اسكت هذا يا أمير او شيخ وفجأة يدق تلفونه الا بونوره يقول لا لا لا تضايقونه الترف ؟؟؟ |9| كل هالحجم ولا لا لا تضايقونه والله مصيبه ؟؟ وغيرها من الاغاني انا مادري شنو المتعه بأن النغمه اتكون اغنيه ياأخي اذا طربان اطرب نفسك الحالك الناس ماهي مجبوره تسمع هالحركات الصبيانيه معاك في الأماكن العامه فما بالك اذا كنت في مسجد ؟؟ عسى الله يهدي من يقوم بهذه الحركات


الشكر موصول لكل من شارك بهذه الموضوع وأولهم صاحب الطرح اخوي العزيز راعي الصفرا

تقبل تحيتي


اخوك/ ابوفواز