اكتب اقوى موقف محرج او طريف مر عليك بحياتك

[راعي الصفرا]

السلام عليكم ورحمة الله وبركاته




لستة الاعضاء تقريبا وصلت 800 الا شي بسيط


ومانشوف الا 8 تقريبا يشاركون وماراح اغفر لأي شخص مايشارك :)

حاول تفضي نفسك خمس دقايق بس وتكتب اقوى موقف محرج او طريف صار معاك بحياتك.


للمره الثانيه , رجاءا لحد ينحرج , حاول تكتب موقف صار معاك

------

بالنسبه لي موقف ماراح انساه طول عمري

بسنة 94 رايحين بر النعيريه , انا ومجموعة شباب

ولما صار الوقت ليل راحو الربع يصيدون جرابيع

قالولي تعال معانا , قلت لهم انا تعبان وبنام , ( وانا مبيّت النيه وبخاطري شي ثاني )

المهم راحو الربع

رحت للسياره ولبست قناع وجه عجوز وشعر ابيض , القناع يروع , وجبت عبايه كانت معاي بالسياره ولبستها

مو لابس غير هاف نص اسود او تقدرون تسمونه ( ستريتج )


ورحت انطرهم

ولما شفت سيارتهم جايه , جيت عند شمعه ( شجره ) وانخشيت عندها قريب من الدبايه او ( السكه الرميله )

اول ماقربو واطلع لهم واوقف قدامهم

مااشوف الا بريك وراعي السياره ولع الليت العالي

واسمعهم يقولون جني؟؟ واللي يقول شيطان؟؟ واللي يقول هذي حديده بنت ماويه؟؟ ( اسم جنيه كانو يسولفون فيها اهل النعيريه)

انا اتسمع الاصوات والا الصوت مو صوت ربعي اللي انا اعرفهم

ماخذيت دقيقه الا اسمع واحد يقول ادعمها تكفى , والثاني يقول خلونا نرميها , واسمع صوت السياره داس على البانزين ووجه الموتر علي

اقول في خاطري ( ياليل الليل ) طحت بناس ثانيين

واحط رجلي ركض والددسن وراي مسرعه واركض والعبايه ترفرف وراي وسيقاني تقول سيقان حاشي جافل

مافكني منهم الا ضلع . او طعس , كله تغاريس ومرتفع قريب من السكه

واروح وراه وكل مااسمع صوت سيارتهم انخش بالجهه الثانيه

نص ساعه عشتها كلها رعب

لين راحو

والله اني بغيت ابكي جعل امحق موقف

وارجع أمشي للخيمه والاقي ربعي جاين على الطريق

تحسبون الخبل تاب عقب هالموقف؟؟

عاد في راسي نعره , رحت اركض بلحق عليهم عشان اروعهم , اركض جمب السياره محد شافني هاهاهاهاها
وتعدوني


بعدها جيتهم بالخيمه وقلتلهم السالفه

ماتو ضحك

نمت ذاك اليوم متكسر وماني بطيب


----------------------------

انا قلت هالموقف بس عشان محد ينحرج من اي موقف بيكتبه :)

تقبلو تحياتي

[حياز]

الله مايطق بعصا يانايف

لأن نيتك بطاله شوف ربي شسوى فيك :)

[راعي الصفرا]

حياز

روح ياشيخ منك لله

وهالمره بعديها لك لأنك عضو جديد

والا المفروض الزمك تكتب موقف صار بحياتك

:)


تقبل تحياتي

[ابوهلا]

حسبي الله علي ابليسك يانايف اما سالفتك سالفه


هههههههههههههههههههه


وبالنسبه للجنيه حديده بنت ماويه اللي في بر النعيريه تراها علي قول الرواه انها حقيقه فعلا


صراحه تبي الجد انا شفتها كذا مره ؟












































مافيه فرق بينك وبينها معذورين ربعك هههههههههههههههه




عموما المواقف والله واجد يالقرم والله اني ناسي


لاكن بقولك موقف هو اللي يحضرني حاليا


مره رحت بشتري ربيان من نوعيه اسمها شحامي وتعرف اخوك مايعرف الا الخريفات ماعنده خبره بالاسماك والربيان لو السالفه سالفة ربيان وبس مو مشكله بس المشكله النوع اسمه شحامي اطيب شي



المهم قلت انا ان بينت لهالعجم اني ما اعرف بينصبون علي


المهم ماطول عليك قبل لا ادخل المسمكه لقيت شايب كبير بالسن حاط رجل علي رجل ولابس نظارات شمسيه قلت هذا شكله راعي بحر وخبره بخليه يختارلي


قلت شلونك ياعم قال بخير

قلت ولاعليك امر ماتختارلي ربيان شحامي قال ايه افا عليك ودني له وانا بوك ومسكني اياه وانا اعلمك ان كان شحامي ولا لا






الشايب طلع عمى|8| ههههههه





ولاهنت يابو عثمان يافاكهة المنتدى






بعدين اللي مايشارك علمني عليه بس اشيل نجوم عضويته واحطله بدالهن مغطاة ببسي


.

[راعي الصفرا]

هاهاهاهاهاهاهاهاهاها هاهاهاهاهاهاهاهاهاها هاهاهاهاهاهاهاهاها

ابو هلا اعنبو دار عدوك وين جيت هالشايب العمى

لا وماعنده مانع بعد يقول ودني له وانا ابوك

اللي يشوفه يقول الحين من يدش من باب المسمكه بيحط رجله الربيان ركض منه

طلع بالاخير ماعنده ماعند جدي مصطفى :)

الله لايهينك يابو هلا

وتسلم على المشاركه

[حياز]

|272||272|اخوي راعي الصفرا أبلشتنا بموضوعك هذا لاكن بقولك مدام ابوهلا قالك


رحت عمره ويا أهلي ومن زود الايمان ولأني كنت أدور الطهاره الزايده

شريت وزار:)


أيه وزار أمحق وزار

وأنا ساكن في فندق مدخله ومخرجه سوق تعرفونه (هلتون مكه)

المهم لبسته:)0000000حسبي الله عليك يانايف فضحتنا


ورحت وصليت وعينت خير وأنا راد معاي أهلي

0000000000000(المشبا ك انكسر)00000000000000 00

أمحق سنه0000(لحضه بمسح العرق)حسبي الله عليك يانايف


وغز بطني وأنعوج( وخرب) ومن الحره قطيته


المهم سيئ الذكر الوزااااااار قعد يتدلى من تحت


ولحد يقولي أربطه ماتقدر زححححححححححححححححمه وحريم ومافيه زاويه ولاداعوس تاخذ راحتك


المهم العرق لحضتها شلالات (نياجرا) مدري شسمها اللي جاها ابو فواز الله يذكره بالخير

حسبي الله عليك يانايف

مسكته بيديني أقصد ماسك الدشداشه وهو من تحتها

وجيت عند (الأصنصيل)المصعد الكهربائي 00000ولا زحمه امت لاألاه الا الله

وأهلي ماشوف عيونهم من دموع الضحك

حسبي الله عليك يانايف

ركبت المصعد مستعجل أدز الناس

وركب معاي على حظي عايلتين غير أهلي

ومعاهم ولد مقرووووووووووووووووو وووووود

جداوي من السعوديه

وانا الدور 19 والمصعد بطيئ

وقعد ينشد أمه (ما ما أيش هاذا )

ويشر على أمحق لبسه الوزار وهي بصوت خفيف تقوله أششششششششش

وهو يعيد السؤال وأنا أخزه اطبخ من الخيسه والفشيله وماسك الوزار

وقام ملعون الخير يدوس الوزار ويتحرش فيني وأمه تسحبه لاكن ماقدرت عليه فضحني

وأسمع ضحك الحريم الاجناب بالمصعد شوي شوي ماتوا ضحك وانا مت خيسه ودبل كبدي الورع الله لايسامحه

ويوم وصلت الدور19 طلعت من المصعد كأني طالع من جهنم والعياذ بالله

ودشيت الغرفه وطحت على وجهي ثلاث ساعات مارفعت راسي فشيله مغير أقول ياو ياو يافضحي فضحاه يافضحي فضحاه

وبعدها قطعت الوزار تقطيع وقعدت اتصدد من الورع بالاسبوع اللي قعدته بالسوق والحرم وكانت قصه وفضيحه بجلاجل

وسامحونا على الاطاله

وحسبي الله عليك يانايف:)

[راعي الصفرا]

هاهاهاهاه حياز

لو اشوف هالولد راح اعطيه 500 ريال على اللي سواه :)

انت سويت مثل واحد من الربع بالسلّم المتحرك بسيتي سنتر بدبي اعتقد

طاح وزاره وخلاه وراه طايح ماالتفت من الفشيله والي وراه ميتين ضحك

هاهاهاهاها

لاهنت حياز على المشاركه

[راعي الصفرا]

وين باقي الأعضاء

ترى اللي مايشارك راح نسحب جنسيته ونعطيه تذكره لولاية قصوان

قد اعذر من انذر :)

[ابو تركي]

|3|



|3|




الاخ الغالي راعي الصفراء




هاهاهاههاهاهاهاهاه موقف لايحسد عليه



والله اللي ستر عليك


لاعااااااااااد اتعودها |119|




والاخ حياااااز


لو اصيد الولد اعيطه 1000 ريال



اضحك الله سنكم يالربع



******************** ****************
ودام تطرقتوا للمواقف المحرجه وفرضتوا علينا سحب الجنسيه استلموا هذا الموقف |8|


طبعا المواقف واجد بس هذا اللي جاء على البال


لما كنت في البحرين اول سنه لي رحت الى الجامعه الصبح وانا راد منها بنشر احد تواير السياره وصفطت لكي اصلح التاير ولما بطلت الدبه لم اجد العده موجوده وقعدت نص ساعه وانا ادور واتعرفون البحرين مايحتاج رطوبتها على كيف كيفكم|8|



وقفت سياره عندي وفيها بنتين قالت الي اتسوق (عيندوك كنكس)

وارد عليها بسرعه مطلقه I don"t speak english

وقعدوا يضحكون ضحك سنه بيوم فردت مره اخرى علي التي تسوق السياره وقالت انا اقول طبعا كررت الجمله بالبطيء (عندك كلينكس)


وهنا الصاعقه ومن الربكه سكت وعطوني كلينكس وسفن طبعا عادي انا قبلت كل شي بدون شعور واشروا على بيتهم اذا احتجت لأي خدمه وانا لم اتكلم حرف واحد وهم محركين والضحكات اسمعها


طبعا البحرين على صغرها ولكن كل منطقه من مناطقها ولها لهجتها الخاصه وانا كان إلمامي خفيف بلهجتهم وهذا اللي سبب لي هذا الاحراج وكذلك سؤالها غريب عند كلينكس؟؟؟ الظاهر كسرت خاطرها بالرطوبه





تقبلوا تحياتي واحترامي
اخوكم ابو تركي

[راعي الصفرا]

هاهاهاهاهاهاهاهاهاها ابو تركي


انت سويت مثل اللي يتمشى بمجمع السيف بالبحرين

وداس طرف عباية بنت بحرينيه وقال (pardon) بالعربي يعني العفو او المعذره

قالت بردون!! تلحف :)

وانت ماشاء الله على طول كسرت فيهم

تحياتي يابو تركي وتعيش وتاكل غيرها :)

[حياز]

لاهنت يابوتركي

مع انك شمتان فينا


وبالنسبه لمواقفك الطريفه

لاتخاف انا أعرفلك عشر مواقف

انت تذكر واذا ماقدرت اتذكر

قولي وانا اساعدك

اقول

ماشي يالحبيب

[فهد بن سالم]

اضحك الله سنكم يالربع على المواقف الطريفة

راعي الصفرا فكك الله والحمد لله على سلامتك لكن لاتعودها

ربيان شحامي والدليل عمى لاوالله الا دليت يابو هلا

واللا ذا المقرود اللي ماصدق يلقى حياز في وضع محرج

ابو تركي اهم شي بعد الموقف عطوك كلينيكس

لي عوده إن شاء الله ياراعي الصفرا

بروح ابحث عن موقف

شكرا لك على الموضوع المميز

[مــحمــد بن ثاقب]

موضوعك حلوووووووووو مره ياراعي الصفرا


(( مره قمت من النوم متاخر على الدوام وطبعا التحضير بالدوام بصمه< vip مو الاوقاف > المهم طلعت من البيت وركبت السياره بشغلها مالقيت السلف شوي هم مالقيت السكان <المقود >
&
&
&
&
&
&
&
&
طلعت قاعد بالكشن الي ورا السايق) هههههههههههههههههههه هههههه في العجله الندامه

[راعي الصفرا]

الاخ الغالي فهد بن سالم

نورتنا بوجودك

وعسى دوم هالضحكه للجميع

تقبل تحياتي

[راعي الصفرا]

حياز

هات مافي جعبتك لحبيبك ابو تركي :)

تقبل تحياتي

[راعي الصفرا]

هههههههههههههههههههه ههههه

بن ثاقب

ضابط بالداخليه يسولف علينا يقول كانو مسوين نقطة تفتيش

ومر عليهم شايب اشتبهو فيه انه سكران

قالوله انزل افتح شنطة السياره ( الدبه )

قعد يصايح عليهم يبي يبعد الشبهه عن نفسه يقول : ادري تحسبوني سكران او شارب شي وتبون افتح الشنطه وعلى بالكم بتلقون فيها شي؟

المهم الضابط يقول نبيه ينزل ونبي نشوف شلون يمشي, اذا مضبوط او لا , لأنه اذا مامشى اكيد ماراح يضبط نفسه واهو يسوق

يقول نزل الرجال ويمشي عدل ويكلمنا واهو زعلان

وبعد ماردينا له دفتر السياره وتأسفنا منه راح وركب بالكشن اللي ورا

وفتح الدريشه وقال تبون شي؟؟

ساعتها درو ان الشايب مو مضبوط :)

عاد انت الله يهداك احرص لاتسوي سالفتك عند نقطة تفتيش :×

[عبدالعزيز]

لا لا لا لازم انشارك ويا هالجمعه الطيبه

والله يا بو عثمان ولا يهونون الربع المواقف واجد بس بذكر لكم موقف فعلاً احرجني


اذكر مره كنت رايح بطلع هدومي من المغسله ونزلت اخذ هدومي 4 دشاديش و3 غتر وشماغ

اخذت هدومي وحطيتهم بسياره ومشيت

وانا امشي بسياره الا جنبي سياره فيها بنتين وياهم ولد صغير بسيارتهم جنبي

والتفت على النيه وطالعهم الا البنات يضحكون

قلت اشفيهم يضحكون :confused:

اخوكم طنش وكمل بطريقه الا السياره نفسها تقرب مني ويضحكون ويأشرون على سيارتي


اخوكم عدل القعده :D


رقلن فيني الله لا يبارك فيهن يأشرون على سيارتي ليش ؟؟؟؟؟


وقفنا عند الأشاره الا بنات حواء وقفن جنبي وفتحن الدريشه :D

طبعاً فتحت الدريشه

قلت : نعم اختي في شي ؟ (( طبعاً كلي ثقه بنفس ))

قالت : لا سلامتك بس موبايلك وبوكك فوق السياره

قلت نعم ؟؟؟ !!!!!! |12|


قالت وقف على يمين الشارع وشوف شنو فوق سيارتك والبنات يضحكون !!!!!!!!!!!!!


افتحت الأشاره وقف على اليمين ونزلت


الا اخوكم من الزحمه حاط بوكه وموبايله فوق السياره علشان يحط الهدوم بسياره ويمشي بشارع بكل ثقه


وطبعاً بكل ثقه اخذت البوك والموبايل ورديت البيت :D


واتمنى اني ما اشوف هالبنات طول عمري




***

[عبدالعزيز]

هههههههههههههه
ابوهلا
بعدين اللي مايشارك علمني عليه بس اشيل نجوم عضويته واحطله بدالهن مغطاة ببسي


قاعد اتخيل نك العميد وتحته 2 بيبسي 1 سفن ههههههههه

.

[راعي الصفرا]

ههههههههه عبد العزيز

ليتهم بايقين التلفون عشان تكره المصبغه بكبرها :)


خوش موقف صراحه


تسلم على المشاركه

تحياتي