قصيده للشاعر عبدالله بن راشد ال رمضان قبل وفاته

[راعي الصفرا]

السلام عليكم ورحمة الله وبركاته



حبيت انقل لكم هذه القصيده للشاعر عبدالله بن راشد ال رمضان الزعبي ( رحمه الله )

كان في مستشفى الدمام وكان عنده ولده فهد

وقال هذه الابيات معبرا عما في خاطره

قال:




لا والله اللي يافهد قصّر الشوف = رحت الطبيب وقال مالك علاجي

سنك كبير وعندك الحال منحوف = والعمر ينقص مثل وصف السراجي

خذيت في دنياك طوف(ن) ورى طوف = والموت...ماللعبد منه ملاجي



فرد عليه ابنه فهد بهذه الابيأت


قال:



يابوي لاتشكي وانا حي وأشوف = خطيت لي حرفك وزاد انزعاجي

لاتستمع هرجه من انسان ملقوف = جعل العمى دكتور علمه لجاجي

يومه وصف ماسنّع الوصف بوصوف = أنت السراج اللي مسنّع مداجي

وأنت الذي طيبك على الناس معروف = فيك افتخر وأزيد فيك ابتهاجي

ونا عضيدك لأصبح الهم مردوف = لا وردن حمر المنايا الهماجي

جعلك بعد من قفل ابوابه الخوف = من واجب الضيفان يبغى الخراجي

تفداك عيني لاقصر عندك الشوف = ويفداك عمري ان عودت للسراجي



وسلامتكم



تقبلو تحياتي

[حياز]

اله لايهينك ياراعي الصفرا والله يرحم ابو خالد وصحيح اللي خلف ما مات

[راعي الصفرا]

عز الله صاج ياحياز

اللي خلف مامات

الله يرحم اموات جميع المسلمين

لاهنت ياحياز على الرد

تقبل تحياتي

[الوزير]

انا مع الجماعه اللي خلف فعلا ما مات والله اني توي ادري ان فهد شاعر ولا بعد خطيييييييير وابياته ومعانيه قوية

[راعي الصفرا]

الوزير

هذا الشبل من ذاك الأسد

وفهد يكتب من زمان بس ماكان يقول لأي شخص

لاهنت يالوزير على المرور

تقبل تحياتي

[علي بن مديبغ]

لا هنت يا ابو عثمان


وسبحان من جمع ذ الدواهي عند بعضهم


الله يرحم الشايب


ويطول بعمر ولده



وتحياتي....

[ابو فواز]

الله لايهينك يابوعثمان على نقل هذه التوجد من الأب وذاك الفداء من الأبن

الله يرحم الشاعر عبدالله بن راشد ال رمضان الزعبي

ونتمنى طولة العمر لأبنه الشاعر فهد



لك جزيل الشكر يا دينمو المنتدى




اخوك / ابوفواز - اوتاوا

[راعي الصفرا]

ابو غنيم

يامرحبا والله فيك

وعاش من شافك يالافدع :)

وسلم على الاخوان وخصوصا فهد

تقبل تحياتي

[راعي الصفرا]

ابو فواز

يقول الشاعر المتنبي : تراني حنيتك يالجهراوي لأني اكبر منك :)

تسلم على المرور

وتقبل تحياتي :)

[مبارك الزعبي]

الله يرحم الشاعر عبدالله بن راشد

شاعر لا استطيع ان اوصف قصائده بسهوله.. الله يرحمه


صح لسان ابنه فهد وبيض الله وجهه واطال في عمره..



لاهنت ياراعي الصفرا على انتقاء المواضيع الممتازه ... وعلى ماقال ابو فواز يا دينمو المنتدى ولابالربع قصور ((( ماشالله ))

ذكرت الله لاتقول ماقلت :))))))


تحياتي لك يالذيب

[راعي الصفرا]

ابو فالح

مامداني ادش المنتدى والا اشوف نفسي زلقت عند الباب

يكفينا شر عيونكم انت وابو فواز

بروح منتديات مكه بدور موضوع فيه ماي زمزم وبسرقه منهم وبحطه عندي :)

هاهاهاهاهاهاهاه

لاهنت على المرور يابو فالح وامانه سلم على ابو طلال ( شنار )

تقبل تحياتي

[ابوهلا]

رحم الله الشاعر عبدالله بن راشد ال رمضان الزعبي رحمة واسعه وادخله فسيح جناته


قصيده مؤثره

ورد جزل


رحم الله الاب وصح الله لسان الابن

[راعي الصفرا]

صح بدنك يابو هلا

وجزاك الله خير على الدعوه الطيبه

وعسى الله يرحم جميع اموات المسلمين

تسلم على المرور وبيض الله وجهك ومن يقرا

[العبيدي]

راع الصفرا

المتميز

الف شكر على نقل هذه المساجله المؤثره

ورحم الله من مات واطال الله في عمر الحي

ولاهنت يابو عثمان

[ابو تركي]

راعي الصفراء



صبحك الله بالخير



انت دائما مبدع في طرحك ومواضيعك



والله يرحم الشاعر الكبير عبدالله بن راشد


وصح الله لسااانه ولسان ابنه الشاعر فهد


كم هي مؤثر القصيديتين


وبارك الله لك مره اخرى يابو عثمان
وبيض الله وجهك



تقبل تحيات اخوك
ابو تركي

[راعي الصفرا]

اخوي العبيدي

صبحك الله بالخير

ولاهان من قال

وصح بدنك وجزاك الله خير على دعائك

تقبل تحياتي

[راعي الصفرا]

يالله حي ابو تركي

شلونك انشاءالله طيب

وشلون ربعك كلهم يالامير

صح بدنك وبيض الله وجهك

وتسلملي على هالمرور



تقبل تحياتي يابو تركي

[محمد فهد الوافي]

راعي الصفرا

الله يرحمه ويرحم اموات المسلمين

لاهنت طال عمرك على النقل

تقبل مني صادق الود والاحترام

اخوك

محمد فهد الوافي

[راعي الصفرا]

يامرحبا يابو فهد

صح بدنك ولاهنت يابن وافي على المشاركه

تقبل تحياتي