المساعد الشخصي الرقمي

مشاهدة النسخة كاملة : عثمانيات 1

راعي الصفرا
14th August 2005, 15:05
السلام عليكم ورحمة الله وبركاته

اولا اخترت اسم عثمانيات كسلسله للطرائف التي سوف تستمر انشاء الله بشكل اسبوعي

وليوفقنا الله بما نختار :)



من طرائـف الشيبـان

جدي الله يرحمه وديناه لحديقة الحيوانات معانا , ولما رجعنا سأله واحد من الجماعه وين رحتو اليوم؟

قال العيال ودوني مكان زين

قاله الشايب : وين؟؟

قال جدي : اذا ماخاب ضني امريكا :)

------------


عجوز عسى الله يرحمها كنت مسير عليها في أواخر عمرها

سلمت عليها وقعدت عند راسها وقالت: ياولدي وش لي عندك؟؟ قلت ابشري بسعدك

قالت: اطرد الهنديه تكفا وانا امك!!!

قلت ليه؟؟ عسى ماشر؟

قالت الملعونه تسرق نعول البزران وتبيعها!!

حطيت ايدي على جبهتها والا حرارتها فل

ماقدرت امسك نفسي مت من الضحك

وين طرت عليها الهنديه

يالله حسن الخاتمه حنا شبنسوي تالي عمرنا :)
][ عاليه الصيت ][
15th August 2005, 05:01
هههههههههههههههههههه ههههههههههههههههه

هههههههههههههههههههه هههههههههههههههه

هههههههههههههههههههه هههههههههههههههههههه

يعطيك العاااااافيه عالطرائف الحلوووووووووووووووو ه

تكفى كثر من هالسوالف احبهااا مررررررررررررهـ..
فهد بن سالم
15th August 2005, 05:48
أضحك الله سنك يا ابو عثمان

الله يعطيك العافية
مــحمــد بن ثاقب
15th August 2005, 07:57
حلوووووووووووووو ياراعي الصفرا
كل شي منك فيه لمسااااااااات ابداعيه
واختيارك لعثمانيا ت احــــــــــــــلـى
أبن شهلان
15th August 2005, 08:49
هههههههههههههههههههه ههههههه

حسبي الله على شيطانك من وين تجيب هالسوالف في المكتب وميت من الضحك

اجل الهنديه عندها محل نعول

مبدع دايما ياراعي الصفرا
راعي الصفرا
15th August 2005, 10:16
بنت البر

كل التقدير والاحترام على الردود الطيبه

تقبلي تحياتي
راعي الصفرا
15th August 2005, 10:18
فهد بن سالم

مشكور على الرد

تقبل تحياتي
راعي الصفرا
15th August 2005, 10:21
ابو دغيم

وينك يالقاطع ماقمت اشوفك

على قولة الشاعر المتنبئ : فينه!! حبيبي فينه!! قلبي الله يعينه.. على الهوى وطول البعاد

لك وحشه والله يابن ثاقب وتسلملي على الردود

تقبل تحياتي
راعي الصفرا
15th August 2005, 10:23
ابن شهلان

ماموتني من الضحك الا شلون طرت عليها سالفة سرقة النعول وبيعتهم؟؟

ودها تلفق تهمه وماعرفت شتقول

اخر شي بتقول الهنديه تغازلها

هاهاهاهاهاها

تحياتي يابن شهلان
أبو علي
15th August 2005, 15:52
هههههههههههههههههههه هههههههههههههههههههه هه

الله يعطيك العافيه يا راعــــــــــــي الصفـــــــــــــرا
ابوهلا
15th August 2005, 16:34
والله عليك ابتكارات يانايف رائعه حلوه عثمانيات الاسم هذا صار ماركه


والاروع الطرايف الله يونسك قل امين





لاعدمناك
الكويت
15th August 2005, 17:53
الله يهديك يا نايف على هالعنوان انا قلت الحين راعي الصفرا راح يسرد تاريخ الدوله العثمانيه من البدايه الى سقوطها


عنوان جميل يحمل اسم عم عزيز علينا الله يفك عوقه



اما سالفة العجوز الضاهر ان الهنديه غابنتها والعجيز لا حول ولا قوه ما عندها الا السانها الله يرحمها ويغفرلها


لك جزيل الشكر وخير الجزاء على رسم الأبتسامه على جميع الأعضاء وانا منهم


لا هنت يا بو عثمان وناطرين الحلقه الثانيه
راعي الصفرا
15th August 2005, 20:08
ابو علي

يامرحبا والله يالامير

الله يعافيك وتسلم على المشاركه الطيبه

تقبل تحياتي
راعي الصفرا
15th August 2005, 20:12
ياهلا يابو هلا

يقول الشاعر ابو زيد الهلالي

ان لم تكن في كل الأمور ذا عزيمة(ن) - فما عندك اليوم ماعند جدتي

والعزيمه موجوده والطرائف مستمره

اهم شي اشوف ضرسك الذهبي اذا ضحكت :)

لاهنت على الرد يابو هلا

وتقبل تحياتي
راعي الصفرا
15th August 2005, 20:16
هاهاهاهاه الكويت

مساك الله بالخير طال عمرك

على هالعنوان مالي الا حدا الثنتين

الحلقه الاخيره ياانسجن او يعطوني جائزة نوبل :)

لاهنت على الرد وتقبل تحياتي
حياز
15th August 2005, 21:18
نايف ان مات احد من الجماعه تراه بذمتك ///وبالنسبه لاسم عثمانيات ضحكت عليه وبكيت عليه بنفس الوقت لانه يذكرنا بشي مضى وزل من احلى ايام العمر
الوزير
15th August 2005, 21:22
راعي الصفرا شلونك الله يعطيك العافيه وانتم معروفين بالطرافة من زمان


اخوك الوزير راعي صياح سابقا
راعي الصفرا
15th August 2005, 22:27
حيّاز

يامرحبا الف والله يالأمير

لا تحط احد في ذمتي

انا مبلغ كل الاعضاء لحد يقرى كلامي وهو مكثر من العشا

واللي مايسمع الكلام ذنبه على جنبه :)

لاهنت على المشاركه ياحيّاز

واتمنى من كل شخص يقرى الموضوع ان يدعي لعثمان بحسن الخاتمه والغفران

تقبل تحياتي
راعي الصفرا
15th August 2005, 22:31
الوزير

مساك الله بالخير طال عمرك

يامرحبا والله ومسهلا فيك

والف نعم والله فيك والساعه المباركه

تسلم على الرد ولاهنت

تقبل تحياتي
مبارك الزعبي
16th August 2005, 06:17
هههههههههههههههههههه ههه


انا من قريت العنوان طرت علي سوالف راعي الصفرا عسى الله يفكه من عوقه

العنوان سالفه بروحه من غير السوالف




لاهنت ياراعي الصفرا وأدام الله عليك البسمه
راعي الصفرا
16th August 2005, 14:11
ابو فالح

يامرحبا والله بالغايب الحاضر

غايب عن عيونا وحاضر بقلوبنا والله

بعد فتره اي واحد بيدور بموقع قوقل عن تاريخ الدوله العثمانيه راح يطلعله هالموضوع بوجهه

وبيشوف تاريخ هالدوله مع هالشايب وهالعجوز وبعدها بيتوب ماستخدم قوقل :)

تسلم على الرد ولاهنت يابو فالح

تقبل تحياتي
عبدالعزيز
19th August 2005, 21:18
مسكينه العجيز الله يرحمها المفروض منك اخوي نايف انك تشتري لها شوزن واتقولها لاشفتيها تسرق ارميها

افرحك الله مثل ما افرحتنا يانايف بهالسوالف الطيبه من اخو طيب


ننتظر الحلقــــــــــ 2 ــــه


لا اطول علينا يا بوعثمان


***
ابو فواز
21st August 2005, 02:44
هههههههههههههههههههه هههههههه والله اني مت من الضحك على سالفة امريكا , بس اخاف انه صاج ياولد احنا ماعندنا حديقة حيوانات مثل العالم|257| ,


اوووووووه صح صح صح في وحده

لا وبعد حاطينها بوسط المنطقه علشان لانحاش الأسد اهل العميريه يقبون كلهم |91|


اضحكتنا والله بهالفكره الجميله والي جت على اسم عمنا عسى الله يفك عوقه انشالله , ولو اني سويت بحث بالياهو عن محمد الفاتح مؤسس الدوله العثمانيه بس تفاجأت ؟؟؟اول صفحه اطلعتلي كانت العجوز والخدامه سراقة النعل:D



تقبل تحيتي يابوعثمان
راعي الصفرا
21st August 2005, 10:15
ابو فواز

مره ثانيه اذا تبي تسوي بحث لا تحط محمد الفاتح

اكتب العجوز ويطلعلك العنوان :)

تحياتي :)