أبو علي
14th August 2005, 08:14
السلام عليكم ورحمة الله وبركاته
أنقل لكم هذه المحاوره الجميله بين الشاعر أحمد الناصر و الشاعر عوض المطيري
وأترككم معها
.................... .................... ....................
أحمـد:
على الأصحاب والاجناب والمراد متعـدي
سلام مانقص بالسوق مكيالـه وميزانـه
ياراع الموتر الرزريز هدي سرعتك هدي
من البطاج محظورٍ على قيـرة وسكانـه
عوض
مع الأصحاب والأقراب وأخذ المد والردي
ألا يامرحبا ترحيب وافـي كيـل ميزانـه
وراع الموتر الرزريز ياخذ علم ويـودي
مايعط العلم لين يبين منكـم رد برهانـه
أحمـد:
على كشف السراير ياعرب ودي ولا ودي
أخاف أسر عدوانه وتزهد فيـه جيرانـه
يدورني عوض لكن إلى من شافني صدي
يجيب الفاضية وأقول عند الناس مليانـه
عوض
أنا ماني ولد عمك ولا أنتـه ولـد جـدي
إلى منك كشفت العلم تلقا نمر وإخوانـه
ترى بدك على عصر الصحابه مايجي بدي
أنا جدي على المهرة وجدك وسط دكانـه
أحمد:
أنا من خلقة الله لي ترى محـدٍ وطـا حـدي
ولاني مثل من خانه عصب ساقـه وذرعانـه
أنا ماهمني لو جا معك خمسة عشـر ضـدي
تحزّم ياعوض كلٍ يبـي يشتـان فـي شانـه
عوض:
أنا والله ما أذمك مير ماتصبر علـى الشـدي
رجالٍ في المجالس مير ما أنتم نـاس فتانـه
إلى خلصتني في القـاف متعشـي ومتغـدي
ماجاكم غير أنا ونجازي المحسن على احسانه
أحمد:
أنا ما كيف إلا كـان جـا عايـل ومتحـدي
ولا أخشى كود من ربي عظيم الشان سبحانه
غريق البير في الجيلان كـل ايديـه تشتـدي
ولاينفع غريق البيـر مسكـة طـي جيلانـه
عوض:
منولٍ أول تنطـح يـا كـود اليـوم متـردي
إلى منك كتبت الخـط بيـن كتـب عنوانـه
أطب البير وأطلع مير خـل الحبـل يشتـدي
أطب البير وأشرب يوم كبد الذيـب ظميانـه
أحمد:
شمر ثوبك شمـر ماهـو كمـا ثوبـي علـى قـدي
هـروج مالهـا معنـى تضـيـع ولالـهـا خـانـه
أنـا مانيـب أقـول إنـك عـن الاسـلام مـرتـدي
وأبـو غليـون تكـره حبتـه مـن ريـح دخـانـه
عوض:
أنا ثوبي شمر من يوم شفت ضعيف المدي
ضعيف المد في كل الدير ينعاف سكانه
أنا مـن خلقتـي فـي جاهـل الشيـاب مـا ألـدي
إلى منه بكى الحبه يحب إفمـي شيبانـه
أحمد:
ترى المعسـر مـن الميسـر يبـا ياخـذ ولا يـدي
وأنـا أعـذره بعـد فتشـت مخبـاتـه ودزدانــه
نزلتـي يـا قبيلـة ميـر شـدي وإرحلـي شــدي
قبـل يـوم يبـا ينسـى بـه الـرجـال ورعـانـه
عوض:
يقولون العرب قصر بليا ساس ينهدي
أعز البيت يا أحمد قبل تختل سيسانه
أعـرف العنبـر المختـوم وأعـرف عليـه النـدي
وأنا ماضاق بالي لو بعض الناس زعلانه
أنقل لكم هذه المحاوره الجميله بين الشاعر أحمد الناصر و الشاعر عوض المطيري
وأترككم معها
.................... .................... ....................
أحمـد:
على الأصحاب والاجناب والمراد متعـدي
سلام مانقص بالسوق مكيالـه وميزانـه
ياراع الموتر الرزريز هدي سرعتك هدي
من البطاج محظورٍ على قيـرة وسكانـه
عوض
مع الأصحاب والأقراب وأخذ المد والردي
ألا يامرحبا ترحيب وافـي كيـل ميزانـه
وراع الموتر الرزريز ياخذ علم ويـودي
مايعط العلم لين يبين منكـم رد برهانـه
أحمـد:
على كشف السراير ياعرب ودي ولا ودي
أخاف أسر عدوانه وتزهد فيـه جيرانـه
يدورني عوض لكن إلى من شافني صدي
يجيب الفاضية وأقول عند الناس مليانـه
عوض
أنا ماني ولد عمك ولا أنتـه ولـد جـدي
إلى منك كشفت العلم تلقا نمر وإخوانـه
ترى بدك على عصر الصحابه مايجي بدي
أنا جدي على المهرة وجدك وسط دكانـه
أحمد:
أنا من خلقة الله لي ترى محـدٍ وطـا حـدي
ولاني مثل من خانه عصب ساقـه وذرعانـه
أنا ماهمني لو جا معك خمسة عشـر ضـدي
تحزّم ياعوض كلٍ يبـي يشتـان فـي شانـه
عوض:
أنا والله ما أذمك مير ماتصبر علـى الشـدي
رجالٍ في المجالس مير ما أنتم نـاس فتانـه
إلى خلصتني في القـاف متعشـي ومتغـدي
ماجاكم غير أنا ونجازي المحسن على احسانه
أحمد:
أنا ما كيف إلا كـان جـا عايـل ومتحـدي
ولا أخشى كود من ربي عظيم الشان سبحانه
غريق البير في الجيلان كـل ايديـه تشتـدي
ولاينفع غريق البيـر مسكـة طـي جيلانـه
عوض:
منولٍ أول تنطـح يـا كـود اليـوم متـردي
إلى منك كتبت الخـط بيـن كتـب عنوانـه
أطب البير وأطلع مير خـل الحبـل يشتـدي
أطب البير وأشرب يوم كبد الذيـب ظميانـه
أحمد:
شمر ثوبك شمـر ماهـو كمـا ثوبـي علـى قـدي
هـروج مالهـا معنـى تضـيـع ولالـهـا خـانـه
أنـا مانيـب أقـول إنـك عـن الاسـلام مـرتـدي
وأبـو غليـون تكـره حبتـه مـن ريـح دخـانـه
عوض:
أنا ثوبي شمر من يوم شفت ضعيف المدي
ضعيف المد في كل الدير ينعاف سكانه
أنا مـن خلقتـي فـي جاهـل الشيـاب مـا ألـدي
إلى منه بكى الحبه يحب إفمـي شيبانـه
أحمد:
ترى المعسـر مـن الميسـر يبـا ياخـذ ولا يـدي
وأنـا أعـذره بعـد فتشـت مخبـاتـه ودزدانــه
نزلتـي يـا قبيلـة ميـر شـدي وإرحلـي شــدي
قبـل يـوم يبـا ينسـى بـه الـرجـال ورعـانـه
عوض:
يقولون العرب قصر بليا ساس ينهدي
أعز البيت يا أحمد قبل تختل سيسانه
أعـرف العنبـر المختـوم وأعـرف عليـه النـدي
وأنا ماضاق بالي لو بعض الناس زعلانه