الى كل الاعضاء الرجاء المشاركه

[راعي الصفرا]

بسم الله الرحمن الرحيم




السلام عليكم ورحمة الله وبركاته



كل واحد يعدل قعدته وينزل غترته وعقاله ويشارك بالموضوع احسلكم


كل عضو يكتب ليش اختار اسمه بالمنتدى وأولكم المشرفين

واللي يقرى هالموضوع الرجاء المشاركه



واللي يشوف هالموضوع ومايشارك راح تكون عليه غرامه ماليه وقدرها 500 دينار وحجز نكه لمدة 3 شهور بسكراب المنتدى


السؤال : ليش اخترت النكنيم او اللقب اللي انت تستعمله؟


الرجاء الاجابه

[ابن عسكر]

عزالله موضوع طيب ياراعي الصفرا

بس المفروض انت اول واحد ياراعي الموضوع تجاوب :)

ماعليه انا بجاوب لاني اول واحد رديت على الموضوع



ابن عسكر 000000000 لاني زعبي من العسكر


تحياتي لكم جميعا

[راعي الصفرا]

ابن عسكر ياهلا وغلا والله

وتسلم على الرد والمشاركه

انا راح اخلي مشاركتي اخر شي

بس اول شي بنجرب الاعضاء

[أبو العز السلمي]

هاهاهاهاها !! والله الحقيقة ما كان عندي نية أقول أسراري ولكن 500 دينار وسجن هذه اللي خوفتني !!

لكن ما قولت دينار سوداني ولا ليبي !!


سبب اختياري هذه الكنية ( ابو العز السلمي ) لآنها كنيت أحد أجدادي في القرن الخامس الهجري وعرف أبنائه بهذه الكنية حتى الآن .

وشكرا على الموضوع الطيب

[راعي الصفرا]

هاهاهاها ابو العز ياحياك الله ياعزيزي

والنعم فيك وبأجدادك ياابن العم

تسلملي على المرور الكريم والمشاركه

بالنسبه لي انا حطيت اسم (راعي الصفرا) لانها كنيه للوالد عسى الله ان يشفيه ويغفرله

لقب راعي الصفرا - على حسب ماورد بكتب التاريخ السياسي بالدوله العثمانيه ان هذا الرجل كانت عنده ناقه يحبها حب لايوصف

وكان يرعى بها في احد ولايات امريكا الجنوبيه على حدود منطقة ( قصوان ) وقيل (الحسي)

وبعد ان ماتت هذه الناقه لايستطيع هذا الرجل الا ان يشيل قشه ويعود ادراجه الى موطنه الاصلي وهي الكويت

:))))))))))))))))))) ))))))))))))))))))

الحلقه القادمه سوف اكمل لكم مغامرات هذا الرجل مع ناقته

[أبن شهلان]

ياراعي الصفرا انا مايحتاج اقولك ليه اخترت النك نيم

لان جدي كان مع ابوك في جنوب امريكا

وانا تعبت حالي زينت القعده وشريت غتره جديده والاخير عشان النك نيم

حسبي الله على شيطانك

راعي الصفرا ماشالله عليك مجتهد ونشيط في المنتدي في كل المجالس تشارك بصراحه تستحق تكون احد المشرفين على الموقع
لانك بصراحه مهتم في الموقع وكذللك معطي الموقع من وقتك الكثير

لاعدمناك يالغالي

[مــحمــد بن ثاقب]

500 دينار اي مايعادل (2000 يورو قصواني ) ياراعي الصفرا غرامتك غاليه حيل0000بن ثاقب يبين من التوقيع

[العميد]

السلام عليكم


اخواني اعضاء المنتدي


موضوع طيب جيد وتشكر عليه

اما بالنسبة لنكِِ وهو " للعميد " و الله اعلم اني اكبر سن في هذا المنتدي ، لانه لم شاركت في المنتدي اول مره كان نكِ " ابن زيد "

[راعي الصفرا]

هلا وغلا ابن شهلان

وين هالغيبه ؟

تراني فاقدك والله

وبالنسبه لأبن شهلان معروف مايحتاج تعريف

وكما قال شاعر بني عبس ( عنتر ) : الله الله على الجد , والجد الله الله عليه :))

تسلم على المشاركه وكلامك الطيب

[راعي الصفرا]

بن ثاقب

حياك الله يابو دغيم

والغرامه مافيها مجال راح اعطي باقي الاعضاء 24 ساعه عشان يشاركون والا راح ابلغ لجنة التفتيش الدولي عن اسلحة الدمار الشامل واقولهم مشرفين المنتدى عندهم عمليات تخصيب يورانيوم
وتعال عاد خلهم يفكون اعمارهم

اعرف واحد من الربع عريف زام يداوم بالبيت الابيض على الاحوال وراح يظبطني بهالسالفه :))))))))))))))))))) )))))

تحياتي لك يابو دغيم

[راعي الصفرا]

العميد

ياهلا وغلا والله فيك وبمشاركتك

كبير بقدرك عندنا انشاء الله

وشرفتني بالمشاركه عسى عمرك يطول ومن يقرى

[فهد بن سالم]

الاخ الحبيب راعي الصفرا اللي ماتت في قصوان عوض الله عليكم

مادام شاعر بني عبس ( عنتر ) قال : الله الله على الجد , والجد الله الله عليه

فابشر

انا استخدم نك باسمي الحقيقي فهد بن سالم

عسى عمرك يطول ياملح المنتدى

[راعي الصفرا]

هاهاهاهاهاهاهاهاهاها هاهاهاهاهاهاهاهاهاها هاها

ابن سالم والله اني ادور مشاركتك

حي ذا لعين من خوينا

نكك اشوفه (غير متصل)

وكل شوي تطلع برد ومااشوف نكك متصل

مافيه الا اني اخذ اخر حرف من نكك واوديه لمشعوذ عشان يبطل مفعول هالحركه

مجننتني هالحركه من زمان

يامرحبا والله يابن سالم



تقبل تحياتي

[ابوهلا]

مشاركه جميله يانايف


وبالنسبه لأسمي ابوهلا


لاني من المحاربين القداما بالمنتدى وكان معاي فرسان الطاوله المستديره


فهد بن سالم وابوفهد والعميد وابو تركي وابو شبيب


فأخترت اسم ترحيبي اهلي بهم فيه واقولهم ياهلا فيهم وفيكم



يعني اخترته عشانه اسم ترحيبي فقط لاغير




لاعدمناك ودي اقولك مثل ماقال ابو سالم ياملح المنتدى بس الملح يجيب الضغط ودي اقول ياسكر المنتدى السكري ادهي وامر

تدري شلون فاكهة المنتدى مع انك اشهب بس يالله مو مشكله

.

[راعي الصفرا]

ادري انك تغار من لوني البرونزي وغمازاتي المقرونه بأبتسامتي اللوتسيه يابو هلا
:))))))

والنعم والله فيك وبكل قدامى المحاربين وكل اللي ذكرتهم


تسلم والله يابو هلا على هالمشاركه الطيبه اللي اعتدناها منك