قصائد الرثاء في فقيد الامه

[العبيدي]

بسم الله الرحمن الرحيم

يسر منتديات زعب ممثلة في جميع اعضاءها ان ترفع اسمى التعازي الى مقام خادم الحرمين الشريفين الملك عبدالله بن عبدالعزيز وسمو ولى عهد الامير سلطان بن عبدالعزيز والى الاسره المالكه الكريمه والى الشعب السعودي الوفي والى شعوب الخليج عامة وشعوب الوطن العربي والاسلامي
في وفاة فقيد الامه خادم الحرمين الشريفين الملك فهد بن عبدالعزيز رحمه الله رحمة واسعه واسكنه فسيح جناته


كما يسرنا ان نضع امامكم هذه المشاركة وهي عبارة عن قصائد في رثاء ونعي خادم الحرمين الشريفين الملك فهد بن عبدالعزيز رحمه الله رحمة واسعه

كما نتمنى من جميع الاخوان نقل كل مايرونه مناسباً من قصائد الرثاء في المغفور له باذن الله والاشارة الى قائلها
حفظاً للحقوق
وستكون جميع المشاركات تحت هذا الموضوع


اولى هذه المشاركات


الله مما اصابنا يوم الاثنين = من فقد قائدنا وحامي حمانا
يومن نودع به حبيب الملايين=يحسن عزى الاسلام فيه وعزانا
القائد اللي ثبت العدل والدين=لين اعتلى بين الامم مستوانا
عشنا تحت حكمه كرام عزيزين=كرّس جهوده كلها في رضانا

عبدالله عتقان السلمي

[العبيدي]

شداد الملك والراي والسديد وحكمة التفكير=ميادين السياسة والرياسة واحترام الجار

مآذن مكة وطيبة ونجد وخشعة التكبير=وشعبٍ لا تضايق ما لقى الا في عيونك دار

هل القدس وضحايا البوسنة والوقفة اللي غير=مع الإسلام وشعوبٍ تعيش الظلم غبن وعار

بكوا مما دهاهم من فراق العطف والتقدير=بكوا فهد العروبة والعروبة ركنها منهار

بعد فقد الكبير اللي بوقفاته يبين الخير=فهدنا رمزنا حاكم بلدنا شيخنا المغوار

فهد .. ويطيح دمع وكسرنا ما شاف له تجبير=فهد ... وقلوبنا ما عاد فيها الا لهيب النار

فهد ... وايامنا من دون شوفه منتهى التعزير=فهد ... وحروفنا تبكي ونبكي كلنا بــ اصرار

فهد ... وجروحنا عيت تطيب ولا لها تفسير=سوى انه راح بدواها وخلانا صغار كبار

فهدنا .. يا فهدنا .. يا فهدنا .. عذرنا التعبير=عجز يلقى كلام يليق بك مع زحمة الأشعار

زايد الرويس

[العبيدي]

رحمه على روح السعوديــه وقلبك يافهــد=لف الحزن دارك ياابن عبدالعزيز آآل السعـود

الموت يختارك ! وفــزّت من مصيبتنـا بلـد =ضاقـت شوارعنا .. بكت .. من الحدود الى الحـدود

نفس الوجـع .. نفس الشهر .. تاريخ أسوَد ماركـد=ذيـك السنـه غزوْ الكويت وهذي بموتــك تعــود !

ياخادم البيتيــن موتـك ماترك فينا احــد=صبـح الفـجـيعـه ينطفـي ويسود في عين الوجـود

اللي حكـى عن سيرتــك واللي انقهر واللي شهــد=واللي حبس حزنــه ودمعه طاح من فوق الخـــدود

لو بــوصــف التاريخ واكتب في تفاصيلك وأعــد =ماتوفــي حروف القوافي .. لا حسبناها تـــزود!

ياحافـظ القرآآآن عن كــف الأعــادي والحســد=ياحامي الأسـلام من طـيش المنافق والحقــود

عــز الشريعــه في يديــن الارض وعيون البلــد =واطهـر بـلادك في ذرا حكم الجزيره للأســود

ياخـادم ( البيت الحرم ) اسلامنا واحد احـد=نمضـي على عهــد النبــي .. والحكم بيدين السعود

المـوت ماخـــلاّ عزيز ولا كريم ولاسنـــــد=هـذي هي الدنيا صفـت لجل الفقير و للحسود

لوغبـت عنــّا مارحل طيــبك ولاعــزّك ابــد=منبع اصالتنــا ربا باحضـان ارضـك و الجـدود

رحمـــه على قلب السعوديــه وروووحك يافهــد=عــم الحزن دارك ياابن عبدالعزيز آآل السعـود خلود البراري

[الكويت]

هذا الترتيب الجميل ان رأينا بأن الأخ العبيدي ورائه لا نستغرب لأنها عادته يزيد الجمال جمال

وصح السان جميع الشعار والشاعره في رثاء ملك الحكمه خادم الحرمين الشريفين ( رحمه الله )


ولكن هناك طلب بسيط بأن الخلفيات تسبب صعوبه قليلاً علي انا شخصياً بالقراءه ونتمنى تغييرها لأن قطرات الندى تسسب عائق


ولكم الرأي في ذلك


وشكراً لك

[راعي الصفرا]

اخي العبيدي

السلام عليكم ورحمة الله وبركاته

فكره ورأي سديد وهذا اقل مايمكن ان نفعله تجاه شخص ملك قلوب المسلمين رحمة الله عليه

وفقك الله وبارك الله فيك

[العبيدي]

فاضت دموع الرياض وهز حزن طويق طوله=وامتلا صدر القصايد حزن من حزن الجزيره

من يلوم الشعر لويعلن من الصدمه ذهولـه=من يرد شعوب لاتبكـي وحسرتهـا كبيـره

الخبر ماهو بسيط وفى وجيه النـاس هولـه=والفجيعه فى فقيد المملكه فـى كـل ديـره

عظّم اله اجرنا واجر الجموع الي بكـوا لـه=واجبر الله كسرنا والا الفهد موتـه كسيـره

خادم البيتين مهما قيـل ماتحصـى فعولـه=سيرته مامثلها فى صفحة التاريـخ سيـره

الزعامه والكرامـه والشهامـه والرجولـه=والقيـاده والـريـاده والاراده والبصـيـره

رجل علم ورجل سلم ورجل حلم ورجل دوله=كلن قوّه كان ابوّه كان عون وكـان جيـره

كان عقل وكان ثقل وكـان فعـل لمايقولـه=كان عزم وكان حزم وداعي الخير وبشيـره

كان قلبه ساحة امجاد وطموحـات وبطولـه=كانت ايدينه مثل غيثٍ روينـا مـن غديـره

كان حول الشعب كله كان كل الشعب حولـه=ياكثر من كان ينعـم ماحـدٍ يعلـم بخيـره

منجزات ومكرمات وتنميه فـى كـل جولـه=كانت دروبه ربيـع وكانـت ايامـه سفيـره

حكّم القران شرع ومنهجـه سنـة رسولـه=وامة الاسلام فى كـل المواقـف تستشيـره

يثبت ايمانه حنانـه والبساطـه والسهولـه=كان فخر وكان ذخر وكانت افضالـه كثيـره

يالله انك تستجيب دعا العباد الي دعـو لـه=ويالله انك من عذاب القبر واهوالـه تجيـره

ويالله انّا طالبينك فى رضـاك وفـى قبولـه=ودم علينا امنك وايمانك وفضلـك والستيـره

والولاء والسمع والطاعه على الدين واصوله=للملوك الي على نهجه يقـودون المسيـره

مطر الروقي

[ابو شبيب]

العبيدي

إستاذ الحرف والإحساس الصادق
في بادىء الأمر اشكر روحك الطاهره وقلبك الأطيب
أجدك أخي دائماً سباق لهذه البوادر الكريمه
أرى وألتمس سمو الإحساس قبل علو الحرف
أجد الصدق والروعه
أجد الأخلاص والتفاني لـ هذا المنتدى
كلي سرور لإنتماء أمثالك لمنتدانا
مع كل المنى لرقيك للمعالى
ودعنى أساهم بقصيده للأمير بدر بن عبدالمحسن


يا راحلٍ عنا ومازلت موجود=والله ما تسفي أثرك السوافي
لو ما فقدنا قبلك أعمام وجدود=قلنا جرحنا البعد يا شيخ كافي
أنا حزين الروح والطرف مسهود = لا عارفٍ سقمي ولاني متعافي
يا لله يا محيي ورق يابس العود = ويعالمٍ ما كان في النفس خافي
تجبر عزانا في فهد منهل الجود = أبو الجميع اللي له الشعب وافي
العاهل اللي له على الشاهق بنود = واللي عمر وديانها والفيافي
لا ثارت الأحداث وقف كما الطود = وتصير بأمر اللي كتبها عوافي
لو القوافي دمع واوراقي خدود = ما كان جفت في رثاه القوافي
ولو الليالي البيض ما تعقب السود = ما كان لجروح الملمات شافي
لي ديرةٍ في البذل ما تعرف حدود = دار عليها المجد راحل ولافي

[ابوهلا]

فكره رائعه من شخص لانستغرب ابدا منه الابداع


رثائيات في خادم الحرمين الشريفين الملك فهد بن عبدالعزيز ال سعود نسئل الله له الرحمه والمغفره



الف شكر يا ابراهيم علي هذه المشاركه والفكره الرائده وعلي كل ماتبذله في اثراء الموقع


ولي عوده بمساهمه في هذا المشروع الطيب


.

[حمد السلمي]

الله يرحم الملك فهد وجعل مثواه الجنه ملك عظيم لاتنساه الناس 00 شكرا يا العبيدي على هاي المشاركه الجميله وصح لسان الشعراء والشاعرات ولك جزيل الشكر 00 وخذ الراي بصراحه انت اكثر واحد يمتعنا في هذا المنتدى دون اقصور في الاعضاء والمراقبين و المشرفين 00 بيض الله وجهك على ماتقوم به من جهد 00

فالك طيب اخوي 00

[العبيدي]

كسا نجد العذيه حزن ماجاها من سنين =وغمرها الدمع في فرقا ولد من رد عزتها

رحل فهد العروبه باني الدولة ذرا البيتين =رحل يا نجد من حبك وحب أرضك وريحتها

وحب الدين والمصحف وشرع الله عمود الدين =وأمر بطباعة المصحف وداره قاد نهضتها

بناها واحتواها في وسط قلبه ووسط العين =بذل جوده ومجهوده على داره ورفعتها

رفع قدر السعودية مع الادنين والاقصين =رفع قدر السعودية باسم دولة وهيبتها

رحمك الله يا شيخ ما جانا منه كود الزين =عسى مثواك ياشيخ الشيوخ بوسط جنتها

وحنا في وطنا ما نطاوع زمرةٍ غاوين =حكمنا هو كتاب الله شريعتنا وسنتها

حكمنا العود وعياله على درب السلف ماشين =سعود وفيصل وخالد.. فهد كمَّل مسيرتها

وسلمها لعبدالله وحنا للملك وافين =جنود ترخص الأرواح للديره وقادتها

أبو متعب مساكنك القلوب ومسكنك بالعين =وحتى الدار وأهل الدار تعلن لك ببيعتها

وأبو خالد ولي العهد بايعناك بك راضين =قلوب الشعب لك يا سيدي تعلن مودتها

عساكم يا سلاطين العروبة تمهلون سنين =على شان العروبة تكتمل باقي معزتها

هذا وابعث عزاي لعصبتي واعمامي الباقين =لو ان العين ما كفت على الخدين دمعتها

بكتك المملكة يا أغلى فهد والعرب مجموعين =وعسى الله يجبر الخطَّر عقب كبرت مصيبتها

وبكتك الرمل والايتام يا راعي الوفا باكين =وبكتك الديرة اللي جارها يسلب كرامتها

شهادة للسعودية وأهلها بأول التسعين =شهامتك أنت وسياستك لاهل الدار جابتها

تعزويت وفعلت الفعله اللي بادت الغازين =ولولا حكمتك تبطي الكويت وهي بنكبتها

وعسى ربي يديم لنا الرخا باخوانك الحيين =أبو متعب وأبو خالد حمى الديره وساستها

سلالة مروي الاجرب من رقاب الذي طاغين =رووس ما صغت للحق يا ماحلى حجامتها

هل العوجاء طويلين اليماني نصرة المسكين =وأسود الغاب تتبعها على السيرة شبالتها

اقوله واطلب المولى على بلوى الزمان يعين =شيوخ كفكفت بايمانها همَّال عبرتها


سعود بن نهار بن سعود بن عبدالعزيز

[ابو شبيب]

وين القصيد اللي بحجم المصيبه =تقنع به أصحاب المدارك والالباب
وينقل عن الخفّاق بعض الذي به =من لوعةٍ لو هي بصم الصفا ذاب
الخطب ليلٍ طمّ.. وين أبتدي به =كيف آصف شعورالقرابه والاجناب
الموت حالٍ كلنا ننتهي به =مقدّره ربي بتوقيت وأسباب
مير الذي خّلا القصايد صعيبه =كبر الغلا للي عن أنظارنا غاب
مات الفهد.. يا خالقه يا حسيبه =يسِّر له حسابٍ.. ويمِّن له كتاب
يوم إن كلٍّ تظهر الصحف غيبه =والحشر يفضح مشهده كل مرتاب
عسى بهاك اليوم عفوك نصيبه =بينه وبين النار غفرانك حجاب
حيثه خدم باخلاص مكه وطيبه =وبحماه كل المملكه فالها طاب
ولا رضي للأمتين بغليبه =فتح لعزتها بمجهوده أبواب
فهد العرب.. ما خاب من ينتخي به =ظله ظليل.. وظن راجيه ما خاب
له بالسنين الماضيه والقريبه =مواقفٍ تحسب على غيره صعاب
يزيد بالشدّه جلالٍ وهيبه =وليا تنهّض يندحر كل حرّاب
هو يلتجي بك.. والعرب تلتجي به =ليا طالت العلّه.. وضاعنّ الأطباب
يالله عن عدله وطيبه تثيبه =إكفه عذاب القبر يا رب الأرباب
عسى ملايكه الرضا تحتفي به=بأمرك ومن جنّتك له ينفتح باب
وأسألك يا متفرّد بعلم غيبه =تجلى بعز حضورنا حزن غيّاب
عسى الخلف نهج السلف يهتدي به =ويدوم عز الدار في ظل الأقطاب
أقطاب عدلٍ مجدهم نعتزي به =عيال أبو تركي عريبين الأنساب
ويعيش من صادق ولانا حظي به =وعبّر عن شعوره لنا باول خطاب
مشاعره ما هي علينا غريبه =شيخٍ شهر بالطيب من يوم هوشاب
عبدالله اللي كلنا نقتدي به =للشرّ منّاعٍ.. وللخير جلاّب
تشهد صعيبات المواقف بطيبه =من كثرها ما احصي لها عد وحساب
وولي عهده بالعزوم الصليبه =شال الامانه ما تردد ولا هاب
ثاقب نظر.. وبعيد عن كل ريبه =يرقا لنيل الطايله كل مرقاب
عن جود أبو خالد والأريا المصيبه =والحكمه اللي فيه تحمد.. وتنهاب
لو أتحدّث يالعقول اللبيبه =أحتاج كتبٍ ما تحدَّد وكتّاب
حبلي مدي والقاف قرَّب مشيبه =عن باقي علومٍ تطول بها الارقاب
صدى فعول أهل الفعول العجيبه =صفوة ملوك العُرب وافين الاحساب
لكن عنوان الخطاب اكتفي به =القاف شاب.. وجزل معناي ما شاب

الحميدي الحربي

[ابو تركي]

الاخ الغالي العبيدي فكره طيبه وبارك الله فيك


والملك فهد رحمة الله عليه



كان رمز للعروبه ومسند للضعيف والمحتاج وعزا للاسلام






وتسلم على نقل هذه القصائد

ويسلم ابو شبيب كذلك



وصح الله لسان الشعراء




تقبلوا تحيات اخوكم
ابو تركي

[العبيدي]

لمن يتدفَّق النَّغَمُ؟

وماذا يكتب القَلَمُ ؟!

ومَنْ ترثي قصائدُنا؟

وكيف يُصوَّر الألمُ؟

إذا كان الأسى لَهَباً

فقُلْ لي: كيف أبتسمُ؟

وقُلْ لي: كيف يحملني

إلى آفاقه الحُلُمُ؟

إذا كانتْ مَوَاجعُنا

كمثل النَّارِ تضطرمُ

فقُلْ لي: كيف أُطْفِئُها

فقُلْ لي: كيف أُطْفِئُها

وموجُ الحزن يَلْتِطم؟!

أَعامَ الحُزْنِ، قد كَثُرَتْ

علينا هذه الثُّلَمُ

كأنَّك قد وعَدْتَ المَوْت

وعداً ليس ينفصمُ

فأنتَ تَفي بوعدكَ،

وهوَ يمضي ـ مسرعاً ـ بِهِمُ

ألستَ ترى رِكَاب الموتِ

بالأَحباب تنصرمُ؟!

ألستَ ترى حصونَ القوم

ـ رَأْيَ العينِ ـ تنهدم؟

نودِّع ها هنا عَلَماً

ويرحل من هنا عَلَمُ

جهابذةُ الرجال مضوا

فدمعُ العين ينسجم

مضوا ـ وجميعُ مَنْ وردوا

مناهلَ خيرهم ـ وَجَموا

تكاد الآلةُ الحًدْبَاءُ، والأَقدام تزدحِم

تطير بهم إلى الأعلى

وبالجوزاءِ تلتحمُ

أكادُ أقول: إنَّ الشِّعرَ،

لم يَسْلَمْ له نَغَمُ

وإنَّ عقاربَ الساعاتِ

لم يُحْسَبْ لها رقمُ

تشابهتِ البدايةُ والنهايةُ

واختفتْ "إرَمُ"

ونفَّــذ سَدُّ مَأْرِبَ كلَّ

ما نادى به "العَرِمُ"

هوى نجمُ الحديثِ كما

هوتْ من قبله قِمَمُ

وكم رجلٍ تموتُ بموتهِ

الأَجيــالُ والأُمَــــــــــمُ

أفهدٌ ... خادم الحرمين...

دَرْبُــكَ قَصْــدُه أَمَـــمُ

رفعتَ لــواءَ أمتنا

ولم تَقْصُرْ بك الهِمَمُ

قَضَيْتَ العمرَ في عملٍ

بـه الأَوقــاتُ تُغْــتَـنَـمُ

خَدَمْتَ البيت بيت الله

لـم تسأمْ كمـن سئمـــوا

غَنِمْتَ بما اتجهْتَ له

ويا لمفاز من غنموا

ومَنْ جعل العُلا هَدفاً

فلن ينتابَه السَّأَمُ

أفهدٌ... قد بكت منا

قلوبٌ كلها ألمُ

بكتْكَ الأرض والأيام

أخفــتْ بَـــدْرَها الظُّـــلَمُ

بكاكَ المسجدُ القُدْسيُّ

والمدَنيُّ، والحَرَمُ

خَدَمْتَ ضيوف بيت الله

يا طُوبى لمن خَدَموا

رحلْتَ رحيلَ مَنْ أخذوا

من الأمجادِ واقتسموا

حزنَّا، كيف لم نحزنْ

وشِرْيانُ القلوبِ دَمُ؟

ولكنَّا برغم الحزنِ

لم يشطحْ بنا الكَلِمُ

نعبِّر عن مَواجعنا

وبالإسلام نلتزمُ


عبدالرحمن العشماوي

[أبو علي]

اللـــــه يــعــطــيــك الـــعــافـــيــه

يـــا العبيدي على القصائد الرثائيه

والله يرحم الملك فهد



ولاااااااااااااااااا اااااهنت



تقبل فائق الشكر والتقدير

[العبيدي]

القلـب يحـزن والدمـوع تسيـل=والعيـن تسهـر والغيـاب طويـل
الفاجعـه قضـت مفاجـع جنوبنـا=الهـم يكـبـر والـفـؤاد علـيـل
حـوادث الدنيـا كفـا الله شرهـا=يصبح بها الحمـل الخفيـف ثقيـل
علم ضحى الاثنين بالحيـل راعنـا=روعة خليـل مـن فـراق خليـل
نهارنا شمسه خبـت فـي غيومهـا=نصف النهـار وكنهـا فـي ليـل
غيبه فهد عنـا مصـاب مصيبنـا=عسى النساء عقب الغريـب تحيـل
يـارب ترحمنـا وتلطـف بحالنـا=ماعـاد فينـا غيـر حيلـك حيـل
بالصبر والسلـوان يـارب مدنـا=اجعل لنـا علـى رضـاك سبيـل
تجبرعزانـا فـي ملكنـا زعيمنـا=عسـاه بجنـان النعـيـم نـزيـل
مرحوم يامن راح تشعـب ركايبـه=بدار الفنـا عقـب المقـام رحيـل
نذكر مواقف من ثبت فـي مواقفـه=رجـل الهـدى للضايعيـن دليـل
نعـد ونضيـع حصايـل مناقبـه=ونجيب من فيـض الكثيـر قليـل
مآثـره تبقلـى ونلقـا ظلالـهـا=في القيظ عن لفـح السمـوم مقيـل
رجل البنا رجل الثنا فـي زعامتـه=زعامـه فيهـا عـطـاه جـزيـل
من ربع قرن وقايد العرب مرتكـي=للنايـبـات وللحـمـول يشـيـل
شيال حمال اللـي تثنـت قوايمـه=بارك ومن مـس الشـداد هزيـل
للواجبـات منفـذ عـن سـواعـده=سيف على حسـم الامـر صقيـل
غيث على الممحل غيور على الوطن=ماعال وان عـال الخصيـم يعيـل
موت ليا زمجر حيـاه ليـا ابتسـم=يسـف بافـواه الـعـداه ملـيـل
يوم اعتداء الغاشم وحـول بجارتـه=قال انت يـا هـذا الغشيـم هبيـل
هي جارتي واقف على الرجل دونها=وانـا لهـا بعـد الوكيـل وكيـل
رد الحقوق وصبها فـي مسارهـا=فعل الاصيل من الجـدود اصيـل
قال انعمي ياكويت بالمن واعمـري=وانـا وراك ومـن غـزاك ذليـل
نادا باهل لبنـان والحـرب دايـره=حرب جنـوا منهـا دمـار وويـل
جمـع طوايفهـم وحـدد قرارهـم=للصلـح بالطايـف ولادة جـيـل
في قبه الصخره وللقـدس فزعتـه=يوم اختفـاء دون العميـل عميـل
ماغض عن محنه فلسطين ناظـره=يجمع لهم رجـل السـلام حصيـل
وفي البوسنه والهرسك احكم سياسته=عن خوفهـا جـاب الامـان بديـل
آمن محارمهـا وحصـن حدودهـا=للمعضـلات المقـبـلات قبـيـل
قبيلهـا وان كشـرت لـه بنابهـا=يضحك لها ضحك الاسـد بالحيـل
ليث مخضرم مارس الجوع والرخا=ملـك ولا لـه فالملـوك مثـيـل
عمـران مكـه والمدينـه شواهـده=تفنـى الليالـي والجليـل جلـيـل
بطباعه المصحف كبـار وهايبـه=يمنـى كريـم ولا يميـن بخـيـل
ورد لنا الماء صافي مـن منابعـه=عذب مثل نقع الصفـا مـن سيـل
كان العلـم للعلـم هـذي معالمـه=حـراب نـوم وللعلـوم صمـيـل
انشاء المدارس والفهارس فراستـه=فارس زمان ومـن خيـار رعيـل
يالله ياسامع دعـا رافـع الدعـاء=تفـرش ترابـه زعفـران وهيـل
يسقيـه مـن نـو الثريـا همايلـه=وينبت عليه مـن الزهـور اكليـل
ترحم فهد وتعوضه عـن جمايلـه=وترد لاصحـاب الجميـل جميـل
ترك غثا الدنيـا وفـارق همومهـا=وخلا من اغـلا المترفـات حليـل
وللعز يا اللي عضتنا فـي فقيدنـا=ياللي لـك التاريـخ يصنـع قيـل
انت العزا ياعزانـا فـي عزيزنـا=تحيا لنـا ياللـي لاخـوك زميـل
زاملت اخوك بسيرته في مسيرتـه=مسيـرة عنهـا الضعيـف يميـل
انبايعـك ونجـدد البيـع والــولا=بيعـة رجـال وللعهـود كفـيـل
كفيلنـا الله يـوم نعطـي عهودنـا=لـك يابطـل ياشهـم ياحلحـيـل
والبيع ماهو بيعـة البيـع والشـرا=بيعة ملـك ماهـو بـوزن وكيـل
نعم السلف نعم الخلف عـن سليفنـا=واصـل وطبـق محكـم التنزيـل
حنا وراك نواصل السيـر والسـرا=جديك شمـال وبالجنـوب سهيـل
قايد ومن قدته على الخيـر خيرتـه=يارد علـى خيـرك مـوارد نيـل
فيك الاخـوه والمـروه طبيعتـك=واصل الطبيعه من طبـوع نبيـل
سليل مجد مسلسـل مـن سلالتـه=هذا العظيـم مـن العظـام سليـل
راي ليا دبر شجـاع ليـا اعتـزا=صـارم يبـرد للكـبـود غلـيـل
حزم ليا صمـم عـزوم ليـا نـوا=مـن لاذبـه يرقـد وراه دخـيـل
عدل ليا حاكم عطـوف ليـا عفـا=ظله ليـا انكـف الظـلال ظليـل
ومبايعـه سلطـان للعهـد واجبـه=ولـي عهـد وللنـظـام كمـيـل
سلطان خيـر وضايفـات شمايلـه=مضفي على ستـر الديـار شليـل
عضيد عبدالله ليـا هاجـت العـدا=اصهل ونعرات الحصـان صهيـل
برعايـة الله ثابـروا فـي كيانكـم=ياذخر من يخلـي سـروج الخيـل
نعم الموحد ما سهـا عـن رعيتـه=يهذل علـى خيـل الفـلاح هذيـل
ياراية التوحيـد عيشـي ورفرفـي=الاصـل ثابـت والفـروع نخيـل
هذا وانا للارض والشعـب منتمـي=ورثي ومن ذاك الفصيـل فصيـل
فصايل قامت على الدين والشـرف=سـرجِِِِ لحومـات الظـلام تزيـل
قامت شريعتها وسـادت شعوبهـا=رغم على اهـل الكيـد والتضليـل


خلف بن هذال العتيبي