راعي الصفرا
31st July 2005, 04:07
السلام عليكم ورحمة الله وبركاته
رديه بين الشاعر فهد بن عبدالله بن راشد ال رمضان
وخالد بن فهد بن سلامه ال رمضان
واتمنى تحوز على اعجاب الكل
يقول فهد:
قم يانديبي لا تقهويت واضحيت = واترك طويل الدرب واقضب قصيره
وعناية الرحمن لامنك اضويت = دار الصباح ميسرين العسيره
ود السلام مصفف بيت مع بيت = لأبو فهد خالد ولاهو بــ غيره
ودنق على خشمه وحبه ليا جيت = وقله ترى الأشواق عندي كبيره
البارحه ماطاب نومي ولا امسيت = ماغير اقلب بالفكر واستديره
ان جيت ابمدح ذايع الطيب والصيت = اكبر معاني الشعر تصبح صغيره
وسميت بأسم اللي خلقني وخطيت = هرج يطنه خاطري في ضميره
مضمونه ان ذكرك ليا مر فزيت = لأنه يبددلي الظلام وينيره
فعلك ينومسني ليامن تحاكيت = وطيبك يعطرني شذاه وعبيره
لا ياولد عم السعد ويش خليت = ياحر من ماكر احرار الجزيره
ابوك حلال الصعيبات صنتيت = سيف تقص ابه الرقاب الحقيره
انا أشهد اني صادق يوم ظنيت = بأنه ملك للعز والا أميره
قلته وانا مالي منى لو تمنيت = غير السلام ومعذره عن قصيره
وسلامتكم
رد خالد بن فهد بن سلامه
يقول:
لاهنت ياللي في طريقك تعنيت = غالي وانا اعدك سلاح وذخيره
اقلط هلا يامرحبا وان تقهويت = ابيك من ديره تسافر لديره
ابيك في لازم ولا تطفي الليت = موترك لا تطفي مراويح سيره
عبه من الممتاز ثم بدل الزيت = وافحص هوى الموتر ومايه وقيره
واطلع على خط الملك وان تعليت = خله على الدرب الجنوبي مسيره
واضغط على البنزين مادام سميت = الله معاك وجعل دربك سفيره
لأديار اخو نوره عذاب العفاريت = اللي تهز بها السيوف الشطيره
رد السلام وقول مليون حييت = ياشاعر(ن) جاب البيوت الغزيره
فهد وريث العود لا ماتعديت = انكانها بالطيب والا الأخيره
خط لفانا منك مثل الدناميت = نتايجه وسط المحاني كثيره
وشلون انام الليل من بعده ازريت = قعدت افكر والتخاذل جريره
افزع على شانك ليا من تعزويت = اجيك انا واكفيك كل العشيره
هذا كلام الحي وان كانني ميت = الله عذر وارجو العذر والستيره
وسلامتكم
صح لسان الشاعر فهد بن عبدالله بن راشد والشاعر خالد بن فهد بن سلامه
تحياتي لكم
رديه بين الشاعر فهد بن عبدالله بن راشد ال رمضان
وخالد بن فهد بن سلامه ال رمضان
واتمنى تحوز على اعجاب الكل
يقول فهد:
قم يانديبي لا تقهويت واضحيت = واترك طويل الدرب واقضب قصيره
وعناية الرحمن لامنك اضويت = دار الصباح ميسرين العسيره
ود السلام مصفف بيت مع بيت = لأبو فهد خالد ولاهو بــ غيره
ودنق على خشمه وحبه ليا جيت = وقله ترى الأشواق عندي كبيره
البارحه ماطاب نومي ولا امسيت = ماغير اقلب بالفكر واستديره
ان جيت ابمدح ذايع الطيب والصيت = اكبر معاني الشعر تصبح صغيره
وسميت بأسم اللي خلقني وخطيت = هرج يطنه خاطري في ضميره
مضمونه ان ذكرك ليا مر فزيت = لأنه يبددلي الظلام وينيره
فعلك ينومسني ليامن تحاكيت = وطيبك يعطرني شذاه وعبيره
لا ياولد عم السعد ويش خليت = ياحر من ماكر احرار الجزيره
ابوك حلال الصعيبات صنتيت = سيف تقص ابه الرقاب الحقيره
انا أشهد اني صادق يوم ظنيت = بأنه ملك للعز والا أميره
قلته وانا مالي منى لو تمنيت = غير السلام ومعذره عن قصيره
وسلامتكم
رد خالد بن فهد بن سلامه
يقول:
لاهنت ياللي في طريقك تعنيت = غالي وانا اعدك سلاح وذخيره
اقلط هلا يامرحبا وان تقهويت = ابيك من ديره تسافر لديره
ابيك في لازم ولا تطفي الليت = موترك لا تطفي مراويح سيره
عبه من الممتاز ثم بدل الزيت = وافحص هوى الموتر ومايه وقيره
واطلع على خط الملك وان تعليت = خله على الدرب الجنوبي مسيره
واضغط على البنزين مادام سميت = الله معاك وجعل دربك سفيره
لأديار اخو نوره عذاب العفاريت = اللي تهز بها السيوف الشطيره
رد السلام وقول مليون حييت = ياشاعر(ن) جاب البيوت الغزيره
فهد وريث العود لا ماتعديت = انكانها بالطيب والا الأخيره
خط لفانا منك مثل الدناميت = نتايجه وسط المحاني كثيره
وشلون انام الليل من بعده ازريت = قعدت افكر والتخاذل جريره
افزع على شانك ليا من تعزويت = اجيك انا واكفيك كل العشيره
هذا كلام الحي وان كانني ميت = الله عذر وارجو العذر والستيره
وسلامتكم
صح لسان الشاعر فهد بن عبدالله بن راشد والشاعر خالد بن فهد بن سلامه
تحياتي لكم