المساعد الشخصي الرقمي

مشاهدة النسخة كاملة : ليته تعذرلي

راعي الصفرا
26th July 2005, 21:36
السلام عليكم ورحمة الله وبركاته
حبيت انقل لكم قصيده من اخوكم محمد فهد بن سلامه الزعبي
على امل ان تحوز على اعجاب الموجودين

ليته تعذرلي وانا اقول معذور = ولو الخطا طاغي على كل الأعذار
المشكله يخطي ولا همه شعور = ناس (ن) يحبونه على كثر ماصار
مغرور في زينه وبالوقت مغرور = مايدري ان الوقت تاليه غدار
واليا طلبته حق بيلف ويدور = جبار طبعه بالهوى حيل جبار
مجبور في حبه ولاصرت مجبور = لابد أسامح زلته طافي النارصح لسانك يابوفهد
تحياتي لكم
ابوهلا
27th July 2005, 00:38
حي الطاري ابو فهد


صح لسانه ابيات رائعه




ولاهنت ياراعى الصفرى
أبن شهلان
27th July 2005, 13:52
لاهنت ابوعثمان

وصح لسان الشاعر محمد
مبارك الزعبي
27th July 2005, 15:06
صح الله لسان محمد بن فهد



ابيات رائعه




لاهنت يا راعي الصفرى على النقل
xbader
27th July 2005, 18:09
لاهنت ياراعى الصفرى
راعي الصفرا
27th July 2005, 22:49
ولا هان من قال
وتسلمون على المرور وبيض الله وجيهكم ومن يقرى
أبو العز السلمي
29th July 2005, 03:02
ابداع + ابداع = عظمة !

احسنت نبي شي من شعرك يا راعي الصفرى

ولا تقول ماعندي

المكتوب باين من جدّك الشاعر
راعي الصفرا
29th July 2005, 04:04
بارك الله فيكم على المرور وتسلمون
ولا لكم مني الا طيبة الخاطر
راعي الصفرا
29th July 2005, 21:32
السلام عليكم ورحمة الله وبركاته
حبيت انقل لكم ردي على قصيدة ولد عمي محمد بن فهد بن سلامه
اقول فيها

ماجور ياجرح ابيض الوجه ماجور = مصيرك بتبرا ولو صار ماصار
يشكي مصابك فالبشر شخص منعور = زود عليه من الوجع طافي النار
لاياولد عمي عسى منت مقهور = ان مارخصلك عمر ترخصلك اعمار
هذا الهوى ماعاش به قلب مسرور = ضايغ مابين كفوف وافي وغدار
خل الغرور اللي عما عين مغرور = ينفع عشير بزلته تاه واحتاروسلامتكم
أبو العز السلمي
30th July 2005, 00:40
صح اللسانك يارعي الصفرى .

رد قوي .

كلمات موزونة .

ومعبرة جدا .

الله يخليك لابن عمك يا راعي
راعي الصفرا
30th July 2005, 04:19
صح بدنكم


وتسلمون


وتسلم يابو العز


وعسى الله يعز قدرك وشانك


.
ابو تركي
30th July 2005, 16:02
تسلم يابو عثمان مرةٍ اخرى على نقل قصيدة الشاعر
محمد فهد بن سلامه




وصح الله لسان شاعرها





قصيده جميله





وتقبل مني فائق الاحترام
فهد بن سالم
30th July 2005, 16:10
صح لسانك يانايف ولا هنت

وصح لسان محمد بن فهد بن سلامة
راعي الصفرا
31st July 2005, 03:00
صح بدنكم ولاهنتو على مروركم المتواضع
سطام
9th August 2006, 03:38
السلام عليكم و رحمة الله و بركاته

صح لسان الشاعر :: محمد فهد بن سلامه ( ابو فهد )

وصح لسانك :: يا راعي الصفرى ( ابو عثمان )

ولاااااهنت على النقل

يعطيك العافيه

تقبل تحياتي

اخــــــوك :: سطام الزعبي
سيف القبيله
11th August 2006, 03:29
صح لسااانك وسلمتـ
يا الغلاااااا

ولاهنتـ علي النقل

بانتظار جديدك بشووووق