مبارك الزعبي
5th July 2005, 06:49
السلام عليكم ورحمة الله وبركاته ..
تعريف عن الشاعر :
هو عامر بن حمد بن نوطان آل جابر المري (( رحمه الله )) , وهو ابن العقيد والفارس المعروف حمد بن نوطان احد فرسان قبيلة آل مره العريقه ..
وحبيت ان اختار بعض من القصايد .. ولو استطيع كان نزلت قصايده كلها لكنها واجد ..
نبدأ بأول قصيده وهي اول قصيده قالها وكان ابن الثانية عشر من العمر وهي قصيدة رثاء التي رثى بها ابيه حيث قال :
ياونتي ونة عميق الطعوني=في ملتقى الزلبات خلّوه قومه
عليك يابوي اللطيف الحنوني=اللي لنا نفسه رؤوفٍ رحومه
وله في القصائد الوطنيه عدة قصائد في دول الخليج وحكامهم ..
نذكر هذه القصيده :
(( الوالـــد البـــــــار ))
أبيات في حضرة صاحب السمو الشيخ جابر الاحمد الجابر الصباح حفظه الله ورعاه حيث قال :
يا مرحبا ياللي عبر كل الابحار=ضحّى بروحه للكويت واهلها
متابعينه بالجرايد والاخبار=ونشاهده في كل دارٍ نزلها
يا حاكمٍ حكمه على الشعب ماجار=نفسه على شعبه بعيدٍ زعلها
شيخٍ حنونٍ كنّه الوالد البار=الدار واهل الدار يرفا خملها
لولا حماة الدار ماعاشت الدار=ولا تعلّت بالمباني فللها
سديد راي ان كان ضاعن الافكار=نفسه عسى ربي يطوّل مهلها
.......
وننتقل الى باب قصائد الغزل :
(( الحـــــزن يوجــــــع ))
الحزن يوجع مفاخت الجنيني=والحزين اللي جروحه مستكنه
حالف ان اموت واوسّد يميني=لادله قلبي ولا سجيت منه
عاتقٍ حبه وماضيٍ له سنيني=مقرعٍ قلبي عليه اقراع شنه
اجحد الخلة وانا قلبي حزيني=واتعزز كن نفسي مرجهنه
ان رقدت آخذ بنومي ساعتيني=وان صحيت اتابع الونه بونه
حي من قبل امس شاهدته بعيني=سجة ٍ وياه بعض الوقت جنه
(( الديـــــار الجنوبيــــــــه ))
تعودت مبدا الرجم صبحٍ وعصريه=وعيني من الدمعه خذت حقها وافي
الا جيت بخفي الحزن بانت مواريه=ودمعة عيوني بينت حزني الخافي
اجامل مع الخلان جوزا معذريه=وكل الجروح اكنها بين الاجنافي
وكني مريضٍ مايبين مشاكيه=يجامل مع الزوار ويقول متعافي
مريضٍ مرض قلبٍ وعيني شقاويه=ومبطي وانا من لذة النوم متجافي
وقلبي حنونٍ للديار الجنوبيه=وطول البطا ماغيرت حبها الصافي
ومبداي في عرقٍ تعنكب ذواريه=هو احب من قصرٍ بني قرب الاسيافي
هل الجوب ذكروا ربعوا في ضواحيه=وقالوا غواميس النخل عشبها زافي
وحلوا هل الذيدان عند الرماديه=وخذوا في جناب الغرس مشتى ومصيافي
(( الرجـــــــــــم الطويـــــــــــــل ))
جية الرجم الطويل اكبر خطيه=غير حدتني غرابيل الليالي
احسب ان عيني عزايمها قويه=لين شفت الليل داركني لحالي
ودي اصبر غير مالي مقدريه=دمعة العين الحزينه ماتمالي
ذاالسنه ماعاد فيها مجامليه=وانكشاف السد ماهوب الهوالي
والقصيده اطول من كذا ........
(( بــــــس ياعينـــــي ))
ونتي منا الى ماله نهايه=من جروحٍ في ضميري مستكنه
بس ياعيني من الدمعه كفايه=المفارق واقعٍ لابد منه
ماحسبت حساب روحي في البدايه=عادني طربٍ وروحي مرجهنه
مبطيٍ والحزن واليني ولايه=صادرٍ حكمه علي من غير سنه
كيف يعدم واحدٍ ماله جنايه=ياهل المعروف شيلوا الظلم عنه
(( خاطــــري داروه ))
ونتي ونةٍ خلوجٍ مع الوقت العتيم=وكدت مذبح ولدها وحالوا دونها
حالي اللي راحت اشجار وديانه هشيم=مبطيٍ مازيد دب الحيا بغصونها
لاجرى ماها ولازيد حركها النسيم=من بطا الامحال فيها تغير لونها
كانيٍ مابي وانا مخفي ٍ شي ٍ عظيم=وكل الارض اليوم ضاقت علي ركونها
ياعرب تكفون من كان له قلب ٍ رحيم=كل نفس ٍ صابها الحزن لا تقصونها
خاطري داروه ياللي تدارون اليتيم=وان بكت عيني من الدمع لا تنهونها
كبدي اللي لاعها خافي الحزن السقيم=كل ماقلنا تشالت تزيد طعونها
كل ما بريت جروحي من الحزن القديم=جيت دار ٍ حايل ٍ البطا من دونها
في الهوى حزات من وصف جنات النعيم=وفيه نار ٍ جملة الخلق ما يقوونها
ونذهب الى باب القصائد الاجتماعيه حيث ابدع الشاعر في تناول القضايا الاجتماعيه
ونذكر بعض من قصائده الاجتماعيه :
(( أهـــــل النميـــــمه ))
أهل النميمه والحكي والمسبه=بين الاخوان يولعون السعيره
ناسٍ من الحبة يحطون قبه=ويكوّنون من الصغيره كبيره
مكثرة حقدك على من تحبه=ومفرقه بين الخشير وخشيره
رجلٍ كلامه مايسنع مطبه=قبل يتكلم مايحاسب ضميره
لبّاس ثوبٍ يجهلون العرب به=وهو تابعٍ ممشى الوجيه الحقيره
....
(( حلــــــول المنــــــادي ))
البارحه حاربت لذة رقادي=ابكي على وقتٍ تذكرت فرقاه
عزالله انه فات دور البوادي=وجانا زمانٍ ليت حن مالحقناه
وصارت حياة البل حياة الزهادي=عزي لها من جيل ذاالوقت عزاه
رعيانها بمسجلات وروادي=ومواترٍ ماشت منها توطاه
ابنك يضم ابلك ضمامة نكادي=واعدى عدوٍ مايسوي سواياه
تارك صلاة وبالمراجل ربادي=لوجاه بسٍ كل زهابه وخلاه
من عقب ماهو قاصرٍ في المهادي=ويفز قلبك كل ما تسمع بكاه
عليك قلبه ممتلي بالسوادي=ونسى حنانك له وكثر المراعاه
لو كبر سنه ماعليه اعتمادي=مسلوب عقلٍ مابقى الا رياياه
احسن تقول امرح مراح الجرادي=وتقول جعله هفة مقيط وارشاه
يا سايمٍ هزعا الفقار السنادي=لاهي بمبيوعه ولاهي بمهداه
مهبول يا سوام مهجة فوادي=مايدري انه تل قلبي من اقصاه
لو ساق مالٍ مالكثره اعدادي=باقول لا ماعاد فيها مقاصاه
وشلون توخذ ماوراها طرادي=وكسّابها مامعه مايذبح الشاه
البل ثمنها عند قدح الزنادي=وقولة فلانٍ طاح وفلان خلاه
والقصيده اطول من كذا ...
(( ذكّــــر علـــى عيــــني ))
ذكّر على عيني وهيض عناها=الديار الخالية عقب اهلها
ماجيت من دارٍ قعدت اهجاها=واسأل ديار الحي عن من نزلها
شفت الديار اللي رحل من بناها=راحت جدايدها وباقي سملها
كم مجلسٍ ضوّه يقودك سناها=رحل مصاليها وغاب معملها
لاخير في الدنيا ورزقٍ وراها=على البشر صكاتها ماعجلها
دنياً على الاجواد دارت رحاها=خلت منازلهم تهدم حللها
لو ان جزع عيني وكثرة بكاها=ترجع لنا قومٍ تقافت رحلها
نخيت عيني لا تباخل بماها=وبكيت لين العين ييبس بللها
على بني عمٍ طريٍ نباها=ياليتها ترجع ويرحل بدلها
والقصيده اطول من كذا ..
(( عــــــــالم اليـــــوم ))
عن كشف سر الناس ماني بملزوم=وشورك لمن لا يطلب الشور ضايع
عن عالم امسٍ يختلف عالم اليوم=متخالفينٍ بالشكل والطبايع
ياما من العثرات والشوم واللوم=الله يخرجنا ببيض الصنايع
يارب من صلى لرجواك ويصوم=وروحه وداعه وانت راعي الودايع
يالله عسى ماني من العفو محروم=عسى ذنوبي ماتجي لي منايع
.....
(( في امان الله يا البل ))
في امان الله يالبل عسى حظك يزين=تعتنز روحي من الثقل فوق كفوفها
هملوك اللي بعدنا وحنا منتهين=غصب ولا العرب ماينّسى معروفها
حزت منك يوم ذهّبت في روحي عوين=الجهد كمّل وعيني تدانى شوفها
حي وقتٍ فات يالعرب جرعات الحنين=يوم اهلها دونها يفتقون سيوفها
(( قمــــت اتذكـــــر ))
قمت اتذكر رموس الحزن وجداده=وانا على هلة العبرات مهيافي
ياعد لاعاد لك رغبه ولا راده=من يوم شفنا جباك من العرب عافي
عيني بكت والبكا قد هو لها عاده=ماريةٍ عن زيادة حزنها الخافي
كم واحدٍ قد بكا وبكاه مافاده=الايام قد عذبت ماضين الاسلافي
....
(( نـــودٍ من الغربـــي ))
نودٍ من الغربي وروس المبادي=يسوى جديد القصر لو زان مبداه
بارضٍ جديده والمنازل جدادي=ماكان في قلبك من الهم تنساه
لازان نبت العشب في كل وادي=مثل الزوالي اللي تنشّر مشراه
شرفت حاديني من الهم حادي=في راس رجمٍ هيض العين مبداه
اهل خافي عبرتي بانفرادي=من جور همٍ عيت النفس تقواه
واقول ياقلب الخطا من تنادي=وقتٍ بحال الناس هذي سواياه
اشوف وقتٍ ماعليه اعتمادي=رفع الهزيل وعالي الناس وطاه
مثل الكسيرة في نهار الطرادي=هذا الزمان اللي عطانا مقفاه
افراحنا اللي في ليالي العيادي=اقفت مع وقتٍ تقافت مطاياه
قفا زمان مخضبين الهنادي=وجا وقت جيلٍ مذهبه ماعرفناه
الا نصحت اللي عن الدرب غادي=تبلش الين تسامحه في خطاياه
ان كل زرعٍ مقتفيه الحصادي=ينشف ولو هو يجري الماء بمسقاه
وروح الفتى لابدها للنفادي=نفسك اجلها لاقرب ماتعداه
......
ننتقل الى باب النصائح حيث للشاعر عدة قصائد في النصح ونذكر منها مانستطيع :
(( طريــــــق الحـــــق ))
يالله يا مدير الهبايب والافلاك=ياللي دبيب الذر ماهو بخافيك
ألطف بعبدٍ يطلبك ويترجاك=لا غافلٍ عنك ولاهو بناسيك
خليك يابن آدم زهيدٍ بدنياك=ارزاق بقعا لاتغرك وتغويك
ان اقبلت تاتيك باضعاف الاسلاك=وان دبرت ماعاد تسمع مناديك
لو ساعفت لك ساعةٍ تقطع رشاك=واتيّهك عقب المعزه وترميك
اللي وطا غيرك من الناس ياطاك=مامر قدامك على الناس ياتيك
اما هلك تصبر على حر فرقاك=والا انت تصبر عن حبيبك وغاليك
وتعيش وحدك عقب من عاش وياك=تبقى وحيدٍ دمعة الورع تبكيك
لا تتبع الشيطان باهداك وارضاك=يصبح مصابيحك ويمسي مماسيك
للشر مفتاحٍ وللخير صكاك=يغويك ويضلك وللشر يهديك
خل اتكالك واعتمادك بمولاك=اللي ان وفيت وانجاك وان خنت يهفيك
الرزق عند الله وماكتب لك جاك=لو يعلنون الناس عن قطعهم فيك
والقصيده اطول من كذا ....
(( اغنـــم شبابـــك ))
ياويلكم ياهل العقول السقيمه=كلٍ يسجل في كتابه قبايحه
يكتب على الانسان ماكان يعمله=كلٍ حصاده من نتايج فلايحه
كم شايبٍ شيبه على الصح والنقا=وكم شايبٍ شيبه تغرك لويحه
كم واحدٍ غره زمانه ووهقه=على طريق الشر ناحت نوايحه
اغنم شبابك يابن آدم وقوتك=واعرف لنفسك دام فرصتك تايحه
لاتقضي ايامك على اللعب والجهل=الآخره دارك ودنياك رايحه
لارحت من دارٍ بتقصد لغيرها=وفيها عملك مسجلٍ في صفايحه
ان كان فيها طيبات سوابقك=كل ٍ دعاك وقام ينحر ذبايحه
واللي يقدم كل عيبٍ ومهزله=حتى على الابواب تنشر فضايحه
من طاوع الشيطان والنفس والهوى=اصدق صديقٍ مايطاوع نصايحه
كل ٍ من المعبود ياخذ كتابه=اما به الخسران والا ربايحه
.........
وللشاعر ابن نوطان قصائد كثيره في كل مجالات الشعر والرديات ..
واسمحو لي على التقصير ومن الاخطاء الاملائيه وغيرها ...
وفي الختااااااااااام السلااااااااااااام ..
تعريف عن الشاعر :
هو عامر بن حمد بن نوطان آل جابر المري (( رحمه الله )) , وهو ابن العقيد والفارس المعروف حمد بن نوطان احد فرسان قبيلة آل مره العريقه ..
وحبيت ان اختار بعض من القصايد .. ولو استطيع كان نزلت قصايده كلها لكنها واجد ..
نبدأ بأول قصيده وهي اول قصيده قالها وكان ابن الثانية عشر من العمر وهي قصيدة رثاء التي رثى بها ابيه حيث قال :
ياونتي ونة عميق الطعوني=في ملتقى الزلبات خلّوه قومه
عليك يابوي اللطيف الحنوني=اللي لنا نفسه رؤوفٍ رحومه
وله في القصائد الوطنيه عدة قصائد في دول الخليج وحكامهم ..
نذكر هذه القصيده :
(( الوالـــد البـــــــار ))
أبيات في حضرة صاحب السمو الشيخ جابر الاحمد الجابر الصباح حفظه الله ورعاه حيث قال :
يا مرحبا ياللي عبر كل الابحار=ضحّى بروحه للكويت واهلها
متابعينه بالجرايد والاخبار=ونشاهده في كل دارٍ نزلها
يا حاكمٍ حكمه على الشعب ماجار=نفسه على شعبه بعيدٍ زعلها
شيخٍ حنونٍ كنّه الوالد البار=الدار واهل الدار يرفا خملها
لولا حماة الدار ماعاشت الدار=ولا تعلّت بالمباني فللها
سديد راي ان كان ضاعن الافكار=نفسه عسى ربي يطوّل مهلها
.......
وننتقل الى باب قصائد الغزل :
(( الحـــــزن يوجــــــع ))
الحزن يوجع مفاخت الجنيني=والحزين اللي جروحه مستكنه
حالف ان اموت واوسّد يميني=لادله قلبي ولا سجيت منه
عاتقٍ حبه وماضيٍ له سنيني=مقرعٍ قلبي عليه اقراع شنه
اجحد الخلة وانا قلبي حزيني=واتعزز كن نفسي مرجهنه
ان رقدت آخذ بنومي ساعتيني=وان صحيت اتابع الونه بونه
حي من قبل امس شاهدته بعيني=سجة ٍ وياه بعض الوقت جنه
(( الديـــــار الجنوبيــــــــه ))
تعودت مبدا الرجم صبحٍ وعصريه=وعيني من الدمعه خذت حقها وافي
الا جيت بخفي الحزن بانت مواريه=ودمعة عيوني بينت حزني الخافي
اجامل مع الخلان جوزا معذريه=وكل الجروح اكنها بين الاجنافي
وكني مريضٍ مايبين مشاكيه=يجامل مع الزوار ويقول متعافي
مريضٍ مرض قلبٍ وعيني شقاويه=ومبطي وانا من لذة النوم متجافي
وقلبي حنونٍ للديار الجنوبيه=وطول البطا ماغيرت حبها الصافي
ومبداي في عرقٍ تعنكب ذواريه=هو احب من قصرٍ بني قرب الاسيافي
هل الجوب ذكروا ربعوا في ضواحيه=وقالوا غواميس النخل عشبها زافي
وحلوا هل الذيدان عند الرماديه=وخذوا في جناب الغرس مشتى ومصيافي
(( الرجـــــــــــم الطويـــــــــــــل ))
جية الرجم الطويل اكبر خطيه=غير حدتني غرابيل الليالي
احسب ان عيني عزايمها قويه=لين شفت الليل داركني لحالي
ودي اصبر غير مالي مقدريه=دمعة العين الحزينه ماتمالي
ذاالسنه ماعاد فيها مجامليه=وانكشاف السد ماهوب الهوالي
والقصيده اطول من كذا ........
(( بــــــس ياعينـــــي ))
ونتي منا الى ماله نهايه=من جروحٍ في ضميري مستكنه
بس ياعيني من الدمعه كفايه=المفارق واقعٍ لابد منه
ماحسبت حساب روحي في البدايه=عادني طربٍ وروحي مرجهنه
مبطيٍ والحزن واليني ولايه=صادرٍ حكمه علي من غير سنه
كيف يعدم واحدٍ ماله جنايه=ياهل المعروف شيلوا الظلم عنه
(( خاطــــري داروه ))
ونتي ونةٍ خلوجٍ مع الوقت العتيم=وكدت مذبح ولدها وحالوا دونها
حالي اللي راحت اشجار وديانه هشيم=مبطيٍ مازيد دب الحيا بغصونها
لاجرى ماها ولازيد حركها النسيم=من بطا الامحال فيها تغير لونها
كانيٍ مابي وانا مخفي ٍ شي ٍ عظيم=وكل الارض اليوم ضاقت علي ركونها
ياعرب تكفون من كان له قلب ٍ رحيم=كل نفس ٍ صابها الحزن لا تقصونها
خاطري داروه ياللي تدارون اليتيم=وان بكت عيني من الدمع لا تنهونها
كبدي اللي لاعها خافي الحزن السقيم=كل ماقلنا تشالت تزيد طعونها
كل ما بريت جروحي من الحزن القديم=جيت دار ٍ حايل ٍ البطا من دونها
في الهوى حزات من وصف جنات النعيم=وفيه نار ٍ جملة الخلق ما يقوونها
ونذهب الى باب القصائد الاجتماعيه حيث ابدع الشاعر في تناول القضايا الاجتماعيه
ونذكر بعض من قصائده الاجتماعيه :
(( أهـــــل النميـــــمه ))
أهل النميمه والحكي والمسبه=بين الاخوان يولعون السعيره
ناسٍ من الحبة يحطون قبه=ويكوّنون من الصغيره كبيره
مكثرة حقدك على من تحبه=ومفرقه بين الخشير وخشيره
رجلٍ كلامه مايسنع مطبه=قبل يتكلم مايحاسب ضميره
لبّاس ثوبٍ يجهلون العرب به=وهو تابعٍ ممشى الوجيه الحقيره
....
(( حلــــــول المنــــــادي ))
البارحه حاربت لذة رقادي=ابكي على وقتٍ تذكرت فرقاه
عزالله انه فات دور البوادي=وجانا زمانٍ ليت حن مالحقناه
وصارت حياة البل حياة الزهادي=عزي لها من جيل ذاالوقت عزاه
رعيانها بمسجلات وروادي=ومواترٍ ماشت منها توطاه
ابنك يضم ابلك ضمامة نكادي=واعدى عدوٍ مايسوي سواياه
تارك صلاة وبالمراجل ربادي=لوجاه بسٍ كل زهابه وخلاه
من عقب ماهو قاصرٍ في المهادي=ويفز قلبك كل ما تسمع بكاه
عليك قلبه ممتلي بالسوادي=ونسى حنانك له وكثر المراعاه
لو كبر سنه ماعليه اعتمادي=مسلوب عقلٍ مابقى الا رياياه
احسن تقول امرح مراح الجرادي=وتقول جعله هفة مقيط وارشاه
يا سايمٍ هزعا الفقار السنادي=لاهي بمبيوعه ولاهي بمهداه
مهبول يا سوام مهجة فوادي=مايدري انه تل قلبي من اقصاه
لو ساق مالٍ مالكثره اعدادي=باقول لا ماعاد فيها مقاصاه
وشلون توخذ ماوراها طرادي=وكسّابها مامعه مايذبح الشاه
البل ثمنها عند قدح الزنادي=وقولة فلانٍ طاح وفلان خلاه
والقصيده اطول من كذا ...
(( ذكّــــر علـــى عيــــني ))
ذكّر على عيني وهيض عناها=الديار الخالية عقب اهلها
ماجيت من دارٍ قعدت اهجاها=واسأل ديار الحي عن من نزلها
شفت الديار اللي رحل من بناها=راحت جدايدها وباقي سملها
كم مجلسٍ ضوّه يقودك سناها=رحل مصاليها وغاب معملها
لاخير في الدنيا ورزقٍ وراها=على البشر صكاتها ماعجلها
دنياً على الاجواد دارت رحاها=خلت منازلهم تهدم حللها
لو ان جزع عيني وكثرة بكاها=ترجع لنا قومٍ تقافت رحلها
نخيت عيني لا تباخل بماها=وبكيت لين العين ييبس بللها
على بني عمٍ طريٍ نباها=ياليتها ترجع ويرحل بدلها
والقصيده اطول من كذا ..
(( عــــــــالم اليـــــوم ))
عن كشف سر الناس ماني بملزوم=وشورك لمن لا يطلب الشور ضايع
عن عالم امسٍ يختلف عالم اليوم=متخالفينٍ بالشكل والطبايع
ياما من العثرات والشوم واللوم=الله يخرجنا ببيض الصنايع
يارب من صلى لرجواك ويصوم=وروحه وداعه وانت راعي الودايع
يالله عسى ماني من العفو محروم=عسى ذنوبي ماتجي لي منايع
.....
(( في امان الله يا البل ))
في امان الله يالبل عسى حظك يزين=تعتنز روحي من الثقل فوق كفوفها
هملوك اللي بعدنا وحنا منتهين=غصب ولا العرب ماينّسى معروفها
حزت منك يوم ذهّبت في روحي عوين=الجهد كمّل وعيني تدانى شوفها
حي وقتٍ فات يالعرب جرعات الحنين=يوم اهلها دونها يفتقون سيوفها
(( قمــــت اتذكـــــر ))
قمت اتذكر رموس الحزن وجداده=وانا على هلة العبرات مهيافي
ياعد لاعاد لك رغبه ولا راده=من يوم شفنا جباك من العرب عافي
عيني بكت والبكا قد هو لها عاده=ماريةٍ عن زيادة حزنها الخافي
كم واحدٍ قد بكا وبكاه مافاده=الايام قد عذبت ماضين الاسلافي
....
(( نـــودٍ من الغربـــي ))
نودٍ من الغربي وروس المبادي=يسوى جديد القصر لو زان مبداه
بارضٍ جديده والمنازل جدادي=ماكان في قلبك من الهم تنساه
لازان نبت العشب في كل وادي=مثل الزوالي اللي تنشّر مشراه
شرفت حاديني من الهم حادي=في راس رجمٍ هيض العين مبداه
اهل خافي عبرتي بانفرادي=من جور همٍ عيت النفس تقواه
واقول ياقلب الخطا من تنادي=وقتٍ بحال الناس هذي سواياه
اشوف وقتٍ ماعليه اعتمادي=رفع الهزيل وعالي الناس وطاه
مثل الكسيرة في نهار الطرادي=هذا الزمان اللي عطانا مقفاه
افراحنا اللي في ليالي العيادي=اقفت مع وقتٍ تقافت مطاياه
قفا زمان مخضبين الهنادي=وجا وقت جيلٍ مذهبه ماعرفناه
الا نصحت اللي عن الدرب غادي=تبلش الين تسامحه في خطاياه
ان كل زرعٍ مقتفيه الحصادي=ينشف ولو هو يجري الماء بمسقاه
وروح الفتى لابدها للنفادي=نفسك اجلها لاقرب ماتعداه
......
ننتقل الى باب النصائح حيث للشاعر عدة قصائد في النصح ونذكر منها مانستطيع :
(( طريــــــق الحـــــق ))
يالله يا مدير الهبايب والافلاك=ياللي دبيب الذر ماهو بخافيك
ألطف بعبدٍ يطلبك ويترجاك=لا غافلٍ عنك ولاهو بناسيك
خليك يابن آدم زهيدٍ بدنياك=ارزاق بقعا لاتغرك وتغويك
ان اقبلت تاتيك باضعاف الاسلاك=وان دبرت ماعاد تسمع مناديك
لو ساعفت لك ساعةٍ تقطع رشاك=واتيّهك عقب المعزه وترميك
اللي وطا غيرك من الناس ياطاك=مامر قدامك على الناس ياتيك
اما هلك تصبر على حر فرقاك=والا انت تصبر عن حبيبك وغاليك
وتعيش وحدك عقب من عاش وياك=تبقى وحيدٍ دمعة الورع تبكيك
لا تتبع الشيطان باهداك وارضاك=يصبح مصابيحك ويمسي مماسيك
للشر مفتاحٍ وللخير صكاك=يغويك ويضلك وللشر يهديك
خل اتكالك واعتمادك بمولاك=اللي ان وفيت وانجاك وان خنت يهفيك
الرزق عند الله وماكتب لك جاك=لو يعلنون الناس عن قطعهم فيك
والقصيده اطول من كذا ....
(( اغنـــم شبابـــك ))
ياويلكم ياهل العقول السقيمه=كلٍ يسجل في كتابه قبايحه
يكتب على الانسان ماكان يعمله=كلٍ حصاده من نتايج فلايحه
كم شايبٍ شيبه على الصح والنقا=وكم شايبٍ شيبه تغرك لويحه
كم واحدٍ غره زمانه ووهقه=على طريق الشر ناحت نوايحه
اغنم شبابك يابن آدم وقوتك=واعرف لنفسك دام فرصتك تايحه
لاتقضي ايامك على اللعب والجهل=الآخره دارك ودنياك رايحه
لارحت من دارٍ بتقصد لغيرها=وفيها عملك مسجلٍ في صفايحه
ان كان فيها طيبات سوابقك=كل ٍ دعاك وقام ينحر ذبايحه
واللي يقدم كل عيبٍ ومهزله=حتى على الابواب تنشر فضايحه
من طاوع الشيطان والنفس والهوى=اصدق صديقٍ مايطاوع نصايحه
كل ٍ من المعبود ياخذ كتابه=اما به الخسران والا ربايحه
.........
وللشاعر ابن نوطان قصائد كثيره في كل مجالات الشعر والرديات ..
واسمحو لي على التقصير ومن الاخطاء الاملائيه وغيرها ...
وفي الختااااااااااام السلااااااااااااام ..