المساعد الشخصي الرقمي

مشاهدة النسخة كاملة : اقربوووا يا شعااااار

عساف
20th May 2005, 04:20
السلام عليكم ,,,, اول مشاركة وياليت تقبلونها

سلام ردية ٍ يا زعب واللي حضــــــــــر 000000 سلامي والملعبة ساحة وشعـــــــــارها
لاشك من هو على المعنى يجيب الدرر 000000 والدر وسط البحر ياللي تبـــــــي دارها
الراكد
22nd May 2005, 16:10
استلم يا عسااااااااااااااااف ..




حييت ياشاعرٍ تسبح في وسط البحر .. في منتدى زعب محدٍ قد وصل جارها

نمسح على الناقة البيضا وتعطف تدر .. ياللي تبي درها قرب لها حوارها
العبيدي
22nd May 2005, 20:39
سلام ردية ٍ يا زعب واللي حضــــــــــر = سلامي والملعبة ساحة وشعـــــــــارها
لاشك من هو على المعنى يجيب الدرر = والدر وسط البحر ياللي تبـــــــي دارها





حييت ياشاعرٍ تسبح في وسط البحر =في منتدى زعب محدٍ قد وصل جارها

نمسح على الناقة البيضا وتعطف تدر = ياللي تبي درها قرب لها حوارها

مرحبا ومسهلاً فيكم اعضاء جدد

نشاط ممتاز من البداية

محاورة تعد بالحماس واصــــــلوا
ابوهلا
23rd May 2005, 04:57
اعظاء جدد


وتألق من الوهله الأولي



يبدو اننا علي موعد مع محاوره رائعه



بنتظاركم
الوزير
23rd May 2005, 12:42
اخوكم الوزير من زمان وهو يتفلت على المنتدى والحين جاكم ولفاكم استعدوا واربطو الاحزمه
الراكد
23rd May 2005, 15:27
سلاااااااام عليكم .....







وين رد عساف ؟؟؟




اتحراك يا عسااااااااف


لاتبطي :)
عساف
23rd May 2005, 16:30
السلام عليكم ,,,,,
انا اسف على التأخير ولو ان السبب مو مني من المشرفين الله يعطيهم العافيه ,, انا مسجل بأسم عساف الاصايل ولادريت انهم معدلينه الا عساف فقط الا الحين على العموم مسموحين وسامحونا ,,
اخوي الراكد رد جزل ووافي واستلم طال عمرك
الرد _____________

دام البقا عنهم يالشاعر المقتــــــدر 00000 ولا اقول زعب ٍ تعذر عن هوى كارها
والله ونعم ٍ بها اقولها وافتخــــــر 00000 وكانك ترد الخبر لا تكتم اخبــــــارها
الراكد
23rd May 2005, 17:49
استلم يا عساااااااااااااااااا اااااف ....



نبغي علومك ترى شبرٍ تعدى شبر ... ولا ترخي خطامها ويجيك خطّارها

عساف لاتدهر ويجيك مني خبر ... هات العلوم الوكيده طير غبارها
العبيدي
23rd May 2005, 20:36
الوزيــر

هلا وغلا

المنتدى يحييبك في اي وقت طال عمرك

ولاداعي للتفلت فقط ننتظر محاورة الراكد وعساف تنتهي

وابشر بالسعد ننتظر منك رسالة واطلب من ترغب من الشعراء حتى تقام المحاورات بالتوالي
فهد بن سالم
23rd May 2005, 20:43
مشاء الله على البداية المتألقة للشعار الاعضاء الجدد

يسعدنا وجودكم ياعساف ويالراكد وايضا الوزير

الله يعطيكم العافية

وبالنسبة للشعار نتمنى انهم يسجلون باسمائهم الصحيحة

لان قصيد الشاعر وردوده يفترض تسجل له باسمه فهي من حقه
العبيدي
23rd May 2005, 20:44
الاخ عساف كفو

محاورة جزلة

الراكد وعساف يبدو انهم شعراء كبار

واصلوا ونحن متابعين عن قرب

الراكد تسلم على جزالة ابياتك

لكم ودي
عساف
24th May 2005, 03:19
استلم الرااااااااااكد



ان كان وصلت معك شبر ٍ تعدى الخطر ----------- حنا ندوس الخطر ونعدي اشبارهــــــا
اركد يا راكد عسى منتا بناوي قشــر ----------- وان كنت ناوى ترى عساف لك نارها
الجميلي نت
24th May 2005, 08:56
حياكم الله
الشاعر الراكد
الشاعر عساف

محاورة رائعة...... ونتمنى ان تكون الردود باسرع وقت ممكن بين الشاعرين

وانا متابع بشكل مستمر..... تقبلوا تحياتي
الراكد
28th May 2005, 01:55
السلام عليكم ورحمة الله وبركاته ..



اخواني الاعضاء ...


اتمنى ان تعذروني لانقطاعي ... لظروفي الخاصه ...

والسموحه اخوي عساف ...


وصح لسانك .. وبيض الله وجهك ...

المحاوره معك كانت ممتازه ...


وانشالله الجايات اكثر ...



واشكر باقي الاعضاء على متابعتهم وتشجيعهم لنا ..


سلام .
العبيدي
28th May 2005, 16:54
يعطيكم العافية

وصحت السنتكم

ياعساف ويا الراكد

محاورتكم جميله كم تمنينا لها الاستمرار

ومعذور يالراكد

ولو ان قفلت القاف يجب ان تكون منك وليس من عساف

على العموم ماقصرتوا لاهنتوا

والجايات بفالها
عساف
28th May 2005, 23:37
السلام عليكم ,,,,,
اخي الراكد صح بدنك ولاهنت ومسموح وسامحنا
فعلا انا المستفيد اللي لعبت مع شاعر مثلك يملك موهبة ومتمكن من المحاورة وقوة المعنى والجايات اكثر ان شالله
الاخ العبيدي لاهنت على كل مل اثنيت به من كلام طيب بحقي وان شالله راح نتواصل معاكم في هذا المنتدى العزيز علينا وشهادتك لنا نعتز فيها ولاهنت طال عمرك