أقـــرب ياســـعود [الأرشيف]

عبدالله السلمي

17th May 2005, 21:00

سلامي على اللي حبهم يسكن الروح

من عيال عمي والسلايل زعوبي

يقولون إبن مدلاج شاعر وطحطوح

ولاكن ما يقدر يخوض الحروبي

العبيدي

17th May 2005, 21:04

الله الله

مرحبا مليون يابو هذال

صح الله لسانك

ونشكر لك تواجدك ومقدرين لك اجابة الدعوه لاعدمناك

سلامي على اللي حبهم يسكن الروح=من عيال عمي والسلايل زعوبي

يقولون إبن مدلاج شاعر وطحطوح=ولاكن ما يقدر يخوض الحروبيبداية قاف رائعه

تسلم

عبدالله السلمي

17th May 2005, 21:07

أستاذي / أبو خليل

الشكر العميق لك أنت وللأخوه القائمين على هذا الصرح الشامخ

أما أنا فشاعر تحت خدمتكم متى ما طلبتموني يالغالين لأكم أصحاب سبق بالفضل بعد الله

في تطوير الموروث وخدمته إعلامياً عن طريق الشبكه العنكبوتيه التي تعتبر الان أهم المنابر الهامه

فهد بن سالم

17th May 2005, 21:14

مرحبا بك يا ابو هذال وصح لسانك

ومشكور على تلبية دعوة الاخ ابراهيم وتواجدك معنا في هذه الامسية الطيبة

والمنتدى منتداك طال عمرك

ابو ابو شامه

17th May 2005, 21:16

مرحبا باللي شرف ولكن وين ابن مدلاج 0 منورين المنتدى 0

عبدالله السلمي

17th May 2005, 21:21

الغالي/ أستاذي فهد بن سالم

الشرف كل الشرف هو دعوتكم لي الغاليه على قلبي

وتواجدي بينكم مصدر فخر وأعتزاز فأنا منكم وإليكم0 اليس كذلك يا أبنا العم0

ابو تركي

17th May 2005, 21:21

السلام عليكم ورحمة الله وبركاته

واسعد الله جميع اوقاتكم

اخي الشاعر عبدالله بن عتقان

اسعد الله مساءك بكل خير وموده وبداية موفقه

سلامي على اللي حبهم يسكن الروح@@@@من عيال عمي والسلايل زعوبـي

يقولون إبن مدلاج شاعر وطحطوح @@@ ولاكن ما يقدر يخوض الحروبـي

وانا بصفك اتعرف متزاعل مع ابن مدلاج

بس المهم انها سوف تكون ليله رائعه خصوصا بوجود الشاعرين عبدالله بن عتقان وسعود بن مدلاج

وانا حاليا متابع لهذه المحاوره المتوقع بانها رائعه

مع تحيات ابو تركي

عبدالله السلمي

17th May 2005, 21:22

الاخ أبو شامه

مشكور على ترحيبك الطيب وتواجدك يالغالي

الجميلي نت

17th May 2005, 21:25

نرحب بالشاعر عبد الله السلمي............. وين ابن مدلاج يا اخوان

عبدالله السلمي

17th May 2005, 21:26

الغالي / أبو تركـــــــــــــــــ ــي

تواجدك معنا دافع قوي لتقديم الأفضل والأميز بحول الله وقوته

ووقوفك بصفي قوه معنويه لي ووسام فخر وأعتزاز

لأن سعود دكتور جامعي وأنا طالب صفوف إبتدائيه وفي حاجه لوقفت الجميع معي

وأولهم أنت يا أبا تركي

عبدالله السلمي

17th May 2005, 21:29

الغالي / الجميلي نت

هلابك مرورك وتواجدك أسعدني جداً

وسعود جااااااااااااااااااا اي بس يمكن تأخر لظرف طارئ أو إن لديه مشكلة بالجهاز

الكويت

17th May 2005, 21:32

حياك الله الشاعر عبدالله السلمــــي

وناطرين سعود بن مدلاج يظهر على الساحه

بأعتقادي انها ظروف انترنتيه هي الي اخرته

وحياك الله يا عبدالله مره اخرى ويسعدنى تواجدك في هذه الامسيه الرائعه من روعة وجودك

لك السلام

ـــــــــــــــ

العبيدي

17th May 2005, 21:33

مساكم الله بالخير جميعاً

ارحب يابو تركي عندك الصف

الجميلي وراك عجل

سعود موجود فقط امور فنيه

سيتم حلها باذن الله

فهد بن سالم

17th May 2005, 21:38

اقتباس (وتواجدي بينكم مصدر فخر وأعتزاز فأنا منكم وإليكم0 اليس كذلك يا أبنا العم0)

أكيد يا ابو هذال

عبدالله السلمي

17th May 2005, 21:38

الكويت

مشكور يالغالي على هذه الحفاوه وتواجدك معنا مصدر مهم للإبداع

نتمنى أن نكون عند حسن الظن0

تحيااااااااااااااااا تي القلبيه

سعود بن مدلاج

17th May 2005, 21:47

أخواني أعضاء و زوار المنتدى مساكم الله بالخير جميع عسى الله يجملنا فيكم وا بشر بي يابن عتقان

الجميلي نت

17th May 2005, 21:53

نرحب بالشاعر سعود بن مدلاج (( الله حيّه))

الكويت

17th May 2005, 21:53

الأن اكتملت الأمسيه

حياك الله يا ابو علي

هذي من اسعد اللحظات تواجد الجميع في منتدى الجميع

ــــــــــــــ

فهد بن سالم

17th May 2005, 21:57

مرحبا بك يا ابو علي

اسعد اللحظات تواجد الجميع في منتدى الجميع

سعود بن مدلاج

17th May 2005, 22:19

مساكم الله بالخير يالربع
اشكر جميع الاخوان المشرفين والاعضاء والمشاهدين

المعذره الشبكة ماجملتنا معكم

والمعذره يابن عتقان على تاخر الرد

واستلم

هلا مرحبا ترحيب حالي ومملوح = عدد ما تهب من الشمال الهبوبي

انا امثل رجال لها فعل ممدوح = ولو ان جهال العرب مادروبي

ابو فيراس

17th May 2005, 22:20

السلاموعليكم ورحمة الله وبراكاة

اسعد الله مسائكم جميعً
محاورة في وقتها

خصوصً انها بين شاعرين عملاقين
نتمنا محاورة شيقة تسعد الجميع

ولكم تحياتي
اخوكم
ابو فراس

ابو تركي

17th May 2005, 22:25

يامرحبا يابو علي

وياسلااام عليك
هلا مرحبا ترحيب حالي ومملوح@@@عدد ما تهب من الشمال الهبوبي

انا امثل رجال لها فعل ممـدوح@@@@ولو ان جهال العرب مادروبـي

بس بالنسبه للصف اسمحلي انا مع صف الشاعر عبدالله بن عتقان :)

تقبل تحياتي

عبدالله السلمي

17th May 2005, 22:31

الله الله لا هنت ياسعود
أستـــــــــــــــــ ـلم

ألا ياحمام الورق لا تكثر النوح

ترا كل شيٍ بالحياة محسوبي

تسولف يأبن مدلاج والقلب مجروح

ولافيه إبن أدم سليــــــــم العيوبي

عبدالله السلمي

17th May 2005, 22:33

هلا وغلا ابو فيراس

تواجد أسعدنا يالغالي

العبيدي

17th May 2005, 22:36

الله الله

صح الله لسانك ياسعود

صح الله لسانك يابو هذال

واصلوا

تابعوا يالربع وناسف لتأخر الاتصالات

سعود بن مدلاج

17th May 2005, 22:47

صح لسانك وستلم

تراناالحرارالي توقع على اللوح = نصيد السمان ونقتضي كل نوبي
وغلطتك مسموحه وشرواك مسموح= ومن فضل ربي ماعليناذنوبي

ابوهلا

17th May 2005, 22:48

مرحبابكم جميع

مرحبا بالشاعرين الجزلين الأخ عبد الله بن عتقان و الأخ سعود بن مدلاج

واصلو ابداعكم فنحن نستمتع بهذه الامسية الجميلة التي نجتمع بكم فيها

ومرحبا بالمتابعين من أعضاء وزوار

العبيدي

17th May 2005, 22:52

تراناالحرارالي توقع على اللوح =نصيد السمان ونقتضي كل نوبي
وغلطتك مسموحه وشرواك مسموح=ومن فضل ربي ماعليناذنوبيالله الله
صح الله لسانك يابو على

ابو هذال عصابة راسي الصفوف وقوف

فهد بن سالم

17th May 2005, 22:53

تراناالحرارالي توقع على اللوح = نصيد السمان ونقتضي كل نوبي
وغلطتك مسموحه وشرواك مسموح= ومن فضل ربي ماعليناذنوبي

صح لسانك يابو علي

ابو فيراس

17th May 2005, 23:00

الله الله الله

يا سعود

مبدع

عبدالله السلمي

17th May 2005, 23:04

أبنشدك وش لك فأهل الصين مصلوح؟

تسافر لهم ماكنك إلا عزوبي

تراك أنت شايب حاول أتقرب الشوح

لاتنظر شمال وغرب وأنته جنوبي

عبدالله السلمي

17th May 2005, 23:06

أبو هلا حبيب القلب

هلابككككككككككككككك في مكانك يالغالي

والقلب ينزف ألماً أتدري لماذا؟

العبيدي

17th May 2005, 23:08

أبنشدك وش لك فأهل الصين مصلوح؟ =تسافـر لهـم ماكنـك إلا عـزوبـي

تراك أنت شايب حاول أتقرب الشوح =لاتنظر شمال وغرب وأنتـه جنوبـي

صح لسانك وعلا شانك

واصلوا خلونا نعرف اخرة السفر

ابو فيراس

17th May 2005, 23:11

الله الله الله

يا ابو هذال

تراي قايد صفوفك

العبيدي

17th May 2005, 23:12

ابو هــــــــــــــــلا

انت في صف ابو هذال والا في صف سعود

فقط ليطمئن قلبي

ابوهلا

17th May 2005, 23:15

هلا يابو فيراس هذي المحاوره المباركه اللي جابتك

سلملي علي نفسك وعلي تركي

هلابكم في منتداكم منتدي الجميع

ابو هذال

سلامت قلبك لا اعرف لماذا الألم ياصديقي ؟

والمحل محلكم جميع

العبيدي انا قبل من اشد المتعصبين لبو هذال لاكن الأن انا زعلان عليه وفي صف سعود |4|

واصلوا لاهنتوا

ولاعدمناكم جميع

.

سعود بن مدلاج

17th May 2005, 23:22

اتنشد يبن عتقان واثرك مشفوح = ولوصرت ماتقدر تغني تهوبي
وردنا واخذنا من حلا الجم قرطوح = ولانلتفت لصخيفين الجنوبي

العبيدي

17th May 2005, 23:29

اتنشد يبن عتقان واثرك مشفوح= ولوصرت ماتقدر تغني تهوبي
وردناواخذنا من حلاالجم قرطوح= ولانلتفت لصخيفين الجنوبي
بالهناء والعافيه طال عمرك

محاورة لابد لها ان تستمر

ابو هلا
الليله تصفية حسابات لاتسري غير على صلح

ابو تركي

17th May 2005, 23:35

الله الله الله على الشعار

بن عتقان
أبنشدك وش لك فأهل الصين مصلوح؟@@@@@تسافـر لهـم ماكنـك إلا عـزوبـي

تراك أنت شايب حاول أتقرب الشـوح@@@@@لاتنظر شمال وغرب وأنتـه جنوبـي

بن مدلاج
اتنشد يبن عتقان واثرك مشفوح******** ولوصرت ماتقدر تغني تهوبي
وردناواخذنا من حلاالجم قرطوح **********ولانلتفت لصخيفين الجنوبي

ياسلاااام على الابداع

العبيدي وابوهلا الله يستر من تصفية الاحسابات :)

عبدالله السلمي

17th May 2005, 23:42

زرعتوا يجي عشرين شجره من الدوح

على فكرة أمهندس زراعي كذوبي

مصيبه عليكم باب من غرب مفتوح

وأنا من قهركم يمكن أشق ثوبي

العبيدي

17th May 2005, 23:48

زرعتوا يجي عشرين شجره من الدوح =على فكرة أمهندس زراعـي كذوبـي

مصيبه عليكم باب من غرب مفتـوح =وأنا من قهركم يمكـن أشـق ثوبـي
الله الله
الابداع عندما يوظف

صح الله لسان

ابو تركي الامور تستحق النقاش وانت مطول ماتدري عن العلم

عبدالله السلمي

17th May 2005, 23:49

ألاخ سعود أتمنى أن يكون الختام من عندك يالغالي

وبيض الله وجهك أديت وكفيت وعاقبتني جداااااااااااااااااا اااااااااااااااااااا ااااااا

ولنا لقاء قريب بحول الله

الأخوه الاعضاء والضيوف أتمنى لكم وقتاً ممتعاً وحياة طيبه على أمل اللقاء بكم في اقرب الأوقات0

تصبحون على خير

عبدالعزيز

17th May 2005, 23:55

يا هلا وغلا بالموجودين جميعاً من شعار واعضاء وزوار

وهذي الساعه المباركه الي تجمعنا كلنا

هلا وغلا في الشاعر الكبير ابو علي ( سعود بن مدلاج )

وهلا وغلا بالشاعر الكبير ابو هذال ( عبدالله السلمي )

امسيه رائعه جداً ونجومها الحاضرين جميعاً

:D:D:D:D:D:D:D:D:D:D :D:D:D

|4|

***

عبدالعزيز

18th May 2005, 00:04

ماقصرت يا بوهذال ولا هنت على هذه الأمسيه الرائعه

وتصبح على خير وعافيه

***

سعود بن مدلاج

18th May 2005, 00:10

عسى عمر ابن عتقان ماهو عمر نوح = اريده يتوب ومزري انه يتوبي
تريح يا بوهذال والراس ممسوح = تراكم عرب ماتعلمون الغيوبي

وسلامتكم وسامحونا على القصور
وتصبحون على خير

العبيدي

18th May 2005, 00:17

صح الله لسانك يابو علي

وصح الله لسانك يابو هذال

بيض الله وجيهكم محاورة جزلة كما عهدناه منكم

نشكركم جزيل الشكر على الوقت اللي قضيتوه في منتداكم

تصبحون على خير

******************** ************

الاخوه الاعضاء

مشكورين على الحضور والمتابعة

ونلتقي بكم في المحاورات القادمة القريبه ان شاء الله

لاهنتوا
وتصبحون على خير

الجميلي نت

18th May 2005, 00:24

نشكر الشاعرين عبد الله السلمي وسعود بن مدلاج ونتمنى لقاءات اخرى

وسامحنا يالعبيدي على العجل ترانا متحمسين ونشجع هذا التراثوتصبحون على خير جميعا

ابو تركي

18th May 2005, 00:39

صح الله لسااااانكم جميع

محاوره كما توقعنا رائعه بروعة شعارها

لاهنت يابو هذال

ولا هنت يابو علي

وصح الله لسااانكم

والعبيدي مشرفنا العزيز عزالله انك صاج انا ما ادري عنك وعن ابو هلا بس الوكاد ان علومكم كلها طيبه :)

تصبحون على خير

مبارك الزعبي

18th May 2005, 01:32

صح لسان الشاعرين ابن عتقان وابن مدلاج

وبيض الله وجييهم على تلبية الطلب ..

والله لا يهينهم ..

والله يبيض وجه كل من تكلف ..

امسية فوق الممتازه ..

لاهنتو جميعا ..

تصبحون على خير

ابوهلا

18th May 2005, 02:26

لايسعنى في ختام هذه الأمسيه الرائعه والراقيه ألا ان اتقدم بجزيــل الشكر وكثيف الأحترام

للشاعرين ابناء قبيلتنا وابناء منتدانا الغالي

الأخ الشــاعر : سعود بن مدلاج

والأخ الشاعر: عبدالله بن عتقان الدملوكي

علي تلبيتهم للدعوه مشكورين رغم انشغالاتهم الكثيره

|44||48||49|

وصح لسانكم ويسلم بنانكم

ملاحظه: بلغ عدد المتواجدين ذروته في ساعه المحاوره الي 135 فقد حطم الرقم القياسي السابق وهو 130 فهنيئا لكم هذه الجماهير العريظه وهنيئا لنا بكم

ولايفوتني ان اشكر الأخوان المتابعين للمحاوره من اعظاء وظيوف لمنتدانا اللذي هو منتدى الجميع وانشالله كما تفظل مشرفنا العبيدي سيكون هناك صولات وجولات مستقبلا مع شعراء في منتدي المحاوره يرشحهم المشرفين

وتصبحون علي الف خيــــــــــــر

|49||48||44|

.

فهد الزعاب

18th May 2005, 03:17

السلام عليكم

لاهنتوا
وصح لسانكم

يابن مدلاج ويابن عتقان
ولكم جزيل الشكر ويعطيكم العافيه
واشكر اخي العبيدي على التنظيم والترتيب
والسلام خير الختام

بدران الفتوي السلمي

18th May 2005, 20:21

الســــلام عليكم ورحمه الله وبركاته
اشكر الشاعرين على ماقدموا لنا من امسيه رائعه واتمنى لهم التوفيق
ملاحظه : الى المراقب ياليت اخوي فيه طريقه لعرض المحاورات تكون اسرع شوي مثل تقريبن شات مخصص للمحاورات واشكركم على مجهودكم
وشـــــــــكرا
بـــدران الفتوي السلمي

العبيدي

21st May 2005, 17:39

الاخ بدران

مرحبا ومسهلا

نشكر لك متابعتك

اما بخصوص المحاورة فهذا هو جو المحاوره لابد من تخلل الردود وهو الدارج في جميع المنتديات

والمحاورة متوفره بالتسلسل بدون ردود

ليتسنى للمشاهد الاطلاع عليها بالتواتر

ولكم جزيل شـــــــــــــكري