ابو تركي
27th April 2005, 12:12
السلام عليكم ورحمة الله وبركاته
واسعد الله جميع اوقاتكم بكل خير وموده
اقدم لكم هذه القصيدة الرائعه لشاعرها نواف ابو شويربات البرازي المطيري وهو يمدح منديل بن محمد بن عجران بن سحوب ويذكر صفاته وصفاة اباه ابو عجران ونسأل الله ان يشافي ابو عجران من كل مكروه
وابو فيصل من الرجال اللي مشهود لهم بالطيب والفزعه ويستاهل كل علم غانم
واليكم القصيده
يا كثر ماسوا من الطيب منديل=فيني وانا مديون له بمتناني
تعبت انا مع صاحب العمر بالحيل=وازريت اجازي طيبه اللي غشاني
ما لي جدا اللا اقول فيه التماثيل= لو ان في حقه مايافي لساني
هاك الرفيق اللي يشيل الحمل شيل=عني ولا يرضي علي بالهواني
رجال ما مثله فكل الرجاجيل=اليا نخيته فاللوازم شفاني
بالطيب عدا نجمة الجدي وسهيل=نعمٍ ببو فيصل عريب المجاني
من روس قومٍ فالمراجل مشاكيل=ازعوب لامس الحبل بالبطاني
ياما اتعبوا من سبّق الهجن والخيل=وافعالهم بمصقلات السناني
يردون غارات الوغى والمصاويل=عزوتهم الشرفا هل الجمبخاني
ياطيبهم طيباه ذباحة الحيل=اللي مجالسهم دلال وصياني
أميرهم راع الوفا والتنافيل=محمد العجران ذرب اليماني
من طلعة النجمه يباري المعاميل=ونجره ينادي من بعيدٍ وداني
في مجلسه تلقى النشاما الحلاحيل=ما شان وجهه لو يشين الزماني
له دلةٍ رسلان للبن والهيل=ومقنده تقنيد بالزعفراني
والضيف يبشر فالعشا في دجى الليل=ذبيحةٍ مدهونةٍ بالعداني
الشيخ ابو عجران سيلٍ على سيل=عليه من حاتم وصوف ومعاني
وبه ميزةٍ ما حصلوها الدعابيل=الخمس يديها وصوم ارمضاني
ويعز جاره لا نزل معه تنزيل=وان شد ماينسى الوفا والحساني
طيبه جذب منديل جمله وتفصيل=رفيقي اللي شانه اليوم شاني
اثر الصداقه من كبار المحاصيل=الله ولا منّة قريبٍ هداني
ماني انا بالقيل مدور مداخيل=الحمد للي لاطلبته عطاني
نواف ابو شويربات البرازي المطيري
واسعد الله جميع اوقاتكم بكل خير وموده
اقدم لكم هذه القصيدة الرائعه لشاعرها نواف ابو شويربات البرازي المطيري وهو يمدح منديل بن محمد بن عجران بن سحوب ويذكر صفاته وصفاة اباه ابو عجران ونسأل الله ان يشافي ابو عجران من كل مكروه
وابو فيصل من الرجال اللي مشهود لهم بالطيب والفزعه ويستاهل كل علم غانم
واليكم القصيده
يا كثر ماسوا من الطيب منديل=فيني وانا مديون له بمتناني
تعبت انا مع صاحب العمر بالحيل=وازريت اجازي طيبه اللي غشاني
ما لي جدا اللا اقول فيه التماثيل= لو ان في حقه مايافي لساني
هاك الرفيق اللي يشيل الحمل شيل=عني ولا يرضي علي بالهواني
رجال ما مثله فكل الرجاجيل=اليا نخيته فاللوازم شفاني
بالطيب عدا نجمة الجدي وسهيل=نعمٍ ببو فيصل عريب المجاني
من روس قومٍ فالمراجل مشاكيل=ازعوب لامس الحبل بالبطاني
ياما اتعبوا من سبّق الهجن والخيل=وافعالهم بمصقلات السناني
يردون غارات الوغى والمصاويل=عزوتهم الشرفا هل الجمبخاني
ياطيبهم طيباه ذباحة الحيل=اللي مجالسهم دلال وصياني
أميرهم راع الوفا والتنافيل=محمد العجران ذرب اليماني
من طلعة النجمه يباري المعاميل=ونجره ينادي من بعيدٍ وداني
في مجلسه تلقى النشاما الحلاحيل=ما شان وجهه لو يشين الزماني
له دلةٍ رسلان للبن والهيل=ومقنده تقنيد بالزعفراني
والضيف يبشر فالعشا في دجى الليل=ذبيحةٍ مدهونةٍ بالعداني
الشيخ ابو عجران سيلٍ على سيل=عليه من حاتم وصوف ومعاني
وبه ميزةٍ ما حصلوها الدعابيل=الخمس يديها وصوم ارمضاني
ويعز جاره لا نزل معه تنزيل=وان شد ماينسى الوفا والحساني
طيبه جذب منديل جمله وتفصيل=رفيقي اللي شانه اليوم شاني
اثر الصداقه من كبار المحاصيل=الله ولا منّة قريبٍ هداني
ماني انا بالقيل مدور مداخيل=الحمد للي لاطلبته عطاني
نواف ابو شويربات البرازي المطيري