فلاح البرازي ،،، ومطلق الزعبي

[البرازي]

أحببت نشر هذه القصيده في منتداكم الطيب للوالد فلاح ( راعي الروسا ) بن الغنيم بن الحميدي بن بريك بن فالح بن سمره من الموانعه البرازي ، في مدح خويه مطلق البحيري الزعبي أبو فيحان ، حيث كانت له معامله مهمة ، وتاخر عليه خويه إلي مواعدة ، وإلا على جيت أبو فيحان وتخاوى معاه للمعاملة وتمت بفضل الله تعالى ، فقصد فيه هذي القصيده التى ختمها بالإفتخار بقبيلته مطير وافعالها ،
يقول راعي الروسا :

أَانشهد إنه طَاف موعد عَشيري ،،، إِما نسى ولا لفوله مساير
وقفت أعبر ضيقةٍ فِي ضميري،،، بس أتطاع راكبين الحَناتير
والله من شيي ٍ يكنه ضِميري ،،، أدراه مَا ودي تجيله حواشير
الله يبيض وجه ولد البحيري ،،، بيض ٍتنشر له ثيابٍ مقازير
مطلق أبو فيحان ريف القصيري ،،، يا الله تجزي فاعل الخير بالخير
ماني بحيره يازبون العثيري ،،، لي صربن صم الرمك بالمغاوير
تستاهل ألي مالهجها الغريري ،،، بنت الذي يبهش بوجه المساير
ياسائل عني تراني مطيري ،،، ذباحة الفرسان في معركة كير
حنا لي رد البرى من عميلي ،،، لي قلم الحداد عقف المسامير
كم سربةٍ نحتدها بالذخيري ،،، حد الجمال الصايته بالمعاشير
كم خايع ٍ يزيه وابن الغديري ،،، عليه من نوى الثريا شخاتير
حنا حماةٍ له عن إلي يصيري ،،، يكود من ينزل على نية الخير
حنا مدلهة الخوي والقصيري ،،، قدام تخلفنا الليالي المجادير
وسلامتكم

[علي بن مديبغ]

صح لسانك يا البرازي


ويستاهل ابو فيحان

تستاهل ألي مالهجها الغريري ،،، بنت الذي يبهش بوجه المساير


وروعة ابداع المتمكنين تبيّن في المواقف الطيبه

[العميد]

صح لسانك يا البرازي


ويستاهل ابو فيحان

[طرجم الزعبي]

صح لسانك وتسلم يا البرازي

ويستاهل ابو فيحان

[البرازي]

الأخوة الأفاضل / علي بن مديبغ،،، والعميد ،،، وطرجم الزعبي ،،، وجميع الأخوة الأعضاء ،،،
الذين قرئوا على المشاركه ،،،، أشكركم كل الشكر على مروركم وترحيبكم الحار لي في منتدى قبيلتكم المكرمه وهذا ماهو غريب عليكم بل هو من طيب أصلكم وحسن مرباكم ،،،
أخوكم ولد راعي الروسا البرازي

[ابوهلا]

]مرحبا تراحيب المطر بالبرازي ولد راعي الروسا

والله يحييك بين اخوانك وهذي الساعه المباركه





قصيده جزله ونعم بالمادح والممدوح

مطلق أبو فيحان ريف القصيري ،،، يا الله تجزي فاعل الخير بالخير

ونعم الطاري ونعم الرجل يستاهل والشاهد الله





تستاهل ألي مالهجها الغريري ،،، بنت الذي يبهش بوجه المساير

بيت رائــــــــع





ياسائل عني تراني مطيري ،،، ذباحة الفرسان في معركة كير


والله ونعم ياحمران النواطر ونعم بالطيبين كلهم



صح لسان فلاح راعي الروسا



لاهنت علي هالمشاركه الجزله




.

[المعتصم بالله]

ابو فيحان يستاهل



وصح لسان الشاعر

[ابو تركي]

يامرحبا والله وغلا بالبرازي



وحياك الله في منتداك



وتسلم والله على نقل القصيدة الجزله


وصح الله لسان شاعرها


ويستاهل ابو فيحان



وماعليكم زود يالبرازي



تقبلوا تحياتي

[ابو عمر]

صح لسانك

يا البرازي على

المشاركه الطيبه ويعطيك العافيه

[عبدالعزيز]

حياك الله يا ولد راعي الروسا البرازي

وصــح السان الشاعر

وفعل الخير بأهل الخير ما يضيع

ويستاهل ابو فيحان


والذي يزيد المشاركه جمال هو تواجدك معنى


وحياك الله بينا




لك التحيه






____
_

[البرازي]

الأخوة الأعضاء ،،، أبو سعود ،،، أبو عمر ،،، أبو تركي ،، المعتصم بالله ،،، أبو هلا
صح بدنكم ،،، و أشكر لكم مروركم العطر ،،، وماعليكم زود يالنشاما ،،،
أخوكم أبو فلاح البرازي

[البحيري]

اخي العزيز / فواز البرازي أبو فلاح ، مساك الله بالخير والمسرات .
لا أستطيع أن أدلي بدلوي في هذا الموضوع لأني أحد أبناء مطلق بن فيحان البحيري ، وكما يقال شهادتي مجروحة ، أشكرك على إيراد هذه القصيدة التي تعبر عن وفاء والدك ــ أطال الله بعمره على الطاعة وأحسن خاتمته ــ في من أحسن إليه .
نسأل الله حسن الخاتمة لوالدينا وجميع المسلمين .
أخوك / سعود بن مطلق البحيري

[ابو شبيب]

البرازي

لك من الشكر أجمله ومن الود أجزله
وسلمت تلك الانامل التى نقلت
وصح لسان الشاعر مليون
وابو فيحان من رؤس قوم يستاهلون

أرق التحايا وأعذبها
دمت بود
ابو شبيب

[البرازي]

الأخوين الفاضلين ،،، أبو شبيب والبحيري ،،، أشكر لكم مروركم الغالي

وأشكرك أخي أبو شبيب على هذه الكلمات الجميله وهذا الأسلوب الرائع في الترحيب ،،،وما عليك زود يالقرم

وأشكرك كذلك أخي سعود بن مطلق البحيري على هالكلمات العذبه ،،، وأقول ان نشر القصيده من باب قول النبي صلى الله عليه وسلم " لا يشكر الله من لايشكر الناس " ، ووالدك أبو فيحان الله يطول بعمره أفعاله وطيبه بالناس تشهد به المجالس ، والقصيده نشرتها قبل ذلك في منتدى مطير

http://mutir.com/vbvv/showthread.php?t=335 69

عرفانا بأفعال الوالد الله يخليه لكم

وياليت تسلم عليه وعلى الأخون كلهم

أخوك فواز البرازي

[الكويت]

صح السان الشاعر

ويستاهل ابو فيحان

ولك الشكر على النقل

قصيده جميله وجزله

===

[البحيري]

ذكرت هذه القصيدة بعد وفاة الوالد ( الله يرحمه ويسكنه الفردوس الأعلى ) وقد قالها أبو فواز الله يجزاه خير عندما زارنا مع أبناءه وعزانا في وفاة الوالد .

وهذه اللفتة الكريمة تعبر عن وفاء وصدق مشاعر العم أبو فواز .