المساعد الشخصي الرقمي

مشاهدة النسخة كاملة : Bmw

علي بن مديبغ
27th March 2005, 23:40
السلام عليكم


انقطاع متواصل...وجديد دائم


نتمنى ان نقدم ما يحوز على الرظى



يا راكب اللي كنه الحر لا فز.................. .................... ...............
.................... ..................(B MW) مصــنعـــه عند الألـــمــــــــان
سلمت يدين اللي مسويه وانجز............... .................... ................
.................... .................... امصنعه في كل دقـــه مـــــع اتــــقـان
اليا بغيته وانت جالس فقط غز.................. .................... ...............
.................... ..................وا للي تبـــي حـــاظر ولا انــــته بتــعبان
اليا ركبته عد نفسك ولد عز.................. .................... ..................
.................... ...................ا للــي تـــبيه بتــــاصله بــإذن رحمــــان
ثم دق ســــلف وبدله (D) يرتز................ .................... ..................
.................... ................كنه شــجاعٍ تــــــزهمــــه ام يتـــــــــــمان
وصل سلامي لمن غلاها تمركز............... .................... .................
.................... .................... ..قله علـــــي بــــعد الجفا حيل تعبـــان
يا من سلبني وبالغلا حزني حز.................. .................... .............
.................... .................... ...ادري حصــل تــقصيــر والـــعذر يفلان
القلب يضخ الدم ايضن ويفرز............... .................... .................... .
.................... .................... .غـــــــــلاك يا واحد وعـادلــت بــلـــدان
ما اقول بعدك يا الغلا هزني هز.................. .................... ............
.................... .................... .....لك وحشةٍ ما نــالهــا غــيرك انســان
اهديت لك قلبي وطالبك توعز................ .................... ..................
.................... .................... .....من نفسك لنفسك على صدق واحسان
اهديت لك قلبي بعشقٍ مطرز................ .................... ....................
.................... .................... .وترى على (your love) ماني بندمـــــان




وسلامتكم



وسامحونا على القصور
العميد
28th March 2005, 11:13
الشئ الجميل انك دائما متجدد و متنع فبعد المغاتير تقصد في Bmw


|110|
علي بن مديبغ
28th March 2005, 14:05
حياك الله يا العميد


وهاذي الساعه المباركه


ابداعي لرظاكم وما نبتغي الا سعادتكم
طرجم الزعبي
30th March 2005, 13:06
اليا بغيته وانت جالس فقط غز.................. .................... .......... .....
.................... ..................وا للي تبـــي حـــاظر ولا انــــته بتــعبان

صح لسانك وتسلم يمناك ولعدمناك اخوي علي بن مديبغ........
علي بن مديبغ
30th March 2005, 14:09
حياك الله يا طرجم


وهاذي الساعه المباركه
ابوجاسم
30th March 2005, 20:26
اهديت لك قلبي بعشقٍ مطرز................ .................... .......... ..........
.................... .................... .وترى على (your love) ماني بندمـــــان

قصيدة رائعة ووزن رائع
صح لسانك ونبغى المزيد
علي بن مديبغ
31st March 2005, 00:28
حياك الله يا ابو جاسم


ولا اروع منها الا مرورك يا الغالي
المجيني
31st March 2005, 12:27
والله ولا ارووووووووع صح السانك
علي بن مديبغ
1st April 2005, 00:43
حياك الله يا المجيني


وصح بدنك مرورك يزيدني تألقاً طال عمرك
العبيدي
1st April 2005, 18:30
الاخ العزيز

علي بن مديبغ

صح لسانك ودام ابداعك

من زمان كنت ابقولك تراك تندم على هذه العذريات الغزليه

لكن مادمت مانت ندمان اقولك استمر ونحن متابعين

لاعدمناك
علي بن مديبغ
1st April 2005, 21:59
حياك الله يا العبيدي


وهاذي الساعه المباركه


طال عمرك ماني بدنمان دامني ماشي صح وتوني بأول العمر يمديني بالتغيير بعدين


ولافيه سبب اني اندم دامني متمكن انشاء الله من اللي انا ابيه والمظمون يجي سليم



تسلم على تعليقك ومنك نستفيد
اللورد الاماراتي
2nd April 2005, 15:13
صح لسانك يابن مديبغ والى الامام بابداع لايفوقه جمال الا جمال روحك
علي بن مديبغ
2nd April 2005, 22:27
حياك الله يا عز الطلب


اشكرك على الرد الطيب


وانا تحت امركم وحاظر



ولا هنت
ابوهلا
4th April 2005, 20:26
وش هالتمكن وهالاستعراض عربي وانجليزي مره وحده


ياسلام عليك


ثم دق ســــلف وبدله (D) يرتز................ .................... .......... ........
.................... ................كنه شــجاعٍ تــــــزهمــــه ام يتـــــــــــمان


بيت سنع


اهديت لك قلبي وطالبك توعز................ .................... .......... ........
.................... .................... .....من نفسك لنفسك على صدق واحسان



ياسلام



الا تعال كم عمرك يافتى



عيني عليك بارده وصح لسانك مليون ولايكفون



علي طاري البي ام دبليو بهديلك مقتطفات من قصيده الشاعر ياسر




ياصاحبـي يانـور يـانـور يـانـور
والوقت ضلمـاء وانـت مـن يقتدابـه

ضاقت عليّ وضقت مـن حـرة الجـور
مـن شـيء والله ماحسبنـا حسـابـه

مير الوكـاد إنـك تبـي تتقـن الـدور
قصة مسلسـل وانـت ضـد العصابـه

صافـي نوايـا وانـت بالله منـصـور
حط بيمنـك سيـف واقضـب نصابـه

واركب على اللي لانخيته علـى القـور
ماكـنـك إلا تنتـخـي لــك بـلابـه

فكرة هل التحديـث فـي عالـم الـزور
مافكـروا وشلـون صـنـع الربـابـه

ألمـان × ألمـان تفكـيـر وحـظـور
ماجمـعـة فـالـروس وإلا انـبـابـه


BM صنعـة للمسـافـات دسـتـور
سـم الخطـوط وعـز مـن ينتخابـه


حطولهـا مـن قـو الإتقـان ماطـور
يـوم صنعـوه لقـامـزات السحـابـه

شدوا محركهـا علـى عشـرة شطـور
واثنيـن معـهـا فالمـلازيـم هـابـه

فتحـة غمـى واربـع تشاكيـل للنـور
للعـج والضلمـاء وهــل السحـابـه

والرابـع اللـي فالكرستـال منـثـور
رمـز التقـدم لـو تـغـم الضبـابـه

مع وجهها لاجيت لـو طحـت معـذور
ماكـنـك إلا داخــلٍ لــك بغـابـه

لاقـام يلعـج عكـس الأضـواء بلـور
كنـك تحلـى فـي عـيـون الذيـابـه

مصفـق جوانبهـا مضمـر ومفـتـور
مثـل القعـود اللـي ينومـس شبابـه

حفـرة رفارفهـا مثـل منـور السـور
فالأندلـس يـوم إن طـارق سطـابـه

قزازهـا كنـه مـن البـعـد ديـجـور
وإلا القـزاز اللـي هــذاك إحتمـابـه

فالبنـك لا جيتـه مـدبـل ومسـتـور
وشرهتـك للـي راح يدعـم حسـابـه

ولاجيتها من خلف عملـه مـن اليـور
أجـزل كلامـك ياعجـيـب العجـابـه

لاقام يرهش بوسـط القلـب عصفـور
والقلـب يذكـر مامضـى مـن عذابـه

كنـك تشـوف بـدور وتقـول يابـدور
بنت النصـارا عـن شمـال الكسابـه

طبلونهـا بالتـو والايــت والـفـور
ويكشـح مثـل وقـدة زعيـم الذرابـه

أبو علي لاصار مـن دون أبـا القـور
الأردح الـلـي يستـحـق المـثـابـه

إليـا وقفـت كـل التحـف مالهـا دور
تعطـي شمـوخ وكبريـاء ومهـابـه

مقدم مراسمهـا علـى القـاع منـزور
عـودٍ تحيـدب قـام يـقـرأ كتـابـه

لاسقتهـا كنـك مـع النـاس مشهـور
أو كنـك المطنـوخ وسـط الغـلابـه

تعطيـك رزه وإستحـائـات وشـعـور
بـان الوليـد يمـوت ماصـك بـابـه

لوانت متواضـع تبـى تصيـر مغـرور
ولوأنـت متضايـق تخمـك رحـابـه

شـيً بديهـي ومتنـاقـل ومخـبـور
الماء علـى المـاء يالسنافـي حزابـه

والمـال بالقـرآن يـاخـوك مـذكـور
هـو زينـة الدنيـا وحلـوة شبـابـه

لو راعي الددسـن يهيجـن ومسـرور
تـراه يخشـى مـن تبـيـن عـذابـه

أركـب عليهـا يامحمـد علـى الفـور
والـدرب خلـه شــيء ماينـدرابـه

واخذ الكتاب اللي بـه الوجـد مبـذور
وخفف عـن اللـي بالتزايـد صوابـه

وانحربها رجـلٍ علـى الطيـب دكتـور
وكنـه علـى رأس المراجـل عصابـه

سعود يسبح في خيالـي مـن شهـور
حربـي ولا بيـنـي وبيـنـه قـرابـه

لآكـن يسـوى عنـدي ألفيـن هـاذور
والطيـب واحـد والـرخـوم تشـابـه

إنص لمحله وأنـت يالـذرب مشكـور
تلـقـاه واقــف ويتبـسـم بنـابـه

ويقول بلسانـه تـرى الطيـب مقـدور
ويامرحبـاً بالـلـي لفـانـي هـلابـه

في مجلسه تلقى علـى يمينـك طيـور
قشـر الوحـوش مبينـات القطـابـه

واللي على اليسرى شمالٍ عـن السـور
صفـة بغـاديـدٍ تجـيـب الطـرابـه

تتكي علـى جمـرٍ محظـب ومحكـور
يشـدى لجمـرٍ فـي خفوقـي عثابـه

وفي وسطي المجلس على الوسط مزرور
وكـرٍ عليـه اللـي مجسـه صـلابـه

تلقى العضب مرهي وواثـق وماسـور
والحـر يـدري بـأن طيبـه مثـابـه

ماضـره اللـي بايمـن الكـف مبتـور
دامه ليـا منـه نـوى الخـرب جابـه

غيـره مخاليبـه تقـل صفـة ضفـور
وهـو مثـل صفـة شطـار الحـدابـه

الله خلـق كفـه علـى الـدم مجبـور
وغيـره كفـوفـه مــدرجٍ للذبـابـه

أجلس وعطـه اللـي بالقلـب محفـور
وعجـزت لاقولـه وهــو ينحكـابـه

أستر على نفسـي وانـا منـه مقهـور
ليـن إن جسمـي قـام يثقـل مصابـه

هو ليه هستربـي ردى الحـظ والجـور
هـو ليـه كفـي يلحقـونـه معـابـه

مد الرخاء ماهـو مثـل مـد مهصـور
وأنـا امـد وكــن مــدي نهـابـه

أموت في وسعـه ولا امـوت محجـور
والسيف يصـدي لنظلـم فـي جرابـه

أبختصـر ياسعـود مانيـب محصـور
وابخـفـي الـلـي دار مايـنـدرابـه

واسمحلـي اردد مثـل بنـدر ســرور
﴿وحـدك ولاخـوة جمـوع الزلابـه﴾




اسلم وسلّم


.
علي بن مديبغ
4th April 2005, 23:42
حياك الله يا ابو هلا

وردود جزله من راس جزل


وانا عمري طال عمرك ( رجال )


واتصل علي وانا اعلمك


ولا هنت طال عمرك